શાસ્ત્રવાર્ત્તાસમુચ્ચય · અધ્યાય 1.3

સતો ઽસ્ય કિં ઘટસ્યેવ પ્રત્યક્ષેણ ન દર્શનમ્
અસ્ત્ય્ એવ દર્શનં સ્પષ્ટમ્ અહંપ્રત્યયવેદનાત્ ॥

ભ્રાન્તો ઽહં ગુરુર્ ઇત્ય્ એષઃ સત્યમ્ અન્યસ્ ત્વ્ અસૌ મતઃ
વ્યભિચારિત્વતો નાસ્ય ગમકત્વમ્ અથોચ્યતે ॥

પ્રત્યક્ષસ્યાપિ તત્ ત્યાજ્યં તત્સદ્ભાવાવિશેષતઃ
પ્રત્યક્ષાભાસમ્ અન્યચ્ ચેદ્ વ્યભિચારિ ન સાધુ તત્ ॥

અહંપ્રત્યયપક્ષે ઽપિ નનુ સર્વમ્ ઇદં સમમ્
અતસ્ તદ્વદ્ અસૌ મુખ્યઃ સમ્યક્ પ્રત્યક્ષમ્ ઇષ્યતામ્ ॥

ગુર્વી મે તનુર્ ઇત્ય્ આદૌ ભેદપ્રત્યયદર્શનાત્
ભ્રાન્તતાભિમતસ્યૈવ સા યુક્તા નેતરસ્ય તુ ॥

આત્મનાત્મગ્રહો ઽપ્ય્ અસ્ય તથાનુભવસિદ્ધિતઃ
તસ્યૈવ તત્સ્વભાવત્વાત્ ન તુ યુક્ત્યા ન યુજ્યતે ॥

ન ચ બુદ્ધિવિશેષો ઽયમ્ અહંકારઃ પ્રકલ્પ્યતે
દાનાદિબુદ્ધિકાલે ઽપિ તથાહંકારવેદનાત્ ॥

આત્મનાત્મગ્રહે તસ્ય તત્સ્વભાવત્વયોગતઃ
સદૈવાગ્રહણં હ્ય્ એવં વિજ્ઞેયં કર્મદોષતઃ ॥

અતઃ પ્રત્યક્ષસંસિદ્ધઃ સર્વપ્રાણભૃતામ્ અયમ્
સ્વયંજ્યોતિઃ સદૈવાત્મા તથા વેદે ઽપિ પઠ્યતે ॥