શતપથબ્રાહ્મણમ્ · અધ્યાય 12.4.2

૧૨.૪.૨.
તદાહુઃ – યસ્યાગ્નિહોત્રી લોહિતં દુહીત। કિં તત્ર કર્મ। કા પ્રાયશ્ચિત્તિરિતિ। વ્યુત્ક્રામતેત્યુક્ત્વા મેક્ષણં કૃત્વા। અન્વાહાર્યપચનં પરિશ્રયિતવૈ બ્રૂયાત્। તસ્મિન્નેતચ્છ્રપયિત્વા। તસ્મિંસ્તૂષ્ણીં જુહુયાત્। અનિરુક્તો વૈ પ્રજાપતિઃ। પ્રાજાપત્યમગ્નિહોત્રમ્। સર્વં વા અનિરુક્તમ્। તદનેન સર્વેણ પ્રાયશ્ચિત્તિં કુરુતે। તાં તસ્યામાહુત્યાં બ્રાહ્મણાય દદ્યાત્ યમનભ્યાગમિષ્યન્મન્યેત। આર્તિં વા એષા પાપ્માનં યજમાનસ્ય પ્રતિદૃશ્ય દુહે। યા લોહિતં દુહે। આર્તિમેવાસ્મિંસ્તત્પાપ્માનં પ્રતિમુઞ્ચતિ। અથ યદન્યદ્વિંદેત। તેન જુહુયાત્। અનાર્તેનૈવ તદાર્તં યજ્ઞસ્ય નિષકરોતિ। એતદેવ તત્ર કર્મ

તદાહુઃ – યસ્યાગ્નિહોત્રં દોહ્યમાનમમેધ્યમાપદ્યેત। કિં તત્ર કર્મ। કા પ્રાયશ્ચિત્તિરિતિ। તદ્ધૈકે હોતવ્યં મન્યન્તે। પ્રયતમેતત્। નૈતસ્યા હોમોઽવકલ્પતે। ન વૈ દેવાઃ કસ્માચ્ચન બીભત્સન્તે। બીભત્સંતા ૩ ઇ તુ દેવાઃ। ઇત્થમેવ કુર્યાત્। ગાર્હપત્યાદુષ્ણં ભસ્મ નિરુહ્ય। તસ્મિન્નેનદુષ્ણે ભસ્મંસ્તૂષ્ણીં નિનયેત્। અદ્ભિરુપનિનયતિ। અદ્ભિરેનદાપ્નોતિ। અથ યદન્યદ્વિંદેત્। તેન જુહુયાત્। એતદેવ તત્ર કર્મ

તદાહુઃ – યસ્યાગ્નિહોત્રં દોહિતમમેધ્યમાપદ્યેત। કિં તત્ર કર્મ। કા પ્રાયશ્ચિત્તિરિતિ। ય એવૈતદેઽઙ્ગારા નિરૂઢા। યેષ્વધિશ્રયિષ્યન્ ભવતિ। તાન્પ્રત્યુહ્ય તસ્મિન્નેનદુષ્ણે ભસ્મંસ્તૂષ્ણીં નિયેત્। અદ્ભિરુપનિનયતિ। અદ્ભિરેનદાપ્નોતિ। અથ યદન્યદ્વિંદેત્। તેન જુહુયાત્। એતદેવ તત્ર કર્મ

તદાહુઃ – યસ્યાગ્નિહોત્રમધિશ્રિતમમેધ્યમાપદ્યેત। કિં તત્ર કર્મ। કા પ્રાયશ્ચિત્તિરિતિ। ય એવૈતેઽઙ્ગારા નિરૂઢા। યેષ્વધિશ્રિતં ભવતિ। તેષ્વેનત્તૂષ્ણીં જુહુયાત્। તદ્ધુતમહુતમ્। યદહૈનત્તેષુ જુહોતિ। તેન હુતમ્। યદ્વેનાંસ્તેનૈવાઆનુગમયતિ। તેનાહુતમ્। અદ્ભિરુપનિનયતિ। અદ્ભિરેનદાપ્નોતિ। અથ યદન્યદ્વિન્દેત્। તેન જુહુયાત્। એતદેવ તત્ર કર્મ

તદાહુઃ - યદધિશ્રિતેઽગ્નિહોત્રે યજમાનો મ્રિયેત। કિં તત્ર કર્મ। કા પ્રાયશ્ચિત્તિરિતિ। તદેવૈનદભિપર્યાધાય વિષ્યંદયેત્। અથો ખલ્વાહુઃ – એતાવતી સર્વસ્ય હવિર્યસ્ય પ્રાયશ્ચિત્તિરિતિ। એતદેવ તત્ર કર્મ

