શતપથબ્રાહ્મણમ્ · અધ્યાય 10.1.5

સર્વે હૈતે યજ્ઞા યોઽયમગ્નિશ્ચિતઃ સ યત્પશુમાલભતે તદગ્ન્યાધેયમથ યદુખાં સમ્ભરતિ તાન્યગ્ન્યાધેયહવીંષ્યથ યદ્દીક્ષતે તદગ્નિહોત્રમથ યદ્દીક્ષિતઃ સમિધાવાદધાતિ તે અગ્નિહોત્રાહુતી -

તે વૈ સાયંપ્રાતરાદધાતિ સાયંપ્રાતર્હ્યગ્નિહોત્રાહુતી જુહ્વતિ સમાનેન મન્ત્રેણ સમાનેન હિ મન્ત્રેણાગ્નિહોત્રાહુતી જુહ્વત્યથ યદ્વનીવાહનં ચ ભસ્મનશ્ચાભ્યવહરણં તૌ દર્શપૂર્ણમાસાવથ યદ્ગાર્હપત્યં ચિનોતિ તાનિ ચાતુર્માસ્યાન્યથ યદૂર્ધ્વં ગાર્હપત્યાદા સર્વૌષધાત્તા ઇષ્ટયોઽથ યદૂર્ધ્વં સર્વૌષધાત્પ્રાચીનં ચિતિભ્યસ્તે પશુબન્ધા ય એવૈતેષુ યજ્ઞેષુ વિષ્ણુક્રમાસ્તે વિષ્ણુક્રમા યજ્જપ્યં તદ્વાત્સપ્રમ્ -

સૌમ્યોઽધ્વરઃ પ્રથમા ચિતિઃ યત્પ્રાચીનં સવેભ્યો રાજસૂયો દ્વિતીયા વાજપેયસ્તૃતીયાશ્વમેધશ્ચતુર્થ્યગ્નિસવઃ પઞ્ચમી યૈશ્ચિતં સામભિઃ પરિગાયતિ તન્મહાવ્રતમથ યત્તત્રોદ્ગાતુઃ પુરસ્તાજ્જપ્યં તચ્છતરુદ્રિયં વસોર્ધારા મહદુક્થમથ યદૂર્ધ્વં સામભ્યઃ પ્રાચીનં વસોર્ધારાયૈ યદેવ તત્ર હોતુઃ પુરસ્તાજ્જપ્યં તત્તદથ યદૂર્ધ્વં વસોર્ધારાયૈ તે ગૃહમેધા એતાવન્તો વૈ સર્વે યજ્ઞાસ્તાનગ્નિનાઽઽપ્નોતિ -

અથાતો યજ્ઞવીર્યાણામેવ સાયંપ્રાતર્હ વા અમુષ્મિંલોકેઽગ્નિહોત્રહુદશ્નાતિ તાવતીહ તસ્મિન્યજ્ઞ ઊર્ગર્ધમાસેઽર્ધમાસે દર્શપૂર્ણમાસયાજી ચતુર્ષુ ચતુર્ષુ માસેષુ ચાતુર્માસ્યયાજી ષટ્સુ ષટ્સુ પશુબન્ધયાજી સંવત્સરે સંવત્સરે સોમયાજી શતે શતે સંવત્સરેષ્વગ્નિચિત્કામમશ્નાતિ કામં ન તદ્ધૈતદ્યાવચ્છતં સંવત્સરાસ્તાવદમૃતમનન્તમપર્યન્તં સ સો હૈતદેવં વેદૈવં હૈવાસ્યૈતદમૃતમનન્તમપર્યન્તં ભવતિ તસ્ય યદપીષીકયેવોપહન્યાત્તદેવાસ્યામૃતમનન્તમપર્યન્તં ભવતિ -