શતપથબ્રાહ્મણમ્ · અધ્યાય 14.8.13

અન્નપ્રાણયોરેકબ્રહ્મોપાસનાવિધાયકં બ્રાહ્મણમ્
અન્નં બ્રહ્મેત્યેક આહુઃ। તન્ન તથા પૂયતિ વા અન્નમૃતે પ્રાણાત્પ્રાણો બ્રહ્મેત્યેક આહુસ્તન્ન તથા શુષ્યતિ વૈ પ્રાણ ઋતેઽન્નાદેતે હ ત્વેવ દેવતે એકધાભૂયં ભૂત્વા પરમતાં ગચ્છતઃ -

તદ્ધ સ્માહ પ્રાતૃદઃ પિતરમ્। કિં સ્વિદેવૈવં વિદુષે સાધુ કુર્યાત્કિમેવાસ્મા અસાધુ કુર્યાદિતિ સ હ સ્માહ પાણિના મા પ્રાતૃદ કસ્ત્વેનયોરેકધાભૂયં ભૂત્વા પરમતાં ગચ્છતીતિ -

તસ્મા ઉ હૈતદુવાચ। વીત્યન્નં વૈ વ્યન્ને હીમાનિ સર્વાણિ ભૂતાનિ વિષ્ટાનિ રમિતિ પ્રાણો વૈ રં પ્રાણે હીમાનિ સર્વાણિ ભૂતાનિ રતાનિ સર્વાણિ હ વા અસ્મિન્ભૂતાનિ વિશન્તે સર્વાણિ ભૂતાનિ રમન્તે ય એવં વેદ -