તદાહુઃ – યસ્યાગ્નિહોત્રં સ્રુચ્યુન્નીતં સ્કન્દેત્। કિં તત્ર કર્મ। કા પ્રાયશ્ચિત્તિરિતિ। સ્કન્નપ્રાયશ્ચિત્તેનાભિમૃશ્ય અદ્ભિરુનિનીય પરિશિષ્ટેન જુહુયાત્। યદ્યુ નીચી સ્રુક્ સ્યાત્। યદિ વા ભિદ્યેત। સ્કન્નપ્રાયશ્ચિત્તેનૈવાભિમૃશ્ય અદ્ભિરુનિનીય યત્સ્થાલ્યાં પરિશિષ્ટં સ્યાત્। તેન જુહુયાત્

તદ્ધૈકે પ્રતિપરેત્ય યત્ સ્થાલ્યાં પરિશિષ્ટં ભવતિ તેન જુહ્વતિ। તદુ તથા ન કુર્યાત્। સ્વર્ગ્યં વા એતત્। યદગ્નિહોત્રમ્। યો હૈનં તત્ર બ્રૂયાત્। પ્રતિ ન્વા અયં સ્વર્ગાલ્લોકાદવારુક્ષત્। નાસ્યેદં સ્વર્ગ્યમિવ ભવિષ્યતીતિ। ઈશ્વરો હ તથૈવ સ્યાત્

ઇત્થમેવ કુર્યાત્। તદેવોપવિશેત્। યત્ સ્થાલ્યાં પરિશિષ્ટં સ્યાત્। તસ્મા ઉન્નીયાહરેયુઃ। તદ્ધૈક ઉપવલ્હન્તે। હુતોચ્છિષ્ટં વા એતત્। યાતયામ વા એતત્। નૈતસ્ય હોતવ્યમિતિ। તદુ તન્નાદ્રિયેત। યદા વા એતદયાતયામ। અથૈનદ્ધવિરાતંચનં કુર્વતે. તસ્માદ્યત્સ્થાલ્યાં પરિશિષ્ટં સ્યાત્। તદસ્મા ઉન્નીયાહરેયુઃ। યદ્યુ તત્ર ન સ્યાત્। યદન્યત્ વિંદેત્। તદગ્નાવધિશ્રિત્યાવજ્યોત્યાપઃ પ્રત્યાનીયોદ્વાસ્ય। તદદો હૈવોન્નેષ્યામીત્યુક્તં ભભવતિ। અથાત્ર યથોન્નીતમેવાસ્મા ઉન્નીયાહરેયુઃ। તેન કામં જુહુયાત્। એતદેવ તત્ર કર્મ

તદાહુઃ – યસ્યાગ્નિહોત્રં સ્રુચ્યુન્નીતમમેધ્યમાપદ્યેત। કિં તત્ર કર્મ। કા પ્રાયશ્ચિત્તિરિતિ। તદ્ધૈકે હોતવ્યં મન્યંતે. પ્રયતમેતત્। નૈતસ્યા હોમોઽવકલ્પતે। ન વૈ દેવાઃ કસ્માચ્ચન બીભત્સંત ઇતિ। તદ્ધૈક ઉત્સિચ્ય ચ્છર્દયન્તિ। તદુ તથા ન કુર્યાત્। યો હૈનં તત્ર બ્રૂયાત્। પરાસિચત ન્વા અયમગ્નિહોત્રમ્। ક્ષિપ્રેઽયં યજમાનઃ પરાસેક્ષ્યત ઇતિ। ઈસ્વરો હ તથૈવ સ્યાત્। ઇત્થમેવ કુર્યાત્ આહવનીયે સમિધમભ્યાધાય આહવનીયાદેવોષ્ણં ભસ્મ નિરુહ્ય તસ્મિન્નેનદુષ્ણે ભસ્મંસ્તૂષ્ણીં નિનયેત્। અદ્ભિરુનિનયતિ। અદ્ભિરેનદાપ્નોતિ। અથ યદન્યત્ વિંદેત્, તેન જુહુયાત્। એતદેવ તત્ર કર્મ

તદાહુઃ – યસ્યાગ્નિહોત્રં સ્રુચ્યુન્નીતમુપરિષ્ટાદવવર્ષેત્। કિં તત્ર કર્મ। કા પ્રાયશ્ચિત્તિરિતિ। તદ્વિદ્યાત્। ઉપરિષ્ટાન્મા શુક્રમાગન્નુપ માં દેવાઃ પ્રાભૂવન્ શ્રેયાન્ ભવિષ્યામિ ઇતિ। તેન કામં જુહુયાત્। એતદેવ તત્ર કર્મ