શતપથબ્રાહ્મણમ્ · અધ્યાય 4.5.10

યદિ સોમમપહરેયુઃ । વિધાવતેચ્છતેતિ બ્રૂયાત્સ યદિ વિન્દન્તિ કિમાદ્રિયેરન્યદ્યુ ન વિન્દન્તિ તત્ર પ્રાયશ્ચિત્તિઃ ક્રિયતે -

દ્વયાનિ વૈ ફાલ્ગુનાનિ । લોહિતપુષ્પાણિ ચારુણપુષ્પાણિ ચ સ યાન્યરુણપુષ્પાણિ ફાલ્ગુનાનિ તાન્યભિષુણુયાદેષ વૈ સોમસ્ય ન્યઙ્ગો યદરુણપુષ્પાણિ ફાલ્ગુનાનિ તસ્માદરુણપુષ્પાણ્યભિષુણુયાત્ -

યદ્યરુણપુષ્પાણિ ન વિન્દેયુઃ । શ્યેનહૃતમભિષુણુયાદ્યત્ર વૈ ગાયત્રી સોમમચ્છાપતત્તસ્યા આહરન્ત્યૈ સોમસ્યાંશુરપતત્તચ્છ્યેનહૃતમભવત્તસ્માચ્છ્યેનહૃતમભિષુણુયાત્ -

યદિ શ્યેનહૃતં ન વિન્દેયુઃ । આદારાનભિષુણુયાદ્યત્ર વૈ યજ્ઞસ્ય શિરોઽચ્છિદ્યત્તસ્ય યો રસો વ્યપ્રુષ્યત્તત આદારાઃ સમભવંસ્તસ્માદાદારાનભિષુણુયાત્ -

યદ્યાદારાન્ન વિન્દેયુઃ । અરુણદૂર્વા અભિષુણુયાદેષ વૈ સોમસ્ય ન્યઙ્ગો યદરુણદૂર્વાસ્તસ્માદરુણદૂર્વા અભિષુણુયાત્ -

યદ્યરુણદૂર્વા ન વિન્દેયુઃ । અપિ યાનેવ કાંશ્ચ હરિતાન્કુશાનભિષુણુયાત્તત્રાપ્યેકામેવ ગાં દદ્યાદથાવભૃથાદેવોદેત્ય પુનર્દીક્ષેત પુનર્યજ્ઞો હ્યેવ તત્ર પ્રાયશ્ચિત્તિરિતિ નુ સોમાપહૃતાનામ્ -

અથ કલશદિરામ્ । યદિ કલશો દીર્યેતાનુલિપ્સધ્વમિતિ બ્રૂયાત્સ યદ્યનુલભેરન્પ્રસૃતમાત્રં વાઞ્જલિમાત્રં વા તદન્યૈરેકધનૈરભ્યુન્નીય યથાપ્રભાવં પ્રચરેયુર્યદ્યુ નાનુલભેરન્નાગ્રયણસ્યૈવ પ્રસ્કન્દ્યાન્યૈરેકધનૈરભ્યુન્નીય યથાપ્રભાવં પ્રચરેયુઃ સ યદ્યનીતાસુ દક્ષિણાસુ કલશો દીર્યેત તત્રાપ્યેકામેવ ગાં દદ્યાદથાવભૃથાદેવોદેત્ય પુનર્દીક્ષેત પુનર્યજ્ઞો હ્યેવ તત્ર પ્રાયશ્ચિત્તિરિતિ નુ કલશદિરામ્ -

અથ સોમાતિરિક્તાનામ્ । યદ્યગ્નિષ્ટોમમતિરિચ્યેત પૂતભૃત એવોક્થ્યં ગૃહ્ણીયાદ્યદ્યુક્થ્યમતિરિચ્યેત ષોડશિનમુપેયુર્યદિ ષોડશિનમતિરિચ્યેત રાત્રિમુપેયુર્યદિ રાત્રિમતિરિચ્યેતાહરુપેયુર્નેત્ત્વેવાતીરેકોઽસ્તિ -