શતપથબ્રાહ્મણમ્ · અધ્યાય 10.3

૧ । સુપર્ણચિતિઃ
૧ સુપર્ણચિત્યાગ્નેર્મધ્યદક્ષિણોત્તરભાગત્રયે લોમત્વેન સ્તુતાસ્ત્રિસહસ્રસંમિતાઃ પરિત્યજ્યાવશિષ્ટાનાં સપ્તસહસ્રાણાં શિરઃપ્રભૃતિપાદપર્યન્તમુપહિતાનામેવ શરીરરૂપત્વેન સ્થિતાનામિષ્ટકાનાં ગાયત્ર્યાદિસપ્તચ્છન્દોવીર્યરૂપત્વેન પ્રશંસનં, અથવાઽષ્ટમકાણ્ડે ચરમચિતૌ "છન્દસ્યા ઉપદધાતિ" ઇતિ સપ્તાનાં છન્દસામુપધા । નમભિહિતં તેષાં છન્દસાં ચિત્યાગ્નેશ્ચક્ષુરાદિસપ્તાવયવત્વેન પ્રશંસનં, તત્ર પ્રસઙ્ગાચ્છન્દઃપ્રશંસનદ્વારા અન્ધમૂકમૂઢબધિરનપુંસકાદીનાં દુશ્ચિકિત્સમૂલરોગરાજયક્ષ્માદિપરિગૃહીતાનાં ચ યજમાનાનાં કર્મણ્યનધિકારાદગ્નિચયનમપિ ન સ્યાદિતિ સંસૂચનં, સપ્તાનાં છન્દસાં પ્રકારાન્તરેણ સમ્ભૂય પ્રશંસનં, ઉક્તછન્દઃપ્રશંસનં વેદિતુઃ ફલનિરૂપણં ચેતિ ।
૨ । ચિત્યાગ્નેઃ - - -
૨ ચિત્યાગ્નેઃ શિરોગ્રીવાદીનાં છન્દોમયત્વસ્ય વેદવાદિપ્રશ્નોત્તરાભ્યાં નિરૂપણં, યદુક્તમગ્નેઃ શિરોગ્રીવાદિપરિકલ્પનેન છન્દોદેવતાસ્વરૂપત્વં તદેતત્પુણ્યલોકસાધન । માત્મવિદ્યૈવેતિ પ્રશંસનં ચેતિ ।
૩ । અગ્નેઃ સર્વદેવતાત્મકત્વમ્
૩ અગ્નેઃ સર્વદેવતાસમષ્ટિરૂપપ્રાણવાય્વાસ્મકત્વસ્ય ધીરમહાશાલનામ્નોર્મહર્ષ્યોઃ સંવાદેન પ્રતિપાદનં, તત્રાદૌ વિદ્યાવિષયે ગુરુશિષ્યપ્રતિપત્તિઃ કાર્યેતિ તસ્યાઃ પ્રતિપાદનં, ઉપાસ્યાગ્નેરધ્યાત્માધિદેવતભેદેન સર્વાત્મકત્વસ્ય વિશદીકરણં, તેષામગ્ન્યાદીનાં વાય્વાધીનતાપ્રદર્શનં, ઉક્તાર્થં વેદિતુઃ ફલાભિધાનં ચેતિ ।
૪ । અર્કસ્ય વનસ્પતિરૂપગ્રહણમ્
૪ પ્રષ્ટૃપ્રતિવક્તૃનિર્દેશપુરઃસરં--અગ્નિવાય્વાદિત્યપુરુષાણાં-ઔષધિવનસ્પત્યુદકચન્દ્રપશૂનાં ચ બહુવિધનામવ્યપદેશ્યત્વેન પ્રશંસનં, તત્રાપિ પુરુષસ્યાર્કરૂપત્વેનાનેકૈઃ પ્રશ્નપ્રતિવચનૈઃ પ્રશંસનં ચેતિ ।
૫ । યજુસ્તદ્વિધાયક બ્રાહ્મણમ્
૫ યજુસ્તદ્વિધાયકબ્રાહ્મણયોર્નિર્વચનપુરઃસરં--અધિદૈવાધ્યાત્મભેદેનાર્થવિવરણં, એતમુક્તમર્થં વેદિતુઃ ફલાભિધાનં, પ્રસઙ્ગાદ્વિદ્વન્નિન્દકસ્ય દોષં પ્રદર્શ્ય તત્સ્તાવકસ્ય ફલપ્રદર્શનં, યજુઃશબ્દસ્ય વાયુપ્રાણરૂપોઽર્થ ઉક્તસ્તસ્ય જ્યેષ્ઠબ્રહ્માત્મના પ્રશંસનં, ઉક્તાર્થં વેદિતુરપિ જ્યેષ્ઠત્વરૂપં ફલં ભવતીત્યભિધાનં, અપૂર્વાપરવદ્ગુણદ્વયવિશિષ્ટસ્ય બ્રહ્મણ ઉપાસનસ્ય ફલાભિધાનં, પુરુષાદધિકં વસ્તુ દિશસ્તા ઉપાસિતવ્યા ઇતિ સોપપત્તિકમભિધાનં, યજુર્મન્ત્રબ્રાહ્મણપ્રસઙ્ગાદુપનિષદોઽર્થસ્ય તત્સ્વરૂપં વેદિતુરાનન્દાવાપ્તિરૂપફલસ્ય ચ પ્રદર્શનં, તત્ર પ્રસઙ્ગાદુક્તં દેવાનામાનન્દાત્મત્વમુપજીવ્ય યજુરાત્મકવાયોરાનન્દાત્મત્વપરિજ્ઞાનફલસ્ય પુરાવૃત્તકથનેન પ્રદર્શનં, એવં વાયુપ્રાણરૂપત્વેન પ્રશંસિતસ્ય યજુષ ઉપાંશ્વનુષ્ઠાનસ્ય વિધાનં, ઉપાંશુત્વેનાનનુષ્ઠાને દોષકથનં, ઉપાંશુત્વં પ્રશસ્ય નિરુક્તત્વસ્ય પ્રશંસનં ચેત્યાદિ ।