Shatapatha Brahmana · Chapter 14.8.14

prāṇopāsanābrāhmaṇam
uktham/ prāṇo vā ukthaṃ prāṇo hīdaṃ sarvamutthāpayatyuddhāsmā ukthavidvīrastiṣṭhatyukthasya sāyujyaṃ salokatāṃ jayati ya evaṃ veda - १४.८.१४.
yajuḥ/ prāṇo vai yajuḥ/ prāṇe hīmāni sarvāṇi bhūtāni yujyante yujyante hāsmai sarvāṇi bhūtāni śraiṣṭhyāya yajuṣaḥ sāyujyaṃ salokatāṃ jayati ya evaṃ veda - १४.८.१४.
sāma/ prāṇo vai sāma/ prāṇe hīmāni sarvāṇi bhūtāni samyañci hāsmintsarvāṇi bhūtāni śraiṣṭhyāya kalpante sāmnaḥ sāyujyaṃ salokatāṃ jayati ya evaṃ veda - १४.८.१४.
kṣatram/ prāṇo vai kṣatraṃ/ prāṇo hi vai kṣatraṃ trāyate hainaṃ prāṇaḥ kṣaṇitoḥ pra kṣatramātramāpnoti kṣatrasya sāyujyaṃ salokatāṃ jayati ya evaṃ veda - १४.८.१४.