શાસ્ત્રવાર્ત્તાસમુચ્ચય · અધ્યાય 4.5

નાનાત્વાબાધાનાચ્ચેહ કુતઃ સ્વકૃતવેદનમ્
સત્ય્ અપ્ય્ અસ્મિન્ મિથો ઽત્યન્તં તદ્ભેદાદ્ ઇતિ ચિન્ત્યતામ્ ॥

વાસ્યવાસકભાવાચ્ ચેન્ નૈતત્ તસ્યાપ્ય્ અસંભવાત્
અસંભવઃ કથં ન્વ્ અસ્ય વિકલ્પાનુપપત્તિતઃ ॥

વાસકાદ્ વાસના ભિન્ના અભિન્ના વા ભવેદ્ યદિ
ભિન્ના સ્વયં તયા શૂન્યો નૈવાન્યં વાસયત્ય્ અસૌ ॥

અથાભિન્ના ન સંક્રાન્તિસ્ તસ્યા વાસકરૂપવત્
વાસ્યે સત્યાં ચ સંસિદ્ધિર્ દ્રવ્યાંશસ્ય પ્રજાયતે ॥

અસત્યામ્ અપિ સંક્રાન્તૌ વાસયત્ય્ એવ ચેદ્ અસૌ
અતિપ્રસંગઃ સ્યાદ્ એવં સ ચ ન્યાયબહિષ્કૃતઃ ॥

વાસ્યવાસકભાવશ્ ચ ન હેતુફલભાવતઃ
તત્ત્વતો ઽન્ય ઇતિ ન્યાયાત્ સ ચાયુક્તો નિદર્શિતઃ ॥