શતપથબ્રાહ્મણમ્ · અધ્યાય 11.4.3

૧૧.૪.૩ મિત્રવિન્દા ઇષ્ટિઃ
પ્રજાપતિર્વૈ પ્રજાઃ સૃજમાનોઽતપ્યત । તસ્માચ્છ્રાન્તાત્તેપાનાચ્છ્રીરુદક્રામત્સા દીપ્યમાના
ભ્રાજમાના લેલાયન્ત્યતિષ્ઠત્તાં દીપ્યમાનાં ભ્રાજમાનાં લેલાયન્તીં દેવા અભ્યધ્યાયન્ -

તે પ્રજાપતિમબ્રુવન્ હનામેમામેદમસ્યા દદામહા ઇતિ સ હોવાચ સ્ત્રી વા એષા યચ્છ્રીર્ન વૈ સ્ત્રિયં ઘ્નન્ત્યુત ત્વા અસ્યા જીવન્ત્યા એવાદદત ઇતિ -

તસ્યા અગ્નિરન્નાદ્યમાદત્ત સોમો રાજ્યં વરુણઃ સામ્રાજ્યં મિત્રઃ ક્ષત્રમિન્દ્રો બલં બૃહસ્પતિર્બ્રહ્મવર્ચસં સવિતા રાષ્ટ્રં પૂષા ભગં સરસ્વતી પુષ્ટિં ત્વષ્ટા રૂપાણિ -

સા પ્રજાપતિમબ્રવીત્ આ વૈ મ ઇદમદિષતેતિ સ હોવાચ યજ્ઞેનૈનાન્પુનર્યાચસ્વેતિ -

સૈતાં દશહવિષમિષ્ટિમપશ્યત્ આગ્નેયમષ્ટાકપાલં પુરોડાશં સૌમ્યં ચરું વારુણં દશકપાલં પુરોડાશં મૈત્રં ચરુમૈન્દ્રમેકાદશકપાલં પુરોડાશં બાર્હસ્પત્યં ચરું સાવિત્રં દ્વાદશકપાલં વાષ્ટાકપાલં વા પુરોડાશં પૌષ્ણં ચરું સારસ્વતં ચરું ત્વાષ્ટ્રં દશકપાલં પુરોડાશમ્ -

તાનેતયાનુવાક્યયાઽન્વવદત્ અગ્નિઃ સોમો વરુણો મિત્રઽ ઇન્દ્રો બૃહસ્પતિઃ સવિતા યઃ
સહસ્રી। પૂષા નો ગોભિરવસા સરસ્વતી ત્વષ્ટા રૂપાણિ સમનક્તુ યજ્ઞૈરિતિ તે પ્રત્યુપાતિષ્ઠન્ત -

તાનેતયા યાજ્યયા પરસ્તાત્પ્રતિલોમં પ્રત્યૈત્ત્વષ્ટા રૂપાણિ દદતી સરસ્વતી પૂષા ભગં સવિતા મે દદાતુ । બૃહસ્પતિર્દદદિન્દ્રો બલં મે મિત્રં ક્ષત્રં વરુણઃ સોમો અગ્નિરિતિ તે પુનર્દાનાયાધ્રિયન્ત -

સૈતાનુપહોમાનપશ્યત્ । અગ્નિરન્નાદોઽન્નપતિરન્નાદ્યમસ્મિન્યજ્ઞે મયિ દધાતુ સ્વાહેત્યાહુતિમેવાદાયાગ્નિરુદક્રામત્પુનરસ્યા અન્નાદ્યમદદાત્ -

સોમો રાજા રાજપતિઃ રાજ્યમસ્મિન્યજ્ઞે મયિ દધાતુ સ્વાહેત્યાહુતિમેવાદાય સોમ ઉદક્રામત્પુનરસ્યૈ રાજ્યમદદાત્ -

વરુણઃ સમ્રાટ્સમ્રાટ્પતિઃ સામ્રાજ્યમસ્મિન્યજ્ઞે મયિ દધાતુ સ્વાહેત્યાહુતિમેવાદાય વરુણ ઉદક્રામત્પુનરસ્યૈ સામ્રાજ્યમદદાત્ -

મિત્રઃ ક્ષત્રં ક્ષત્રપતિઃ ક્ષત્રમસ્મિન્યજ્ઞે મયિ દધાતુ સ્વાહેત્યાહુતિમેવાદાય મિત્રઽ ઉદક્રામત્પુનરસ્યૈ ક્ષત્રમદદાત્ -

