શતપથબ્રાહ્મણમ્ · અધ્યાય 14.8.14

પ્રાણોપાસનાબ્રાહ્મણમ્
ઉક્થમ્। પ્રાણો વા ઉક્થં પ્રાણો હીદં સર્વમુત્થાપયત્યુદ્ધાસ્મા ઉક્થવિદ્વીરસ્તિષ્ઠત્યુક્થસ્ય સાયુજ્યં સલોકતાં જયતિ ય એવં વેદ - ૧૪.૮.૧૪.
યજુઃ। પ્રાણો વૈ યજુઃ। પ્રાણે હીમાનિ સર્વાણિ ભૂતાનિ યુજ્યન્તે યુજ્યન્તે હાસ્મૈ સર્વાણિ ભૂતાનિ શ્રૈષ્ઠ્યાય યજુષઃ સાયુજ્યં સલોકતાં જયતિ ય એવં વેદ - ૧૪.૮.૧૪.
સામ। પ્રાણો વૈ સામ। પ્રાણે હીમાનિ સર્વાણિ ભૂતાનિ સમ્યઞ્ચિ હાસ્મિન્ત્સર્વાણિ ભૂતાનિ શ્રૈષ્ઠ્યાય કલ્પન્તે સામ્નઃ સાયુજ્યં સલોકતાં જયતિ ય એવં વેદ - ૧૪.૮.૧૪.
ક્ષત્રમ્। પ્રાણો વૈ ક્ષત્રં। પ્રાણો હિ વૈ ક્ષત્રં ત્રાયતે હૈનં પ્રાણઃ ક્ષણિતોઃ પ્ર ક્ષત્રમાત્રમાપ્નોતિ ક્ષત્રસ્ય સાયુજ્યં સલોકતાં જયતિ ય એવં વેદ - ૧૪.૮.૧૪.