શતપથબ્રાહ્મણમ્ · અધ્યાય 11.4.4

અથાતો હવિષઃ સમૃદ્ધિઃ। ષડ્ઢ વૈ બ્રહ્મણો દ્વારોઽગ્નિર્વાયુરાપશ્ચન્દ્રમા વિદ્યુદાદિત્યઃ -

સ ય ઉપદગ્ધેન હવિષા યજતે અગ્નિના હ સ બ્રહ્મણો દ્વારેણ પ્રતિપદ્યતે સોઽગ્નિના બ્રહ્મણો દ્વારેણ પ્રતિપદ્ય બ્રહ્મણઃ સાયુજ્યં સલોકતાં જયતિ -

અથ યો વિપતિતેન હવિષા યજતે। વાયુના હ સ બ્રહ્મણો દ્વારેણ પ્રતિપદ્યતે સ વાયુના બ્રહ્મણો દ્વારેણ પ્રતિપદ્ય બ્રહ્મણઃ સાયુજ્યં સલોકતાં જયતિ -

અથ યોઽશૃતેન હવિષા યજતે। અદ્ભિર્હ સ બ્રહ્મણો દ્વારેણ પ્રતિપદ્યતે સોઽદ્ભિર્બ્રહ્મણો દ્વારેણ પ્રતિપદ્ય બ્રહ્મણઃ સાયુજ્યં સલોકતાં જયતિ -

અથ ય ઉપરક્તેન હવિષા યજતે। ચન્દ્રમસા હ સ બ્રહ્મણો દ્વારેણ પ્રતિપદ્યતે સ ચન્દ્રમસા બ્રહ્મણો દ્વારેણ પ્રતિપદ્ય બ્રહ્મણઃ સાયુજ્યં સલોકતાં જયતિ -

અથ યો લોહિતેન હવિષા યજતે। વિદ્યુતા હ સ બ્રહ્મણો દ્વારેણ પ્રતિપદ્યતે સવિદ્યુતા બ્રહ્મણો દ્વારેણ પ્રતિપદ્ય બ્રહ્મણઃ સાયુજ્યં સલોકતાં જયતિ -

અથ યઃ સુશૃતેન હવિષા યજતે। આદિત્યેન હ સ બ્રહ્મણો દ્વારેણ પ્રતિપદ્યતે સ આદિત્યેન બ્રહ્મણો દ્વારેણ પ્રતિપદ્ય બ્રહ્મણઃ સાયુજ્યં સલોકતાં જયતિ સૈષા હવિષઃ સમૃદ્ધિઃ સ યો હૈવમેતાં હવિષઃ સમૃદ્ધિં વેદ સર્વસમૃદ્ધેન હૈવાસ્ય હવિષેષ્ટં ભવતિ -

અથાતો યજ્ઞસ્ય સમૃદ્ધિઃ। યદ્વૈ યજ્ઞસ્ય ન્યૂનં પ્રજનનમસ્ય તદથ યદતિરિક્તં પશવ્યમસ્ય તદથ યત્સંકસુકં શ્રિયા અસ્ય તદથ યત્સમ્પન્નં સ્વર્ગ્યમસ્ય તત્ -

સ યદિ મન્યેત। ન્યૂનં મે યજ્ઞેઽભૂદિતિ પ્રજનનં મ એતત્પ્રજનિષ્ય ઇત્યેવ તદુપાસીત -

અથ યદિ મન્યેત અતિરિક્તં મે યજ્ઞેઽભૂદિતિ પશવ્યં મ એતત્પશુમાન્ભવિષ્યામીત્યેવ તદુપાસીત -

અથ યદિ મન્યેત। સંકસુકં મે યજ્ઞેઽભૂદિતિ શ્રિયૈ મ એતદા મા શ્રીસ્તેજસા યશસા
બ્રહ્મવર્ચસેન પરિવૃતા ગમિષ્યતીત્યેવ તદુપાસીત -

અથ યદિ મન્યેત। સમ્પન્નં મે યજ્ઞેઽભૂદિતિ સ્વર્ગ્યં મ એતત્સ્વર્ગલોકો ભવિષ્યામીત્યેવ તદુપાસીત સૈષા યજ્ઞસ્ય સમૃદ્ધિઃ સ યો હૈવમેતાં યજ્ઞસ્ય સમૃદ્ધિં વેદ સર્વસમૃદ્ધેન હૈવાસ્ય યજ્ઞેનેષ્ટં ભવતિ -