ઇન્દ્રો બલં બલપતિઃ બલમસ્મિન્યજ્ઞે મયિ દધાતુ સ્વાહેત્યાહુતિમેવાદાયેન્દ્ર ઉદક્રામત્પુનરસ્યૈ બલમદદાત્ -

બૃહસ્પતિર્બ્રહ્મ બ્રહ્મપતિઃ બ્રહ્મવર્ચસમસ્મિન્યજ્ઞે મયિ દધાતુ સ્વાહેત્યાહુતિમેવાદાય બૃહસ્પતિરુદક્રામત્પુનરસ્યૈ બ્રહ્મવર્ચસમદદાત્ -

સવિતા રાષ્ટ્રં રાષ્ટ્રપતિઃ રાષ્ટ્રમસ્મિન્યજ્ઞે મયિ દધાતુ સ્વાહેત્યાહુતિમેવાદાય સવિતોદક્રામત્પુનરસ્યૈ રાષ્ટ્રમદદાત્ -

પૂષા ભગં ભગપતિઃ ભગમસ્મિન્યજ્ઞે મયિ દધાતુ સ્વાહેત્યાહુતિમેવાદાય પૂષોદક્રામત્પુનરસ્યૈ ભગમદદાત્ -

સરસ્વતી પુષ્ટિં પુષ્ટિપતિઃ પુષ્ટિમસ્મિન્યજ્ઞે મયિ દધાતુ સ્વાહેત્યાહુતિમેવાદાય સરસ્વત્યુદક્રામત્પુનરસ્યૈ પુષ્ટિમદદાત્ -

ત્વષ્ટા રૂપાણાં રૂપકૃદ્રૂપપતિઃ રૂપેણ પશૂનસ્મિન્યજ્ઞે મયિ દધાતુ સ્વાહેત્યાહુતિમેવાદાય ત્વષ્ટોદક્રામત્પુનરસ્યૈ રૂપેણ પશૂનદદાત્। -

તા વા એતાઃ। દશ દેવતા દશ હવીંષિ દશાહુતયો દશ દક્ષિણા દશંદશિની વિરાટ્છ્રીર્વિરાટ્છ્રિયાં હૈતદ્વિરાજ્યન્નાદ્યે પ્રતિતિષ્ઠતિ। -

તસ્યૈ પઞ્ચદશ સામિધેન્યો ભવન્તિ ઉપાંશુ દેવતા યજતિ પઞ્ચ પ્રયાજા ભવન્તિ ત્રયોઽનુયાજા એકં સમિષ્ટયજુઃ પુષ્ટિમન્તાવાજ્યભાગાવગ્નિના રયિમશ્નવત્પોષમેવ દિવેદિવે યશસં વીરવત્તમમ્ ગયસ્ફાનો અમીવહા વસુવિત્પુષ્ટિવર્ધનઃ સુમિત્રઃ સોમ નો ભવેતિ સહસ્રવત્યૌ સંયાજ્યે નૂ નો રાસ્વ સહસ્રવત્તોકવત્પુષ્ટિમદ્વસુ દ્યુમદગ્ને સુવીર્યં વર્ષિષ્ઠમનુપક્ષિતમ્ ઉત નો બ્રહ્મન્નવિષ ઉક્થેષુ દેવહૂતમઃ । શં નઃ શોચા મરુદ્વૃધોઽગ્ને સહસ્રસાતમ ઇતિ -

તાં હૈતાં ગોતમો રાહૂગણઃ વિદાં ચકાર સા હ જનકં વૈદેહં પ્રત્યુત્સસાદ તાં હાઙ્ગજિદ્બ્રાહ્મણેષ્વન્વિયેષ તામુ હ યાજ્ઞવલ્ક્યે વિવેદ સ હોવાચ સહસ્રં ભો યાજ્ઞવલ્ક્ય દદ્મો યસ્મિન્વયં ત્વયિ મિત્રવિન્દામન્વવિદામેતિ વિન્દતે મિત્રં રાષ્ટ્રમસ્ય ભવત્યપ પુનર્મૃત્યું જયતિ સર્વમાયુરેતિ ય એવં વિદ્વાનેતયેષ્ટ્યા યજતે યો વૈતદેવં વેદ -