શતપથબ્રાહ્મણમ્ · અધ્યાય 12.1.3

૧૨.૧.૩ દેવવિદ્યાબ્રાહ્મણમ્
યદ્વૈ દીક્ષન્તે। અગ્નાવિષ્ણૂ એવ દેવતે યજન્તે। અગ્નાવિષ્ણૂ દેવતે ભવન્તિ। અગ્નાવિષ્ણ્વોઃ સાયુજ્યં સલોકતાં જયન્તિ

અથ યત્ પ્રાયણીયેન યજન્તે। અદિતિમેવ દેવતાં યજન્તે। અદિતિર્દેવતા ભવન્તિ। અદિતેઃ સાયુજ્યં સલોકતાં જયન્તિ

અથ યત્ ક્રયેણ ચરન્તિ। સોમમેવ દેવતાં યજન્તે। સોમો દેવતા ભવન્તિ। સોમસ્ય સાયુજ્યં સલોકતાં જયન્તિ

અથ યદાતિથ્યેન યજન્તે। વિષ્ણુમેવ દેવતાં યજન્તે। વિષ્ણુર્દેવતા ભવન્તિ। વિષ્ણોઃ સાયુજ્યં સલોકતાં જયન્તિ

અથ યત્પ્રવર્ગ્યેણ યજન્તે। આદિત્યમેવ દેવતાં યજન્તે। આદિત્યો દેવતા ભવન્તિ। આદિત્યસ્ય સાયુજ્યં સલોકતાં જયન્તિ

અથ યદુપસદ ઉપયન્તિ। એતા એવ દેવતા યજન્તે। યા એતા ઉપસત્સુ। એતા દેવતા ભવન્તિ। એતાસાં દેવતાનાં સાયુજ્યં સલોકતાં જયન્તિ

અથ યદગ્નીષોમીયેણ પશુના યજન્તે। અગ્નીષોમાવેવ દેવતે યજન્તે। અગ્નીષોમૌ દેવતે ભવન્તિ। અગ્નીષોમયોઃ સાયુજ્યં સલોકતાં જયન્તિ

અથ યત્ પ્રાયણીયમતિરાત્રમુપયન્તિ। અહોરાત્રે એવ દેવતે યજન્તે। અહોરાત્રે દેવતે ભવન્તિ। અહોરાત્રયોઃ સાયુજ્યં સલોકતાં જયન્તિ

અથ યચ્ચતુર્વિંશમહરુપયન્તિ। સંવત્સરમેવ દેવતાં યજન્તે। સંવત્સરો દેવતા ભવન્તિ। સંવત્સરસ્ય સાયુજ્યં સલોકતાં જયન્તિ

અથ યદભિપ્લવં ષડહમુપયન્તિ। અર્દ્ધમાસાંશ્ચ માસાંશ્ચ દેવતે યજન્તે। અર્દ્ધમાસાશ્ચ માસાશ્ચ દેવતા ભવન્તિ। અર્દ્ધમાસાનાં ચ માસાનાં ચ સાયુજ્યં સલોકતાં જયન્તિ

અથ યત્પૃષ્ઠ્યં ષડહમુપયન્તિ। ઋતૂનેવ દેવતા યજન્તે। અગ્નિર્દેવતા ભવન્તિ। અગ્નેઃ સાયુજ્યં સલોકતાં જયન્તિ

અથ યદભિજિતમુપયન્તિ। અગ્નિમેવ દેવતાં યજન્તે। અગ્નિર્દેવતા ભવન્તિ। અગ્નેઃ સાયુજ્યં સલોકતાં જયન્તિ

અથ યત્ સ્વરસામ્ન ઉપયન્તિ। અપ એવ દેવતા યજન્તે। આપો દેવતા ભવન્તિ। અપાં સાયુજ્યં સલોકતાં જયન્તિ

અથ યદ્વિષુવન્તમુપયન્તિ। આદિત્યમેવ દેવતાં યજન્તે। આદિત્યો દેવતા ભવન્તિ। આદિત્યસ્ય સાયુજ્યં સલોકતાં જયન્તિ। ઉક્તાઃ સ્વરસામાનઃ

