શતપથબ્રાહ્મણમ્ · અધ્યાય 13.2.6

યુઞ્જન્તિ બ્રધ્નમરુષં ચરન્તમિતિ અસૌ વા આદિત્યો બ્રધ્નોઽરુષોઽમુમેવાસ્મા આદિત્યં યુનક્તિ સ્વર્ગસ્ય લોકસ્ય સમષ્ટ્યૈ -

તદાહુઃ પરાઙ્વા એતસ્માદ્યજ્ઞ એતિ યસ્ય પશુરુપાકૃતોઽન્યત્ર વેદેરેતીત્યેતં સ્તોતરનેન પથા પુનરશ્વમાવર્તયાસિ ન ઇતિ વાયુર્વૈ સ્તોતા તમેવાસ્મા એતત્પરસ્તાદ્દધાતિ તથા નાત્યેતિ -

અપ વા એતસ્માત્ તેજ ઇન્દ્રિયં પશવઃ શ્રીઃ ક્રામન્તિ યોઽશ્વમેધેન યજતે -

વસવસ્ત્વાઞ્જન્તુ ગાયત્રેણ ચ્છન્દસેતિ મહિષ્યભ્યનક્તિ તેજો વા આજ્યં તેજો ગાયત્રી તેજસી એવાસ્મિન્ત્સમીચી દધાતિ -

રુદ્રાસ્ત્વાઞ્જન્તુ ત્રૈષ્ટુભેન ચ્છન્દસેતિ વાવાતા તેજો વા આજ્યમિન્દ્રિયં ત્રિષ્ટુપ્તેજશ્ચૈવાસ્મિન્નિન્દ્રિયં ચ સમીચી દધાતિ -

આદિત્યાસ્ત્વાઞ્જન્તુ જાગતેન ચ્છન્દસેતિ પરિવૃક્તા તેજો વા આજ્યં પશવો જગતી તેજશ્ચૈવાસ્મિન્પશૂંશ્ચ સમીચી દધાતિ -

પત્ન્યોઽભ્યઞ્જન્તિ શ્રિયૈ વા એતદ્રૂપં યત્પત્ન્યઃ શ્રિયમેવાસ્મિંસ્તદ્દધતિ નાસ્માત્તેજ ઇન્દ્રિયં પશવઃ શ્રીરપક્રામન્તિ -

યથા વૈ હવિષોઽહુતસ્ય સ્કન્દેત્ એવમેતત્પશો સ્કન્દતિ યસ્ય નિક્તસ્ય લોમાનિ શીયન્તે યત્કાચાનાવયન્તિ લોમાન્યેવાસ્ય સમ્ભરન્તિ હિરણ્મયા ભવન્તિ તસ્યોક્તં બ્રાહ્મણમેકશતમેકશતં કાચાનાવયન્તિ શતાયુર્વૈ પુરુષ આત્મૈકશત આયુષ્યેવાત્મન્પ્રતિતિષ્ઠતિ ભૂર્ભુવઃ સ્વરિતિ પ્રાજાપત્યાભિરાવયન્તિ પ્રાજાપત્યોઽશ્વઃ સ્વયૈવૈનં દેવતયા સમર્ધયન્તિ લાજી૩ઞ્છાચી૩ યવ્યે ગવ્ય ઇત્યતિરિક્તમન્નમશ્વાયોપાવહરતિ પ્રજામેવાન્નાદીં કુરુત એતદન્નમત્ત દેવા એતદન્નમદ્ધિ પ્રજાપત ઇતિ પ્રજામેવાન્નાદ્યેન સમર્ધયતિ -

અપ વા એતસ્માત્ તેજો બ્રહ્મવર્ચસં ક્રામતિ યોઽશ્વમેધેન યજતે હોતા ચ બ્રહ્મા ચ બ્રહ્મોદ્યં વદત આગ્નેયો વૈ હોતા બાર્હસ્પત્યો બ્રહ્મા બ્રહ્મ બૃહસ્પતિસ્તેજશ્ચૈવાસ્મિન્બ્રહ્મવર્ચસં ચ સમીચી ધત્તો યૂપમભિતો વદતો યજમાનો વૈ યૂપો યજમાનમેવૈતત્તેજસા ચ બ્રહ્મવર્ચસેન ચોભયતઃ પરિધત્તઃ -

કઃ સ્વિદેકાકી ચરતીતિ અસૌ વા આદિત્ય એકાકી ચરત્યેષ બ્રહ્મવર્ચસમ્બ્રહ્મવર્ચસમેવાસ્મિંસ્તદ્ધત્તઃ -

ક ઉ સ્વિજ્જાયતે પુનરિતિ ચન્દ્રમા વૈ જાયતે પુનરાયુરેવાસ્મિંસ્તદ્ધત્તઃ -

કિં સ્વિદ્ધિમસ્ય ભેષજમિતિ અગ્નિર્વૈ હિમસ્ય ભેષજં તેજ એવાસ્મિંસ્તદ્ધત્તઃ -

કિમ્વાવપનં મહદિતિ અયં વૈ લોકં આવપનં મહદસ્મિન્નેવ લોકે પ્રતિતિષ્ઠતિ -

કા સ્વિદાસીત્પૂર્વચિત્તિરિતિ દ્યૌર્વૈ વૃષ્ટિઃ પૂર્વચિત્તિર્દિવમેવ વૃષ્ટિમવરુન્દ્ધે -

કિં સ્વિદાસીદ્બૃહદ્વય ઇતિ અશ્વો વૈ બૃહદ્વય આયુરેવાવરુન્દ્ધે -

કા સ્વિદાસીત્પિલિપ્પિલેતિ શ્રીર્વૈ પિલિપ્પિલા શ્રિયમેવાવરુન્દ્ધે -

કા સ્વિદાસીત્પિશંગિલેતિ અહોરાત્રે વૈ પિશંગિલે અહોરાત્રયોરેવ પ્રતિતિષ્ઠતિ -