શિવ પુરાણ · અધ્યાય 2.2.33

બ્રહ્મોવાચ ॥
ઇત્યુક્તં શ્રીમહેશસ્ય શ્રુત્વા વચનમાદરાત્॥
વીરભદ્રોતિસંતુષ્ટઃ પ્રણનામ મહેશ્વરમ

શાસનં શિરસા ધૃત્વા દેવદેવસ્ય શૂલિનઃ।
પ્રચચાલ તતઃ શીઘ્રં વીરભદ્રો મખં પ્રતિ

શિવોથ પ્રેષયામાસ શોભાર્થં કોટિશો ગણાન્॥
તેન સાર્દ્ધં મહાવીરાન્મલયાનલસન્નિભાન્॥

અથ તે વીરભદ્રસ્ય પુરતઃ પ્રબલા ગણાઃ॥
પશ્ચાદપિ યયુર્વીરાઃ કુતૂહલકરા ગણાઃ

વીરભદ્રસમેતા યેગણાશ્શતસહસ્રશઃ ॥
પાર્ષદાઃ કાલકાલસ્ય સર્વે રુદ્રસ્વરૂપિણઃ ॥૫।]
ગણૈસ્સમેતઃ કિલતૈર્મહાત્મા સ વીરભદ્રો હરવેષભૂષણઃ ॥
સહસ્રબાહુર્ભુજગાધિપાઢ્યો યયૌ રથસ્થઃ પ્રબલોતિભીકરઃ

નલ્વાનં ચ સહસ્રે દ્વે પ્રમાણં સ્યંદનસ્ય હિ ॥
અયુતેનૈવ સિંહાનાં વાહનાનાં પ્રયત્નતઃ

તથૈવ પ્રબલાઃ સિંહા બહવઃ પાર્શ્વરક્ષકાઃ ॥
શાર્દૂલા મકરા મત્સ્યા ગજાસ્તત્ર સહસ્રશઃ

વીરભદ્રે પ્રચલિતે દક્ષનાશાય સત્વરમ્ ॥
કલ્પવૃક્ષસમુત્સૃષ્ટા પુષ્પવૃષ્ટિરભૂત્તદા

તુષ્ટુવુશ્ચ ગણા વીર શિપિવિષ્ટે પ્રચેષ્ટિતમ્ ॥
ચક્રુઃ કુતૂહલં સર્વે તસ્મિંશ્ચ ગમનોત્સવૈઃ

કાલી કાત્યાયિનીશાની ચામુંડા મુંડમર્દિની ॥
ભદ્રકાલી તથા ભદ્રા ત્વરિતા વૈષ્ણવી તથા

એતાભિર્નવદુર્ગાભિર્મહાકાલી સમન્વિતા ।
યયૌ દક્ષવિનાશાય સર્વભૂતગણૈસ્સહ

ડાકિની શાકિની ચૈવ ભૂતપ્રમથગુહ્યકાઃ ॥
કૂષ્માંડાઃ પર્પટા શ્ચૈવ ચટકા બ્રહ્મરાક્ષસાઃ

ભૈરવાઃ ક્ષેત્રપાલાશ્ચ દક્ષયજ્ઞવિનાશકાઃ ॥
નિર્યયુસ્ત્વરિતં વીરાશ્શિવાજ્ઞાપ્રતિપાલકાઃ

તથૈવ યોગિનીચક્રં ચતુઃષષ્ટિગણાન્વિતમ્ ॥
નિર્યયૌ સહસા ક્રુદ્ધં દક્ષયજ્ઞં વિનાશિતુમ્

