શતપથબ્રાહ્મણમ્ · અધ્યાય 12.1.4

૧૨.૧.૪ અધ્યાત્મવિદ્બ્રાહ્મણમ્
પુરુષો વૈ સંવત્સરઃ। તસ્ય પાદાવેવ પ્રાયણીયોઽતિરાત્રઃ। પાદાભ્યાં હિ પ્રયન્તિ। તયોર્યચ્છુક્લંતદહ્નો રૂપમ્। યત્કૃષ્ણં તદ્રાત્રેઃ। નખાન્યેવૌષધિવનસ્પતીનાં રૂપમ્। ઊરૂ ચતુર્વિંશમહઃ। ઉરોઽભિપ્લવઃ। પૃષ્ઠં પૃષ્ઠ્યઃ

અયમેવ દક્ષિણો બાહુરભિજિત્। ઇમ એવ દક્ષિણે ત્રયઃ પ્રાણાઃ સ્વરસામાનઃ। મૂર્દ્ધા વિષુવાન્। ઇમ એવોત્તરે ત્રયઃ પ્રાણાઃ સ્વરસામાનઃ

અયમેવોત્તરો બાહુર્વિશ્વજિત્। ઉક્તૌ પૃષ્ઠ્યાભિપ્લવૌ। યાવવાંચૌ પ્રાણૌ તે ગોઆયુષી। અઙ્ગાનિ દશરાત્રઃ। મુખં મહાવ્રતમ્। હસ્તાવેવોદયનીયોઽતિરાત્રઃ। હસ્તાભ્યાં હ્યુદ્યન્તિ। તયોર્યચ્છુક્લં તદહ્નો રૂપમ્। યત્કૃષ્ણં તદ્રાત્રેઃ। નખાન્યેવ નક્ષત્રાણાં રૂપમ્। સ એષ સંવત્સરોઽધ્યાત્મં પ્રતિષ્ઠિતઃ। સ યો હૈવમેતં સંવત્સરમધ્યાત્મં પ્રતિષ્ઠિતં વેદ। પ્રતિતિષ્ઠતિ પ્રજયા પશુભિરસ્મિન્ લોકે અમૃતત્વેનામુષ્મિન્