અથ યદ્વિશ્વજિતમુપયન્તિ। ઇન્દ્રમેવ દેવતાં યજન્તે। ઇન્દ્રો દેવતા ભવન્તિ। ઇન્દ્રસ્ય સાયુજ્યં સલોકતાં જયન્તિ। ઉક્તૌ પૃષ્ઠ્યાભિપ્લવૌ

અથ યત્ ગોઆયુષી ઉપયન્તિ। મિત્રાવરુણાવેવ દેવતે યજન્તે। મિત્રાવરુણૌ દેવતે ભવન્તિ। મિત્રાવરુણયોઃ સાયુજ્યં સલોકતાં જયન્તિ

અથ યદ્દશરાત્રમુપયન્તિ। વિશ્વાનેવ દેવાન્ દેવતા યજન્તે। વિશ્વે દેવા દેવતા ભવન્તિ। વિશ્વેષાં દેવાનાં સાયુજ્યં સલોકતાં જયન્તિ

અથ યદ્દાશરાત્રિકં પૃષ્ઠ્યં ષડહમુપયન્તિ। દિશ એવ દેવતા યજન્તે। દિશો દેવતા ભવન્તિ। દિશાં સાયુજ્યં સલોકતાં જયન્તિ

અથ યચ્છંદોમાનુપયન્તિ। ઇમાનેવ લોકાન્ દેવતા યજન્તે। ઇમે લોકા દેવતા ભવન્તિ। એષાં લોકાનાં સાયુજ્યં સલોકતાં જયન્તિ

અથ યદ્દશમમહરુપયન્તિ। સંવત્સરમેવ દેવતાં યજન્તે। સંવત્સરો દેવતા ભવન્તિ। સંવત્સરસ્ય સાયુજ્યં સલોકતાં જયન્તિ

અથ યન્મહાવ્રતમુપયન્તિ। પ્રજાપતિમેવ દેવતાં યજન્તે। પ્રજાપતિર્દેવતા ભવન્તિ। પ્રજાપતેઃ સાયુજ્યં સલોકતાં જયન્તિ

અથ યદુદયનીયમતિરાત્રમુપયન્તિ। સંવત્સરમેવ તદાપ્ત્વા સ્વર્ગે લોકે પ્રતિતિષ્ઠન્તિ। તાન્ યદિ પૃચ્છેયુઃ કામદ્ય દેવતાં યજધ્વે। કા દેવતા સ્થ। કસ્યાં દેવતાયાં વસથેતિ। અત એવૈકતમાં બ્રૂયુઃ। યસ્યૈ તુ નેદિષ્ઠં સ્યુઃ। એતે સતિસદઃ। એતે હિ સતીષુ દેવતાસુ સીદન્તો યન્તિ। સત્રસદો હૈવેતરે। સ યો હૈવં વિદુષાં દીક્ષિતાનાં પાપકં સત્રે કીર્તયેત્। એતાભ્યસ્ત્વા દેવતાભ્ય આવૃશ્ચામઃ ઇત્યેનં બ્રૂયુઃ। સ પાપીયાન્ ભવતિ। શ્રેયાંસ આત્મના

સ એષ સંવત્સરસ્ત્રિમહાવ્રતઃ। ચતુર્વિંશે મહાવ્રતમ્। વિષુવતિ મહાવ્રતમ્। મહાવ્રત એવ મહાવ્રતમ્। તં હ સ્મૈતં પૂર્વ ઉપયંતિ। ત્રિમહાવ્રતં તે। તે તેજસ્વિન આસુઃ। સત્યવાદિનઃ। સંશિતવ્રતાઃ। અથ ય ઉ હ એનમપ્યેતર્હિ તથોપેયુઃ। યથાઽઽમપાત્રમુદક આસિક્તે વિમ્રિત્યેતત્। એવં હૈવ તે વિમ્રિત્યેયુઃ। ઉપર્યુપયંતિ। તદેષાં સત્યેન શ્રમેણ તપસા શ્રદ્ધયા યજ્ઞેનાહુતિભિરવરુદ્ધં ભવતિ