સર્વતથાગતતત્ત્વસંગ્રહ · અધ્યાય 43

ઇતિ ।
સર્વતથાગતતત્વસંગ્રહાત્સર્વતથાગતમહાયાનાભિસમયો નામ મહાકલ્પરાજા સમાપ્તઃ ॥
છપ્તેર્ 6 ત્રિલોકવિજય-મહ-મન્દલ-વિધિ-વિસ્તર
હ્ય્મ્ન્ ઓf 108 નમેસ્ ઓf મહચક્રવર્તિન્
અથ ભગવન્તઃ સર્વતથાગતાઃ પુનઃ સમાજમાગમ્ય, ભગવન્તં સર્વતથાગતમહાચક્રવર્તિનમનેન નામાષ્ટશતેનાધ્યેષિતવન્તઃ ।
વજ્રસત્વ મહાવજ્ર વજ્રનાથ સુસાધક ।
વજ્રાભિષેક વજ્રાભ વજ્રકેતુ નમો [ઽસ્તુતે]

હાસવજ્ર મહાધર્મ વજ્રકોશ મહાવર ।
સર્વમણ્ડલરાજાગ્ર્ય નિઃપ્રપઞ્ચ નમો ઽસ્તુ તે

વજ્રકર્મ મહારક્ષ ચણ્ડયક્ષ મહાગ્રહ ।
વજ્રમુષ્ટિ મહામુદ્ર સર્વમુદ્ર નમો ઽસ્તુ તે

બોધિચિત્ત મહાબોધે બુદ્ધ સર્વતથાગત્ ।
વજ્રયાન્ મહાજ્ઞાન મહાયાન નમો ઽસ્તુ તે

સર્વાર્થ સર્વતત્વાર્થ મહાસત્વાર્થ સર્વવિત્ ।
સર્વજ્ઞ સર્વકૃત્સર્વ સર્વદર્શિ નમો ઽસ્તુ તે

વજ્રાત્મક સુવજ્રાગ્ર્ય વજ્રવીર્ય સુવજ્રધૃક્ ।
મહાસમય તત્વાર્થ મહાસત્ય નમો ઽસ્તુ તે

વજ્રાઙ્કુશ મહાકામ સુરતે સુમહાપ્રભ ।
વજ્રપ્રભ પ્રભોદ્યોત બુદ્ધપ્રભ નમો ઽસ્તુ તે

વજ્રરાજાગ્ર્ય વજ્રાગ્ર્ય વિદ્યાગ્ર્યાગ્ર્ય નરોત્તમ ।
વજ્રોત્તમ મહાગ્ર્યાગ્ર્ય વિદ્યોત્તમ નમો ઽસ્તુ તે

વજ્રધાતો મહાગુહ્ય વજ્રગુહ્ય સુગુહ્યધૃક્ ।
વજ્રસૂક્ષ્મ મહાધ્યાન વજ્રકાર્ય નમો ઽસ્તુ તે

બુદ્ધાગ્ર્ય બુદ્ધવજ્રાગ્ર્ય બુદ્ધબોધે મહાબુધ ।
બુદ્ધજ્ઞાન મહાબુદ્ધ બુદ્ધબુદ્ધ નમો ઽસ્તુ તે

બુદ્ધપૂજા મહાપૂજા સત્વપૂજા સુપૂજક ।
મહોપાય મહાસિદ્ધે વજ્રસિદ્ધિ નમો ઽસ્તુ તે

તથાગતમહાકાય તથાગતસરસ્વતે ।
તથાગતમહાચિત્ત વજ્રચિત્ત નમો ઽસ્તુ તે

બુદ્ધાધિપ જિનાજ્ઞાકૃદ્બુદ્ધમિત્રે જિનાગ્રજ ।
મહાવૈરોચન વિભો[શાસ્તા]શાન્તરૌદ્ર નમો ઽસ્તુ તે

તથાગતમહાતત્વ ભૂતકોટે મહાનય ।
સર્વપારમિતાજ્ઞાન પરમાર્થ નમો ઽસ્તુ તે

સમન્તભદ્ર ચર્યાગ્ર્ય માર મારપ્રમર્દક ।
સર્વાગ્ર્ય સમાતાજ્ઞાન સર્વત્રગ નમો ઽસ્તુ તે

બુદ્ધહુંકર હુંકર વજ્રહુંકર દામક ।
વિશ્વવજ્રાઙ્ગ વજ્રોગ્ર વજ્રપાણે નમો ઽસ્તુ તે

વન્દ્યઃ પૂજ્યશ્ચ માન્યશ્ચ સત્કર્તવ્યસ્તથાગતૈઃ ।
યસ્માદ્વજ્રદૃઢં ચિત્તં વજ્રસત્વસ્ત્વમુચ્યસે

ત્વદધીના હિ સંબોધિ પિતા ત્વં સર્વદર્શિનાં ।
સંભૂતાઃ સંભવિષ્યન્તિ ત્વામાસાદ્ય તથાગતાઃ

અનેન સ્તોત્રરાજેન સ્તુયાદ્વૈ સુભક્તિતઃ ।
યો ગાયંસ્તુ સ્તુયાત્સો ઽપિ ભવેદ્વજ્રધરોપમઃ

અધ્યેષયામસ્ત્વાન્નાથ સર્વબુદ્ધવશઙ્કરં ।
સર્વસત્વાર્થકાર્યાર્થમુત્પાદય કુલં સ્વકમ્