શાસ્ત્રવાર્ત્તાસમુચ્ચય · અધ્યાય 11.4

એતા વાર્તા ઉપશ્રુત્ય ભાવયન્ બુદ્ધિમાન્ નરઃ
ઇહોપન્યસ્તશાસ્ત્રાણાં ભાવાર્થમ્ અધિગચ્છતિ ॥

શતાનિ સપ્ત શ્લોકાનામ્ અનુષ્ટુપ્છન્દસાં કૃતમ્
આચાર્યહરિભદ્રેણ શાસ્ત્રવાર્તાસમુચ્ચયમ્ ॥

કૃત્વા પ્રકરણમ્ એતદ્ યદ્ અવાપ્તં કિઞ્ચિદ્ ઇહ મયા કુશલમ્ ।
ભવવિરહબીજમ્ અનઘં લભતાં ભવ્યો જનસ્ તેન ॥

યં બુદ્ધં બોધયન્તઃ શિખિજલમરુતસ્ તુષ્ટુવુર્ લોકવૃત્ત્યૈ જ્ઞાનં યત્રોદપાદિ પ્રતિહતભુવનાલોકવન્ધ્યત્વહેતુ
સર્વપ્રાણિસ્વભાષાપરિણતિસુભગં કૌશલં યસ્ય વાચાં તસ્મિન્ દેવાધિદેવે ભગવતિ ભવતાધીયતાં ભક્તિરાગઃ ॥