શતપથબ્રાહ્મણમ્ · અધ્યાય 13.3.1

પ્રજાપતેરક્ષ્યશ્વયત્ તત્પરાપતત્તતોઽશ્વઃ સમભવદ્યદશ્વયત્તદશ્વસ્યાશ્વત્વં તદ્દેવા અશ્વમેધેનૈવ પ્રત્યદધુરેષ હ વૈ પ્રજાપતિં સર્વં કરોતિ યોઽશ્વમેધેન યજતે સર્વ એવ ભવતિ સર્વસ્ય વા એષા પ્રાયશ્ચિત્તિઃ સર્વસ્ય ભેષજં સર્વં વા એતેન પાપ્માનં દેવા અતરન્નપિ વા એતેન બ્રહ્મહત્યામતરંસ્તરતિ સર્વં પાપ્માનં તરતિ બ્રહ્મહત્યાં યોઽશ્વમેધેન યજતે -

ઉત્તરં વૈ તત્પ્રજાપતેરક્ષ્યશ્વયત્ તસ્માદુત્તરતોઽશ્વસ્યાવદ્યન્તિ દક્ષિણતોઽન્યેષાં પશૂનામ્ -

વૈતસઃ કટો ભવતિ અપ્સુયોનિર્વા અશ્વોઽપ્સુજા વેતસઃ સ્વયૈવૈનં યોન્યા સમર્ધયતિ -

ચતુષ્ટોમ સ્તોમો ભવતિ સરડ્વા અશ્વસ્ય સક્થ્યાવૃહત્તદ્દેવાશ્ચતુષ્ટોમેનૈવ સ્તોમેન પ્રત્યદધુર્યચ્ચતુષ્ટોમ સ્તોમો ભવત્યશ્વસ્યૈવ સર્વત્વાય સર્વસ્તોમોઽતિરાત્ર ઉત્તમમહર્ભવતિ સર્વં વૈ સર્વસ્તોમોઽતિરાત્રઃ સર્વમશ્વમેધઃ સર્વસ્યાપ્ત્યૈ સર્વસ્યાવરુદ્ધ્યૈ -