શાસ્ત્રવાર્ત્તાસમુચ્ચય · અધ્યાય 11.3

મૃત્યાદિવર્જિતા ચેહ મુક્તિઃ કર્મપરિક્ષયાત્
નાકર્મણઃ ક્વચિજ્ જન્મ યથોક્તં પૂર્વસૂરિભિઃ ॥

દગ્ધે બીજે યથાત્યન્તં પ્રાદુર્ભવતિ નાઙ્કુરઃ
કર્મબીજે તથા દગ્ધે ન રોહતિ ભવાઙ્કુરઃ ॥

જન્માભાવે જરામૃત્યોર્ અભાવો હેત્વભાવતઃ
તદભાવે ચ નિઃશેષ દુઃખાભાવઃ સદૈવ હિ ॥

પરમાનન્દભાવશ્ ચ તદભાવે હિ શાશ્વતઃ
વ્યાબાધાભાવસંસિદ્ધઃ સિધાનાં સુખમ્ ઇષ્યતે ॥

સર્વદ્વન્દ્વવિનિર્મુક્તાઃ સર્વાબાધાવિવર્જિતાઃ
સર્વસંસિદ્ધસત્કાર્યાઃ સુખં તેષાં કિમુચ્યતે ॥

અમૂર્તાઃ સર્વભાવજ્ઞાસ્ ત્રૈલોક્યોપરિવર્તિનઃ
ક્ષીણસઙ્ગા મહાત્માનસ્ તે સદા સુખમ્ આસતે ॥