શતપથબ્રાહ્મણમ્ · અધ્યાય 13.1.1

બ્રહ્મૌદનં પચતિ રેત એવ તદ્ધત્તે યદાજ્યમુચ્છિષ્યતે તેન રશનામભ્યજ્યાદત્તે તેજો વા આજ્યં પ્રાજાપત્યોઽશ્વઃ પ્રજાપતિમેવ તેજસા સમર્ધયત્યપૂતો વા એષોઽમેધ્યો યદશ્વઃ -

દર્ભમયી રશના ભવતિ પવિત્રં વૈ દર્ભાઃ પુનાત્યેવૈનં પૂતમેવૈનમ્મેધ્યમાલભતે -

અશ્વસ્ય વા આલબ્ધસ્ય રેત ઉદક્રામત્તત્સુવર્ણં હિરણ્યમભવદ્યત્સુવર્ણં હિરણ્યં દદાત્યશ્વમેવ રેતસા સમર્ધયતિ -

પ્રજાપતિર્યજ્ઞમસૃજત તસ્ય મહિમાપાક્રામત્સ મહર્ત્વિજઃ પ્રાવિશત્તમ્મહર્ત્વિગ્ભિરન્વૈચ્છત્તં મહર્ત્વિગ્ભિરન્વવિન્દદ્યન્મહર્ત્વિજો બ્રહ્મૌદનમ્પ્રાશ્નન્તિ મહિમાનમેવ તદ્યજ્ઞસ્ય યજમાનોઽવરુન્દ્ધે બ્રહ્મૌદને સુવર્ણં હિરણ્યં દદાતિ રેતો વા ઓદનો રેતો હિરણ્યં રેતસૈવાસ્મિંસ્તદ્રેતો દધાતિ શતમાનમ્ભવતિ શતાયુર્વૈ પુરુષઃ શતેન્દ્રિય આયુરેવેન્દ્રિયં વીર્યમાત્મન્ધત્તે ચતુષ્ટયીરપો વસતીવરીર્મધ્યમાયાહ્ને ગૃહ્ણાતિ તા દિગ્ભ્યઃ સમાહૃતા ભવન્તિ દિક્ષુ વા અન્નમન્નમાપોઽન્નેનૈવાસ્મા અન્નમવરુન્દ્ધે -