તેષાં ગણાનાં સર્વેષાં સંખ્યાનં શૃણુ નારદ ॥
મહાબલવતાં સંઘોમુખ્યાનાં ધૈર્યશાલિનામ્

અભ્યયાચ્છંકુકર્ણશ્ચ દશકોટ્યા ગણેશ્વરઃ॥
દશભિઃ કેકરાક્ષશ્ચ વિકૃતો ષ્ટાભિરેવ

ચતુઃષષ્ટ્યા વિશાખશ્ચ નવભિઃ પારિયાત્રિકઃ ॥
ષડ્ભિસ્સર્વાઙ્ગકો વીરસ્તથૈવ વિકૃતાનનઃ

જ્વાલકેશો દ્વાદશભિઃ કોટિભિર્ગણપુંગવઃ ॥
સપ્તભિઃ સમદજ્જીમાન્ દુદ્રભોષ્ટાભિરેવ ચ

પંચભિશ્ચ કપાલીશઃ ષડ્ભિસ્સંદારકો ગણઃ ॥
કોટિકોટિભિરેવેહ કોટિકુણ્ડસ્તથૈવ ચ

વિષ્ટંભોઽષ્ટાભિર્વીરૈઃ કોટિભિર્ગણસપ્તમઃ ॥
સહસ્રકોટિભિસ્તાત સંનાદઃ પિપ્પલસ્તથા

આવેશનસ્તથાષ્ટાભિરષ્ટાભિશ્ચંદ્રતાપનઃ ॥
મહાવેશઃ સહસ્રેણ કોટિના ગણપો વૃતઃ

કુણ્ડી દ્વાદશકોટીભિસ્તથા પર્વતકો મુને ॥
વિનાશિતું દક્ષયજ્ઞં નિર્યયૌ ગણસત્તમ

કાલશ્ચ કાલકશ્ચૈવ મહાકાલસ્તથૈવ ચ ॥
કોટીનાં શતકેનૈવ દક્ષયજ્ઞં યયૌ પ્રતિ

અગ્નિકૃચ્છતકોટ્યા ચ કોટ્યાગ્નિમુખ એવ ચ ॥
આદિત્યમૂર્દ્ધા કોટ્યા ચ તથા ચૈવ ઘનાવહઃ

સન્નાહશ્શતકોટ્યા ચ કોટ્યા ચ કુમુદો ગણઃ ॥
અમોઘઃ કોકિલશ્ચૈવ કોટિકોટ્યા ગણાધિપઃ

કાષ્ઠાગૂઢશ્ચતુઃષષ્ટ્યા સુકેશી વૃષભસ્તથા ॥
સુમન્ત્રકો ગણાધીશસ્તથા તાત સુનિર્યયૌ

કાકપાદોદરઃ ષષ્ટિકોટિભિર્ગણસત્તમઃ ॥
તથા સન્તાનકઃ ષષ્ટિકોટિભિર્ગણપુંગવઃ

મહાબલશ્ચ નવભિઃ કોટિભિઃ પુંગવસ્તથા

મધુપિંગસ્તથા તાત ગણાધીશો હિ નિર્યયૌ ॥
નીલો નવત્યા કોટીનાં પૂર્ણભદ્રસ્તથૈવ ચ

નિર્યયૌ શતકોટીભિશ્ચતુર્વક્ત્રો ગણાધિપઃ ॥
કાષ્ઠાગૂઢેશ્ચતુષ્ષષ્ટ્યા સુકેશો વૃષભસ્તથા

વિરૂપાક્ષશ્ચ કોટીનાં ચતુઃષષ્ટ્યા ગણેશ્વરઃ ॥
તાલકેતુઃ ષડાસ્યશ્ચ પંચાસ્યશ્ચ ગણાધિપઃ

સંવર્તકસ્તથા ચૈવ કુલીશશ્ચ સ્વયં પ્રભુઃ ॥
લોકાંતકશ્ચ દીપ્તાત્મા તથા દૈત્યાન્તકો મુને

ગણો ભૃંગીરિટિઃ શ્રીમાન્ દેવદેવપ્રિયસ્તથા ॥
અશનિર્ભાલકશ્ચૈવ ચતુઃષષ્ટ્યા સહ્સ્રકઃ

કોટિકોટિસહસ્રાણાં શતૈર્વિંશ તિભિર્વૃતઃ ॥
વીરેશો હ્યભ્યયાદ્વીરઃ વીરભદ્ર શિવાજ્ઞયા

ભૂતકોટિસહસ્રૈસ્તુ પ્રયયૌ કોટિભિસ્ત્રિભિઃ ॥
રોમજૈઃ શ્વગણૈ શ્ચૈવ તથા વીરો યયૌ દ્રુતમ્

તદા ભેરીમહાનાદઃ શંખાશ્ચ વિવિધસ્વનાઃ ॥
જટાહરોમુખાશ્ચૈવ શૃંગાણિ વિવિધાનિ ચ

તે તાનિ વિતતાન્યેવ બંધનાનિ સુખાનિ ચ ॥
વાદિત્રાણિ વિનેદુશ્ચ વિવિધાનિ મહોત્સવે

વીરભદ્રસ્ય યાત્રાયાં સબલસ્ય મહામુને ॥
શકુનાન્યભવંસ્તત્ર ભૂરીણિ સુખદાનિ ચ

ઇતિ શ્રીશિવમહાપુરાણે દ્વિતીયાયાં રુદ્રસંહિતાયાં દ્વિતીયે સતીખણ્ડે વીરભદ્રયાત્રાવર્ણનં નામ ત્રયસ્ત્રિંશોઽધ્યાયઃ