સર્વતથાગતતત્ત્વસંગ્રહ · અધ્યાય 42

ઇતિ ॥
ઇનિતિઅતિઓન્ ઇન્તો થે મન્દલ
તતો યથાવદાકર્ષણ[પ્રવેશાદિં કૃ]ત્વા સર્વતથાગતસિદ્ધિજ્ઞાનાન્યુત્પાદયેત્ ॥
તત્ર પ્રથમન્તાવદ્વક્તવ્યં "ન ત્વયા કસ્યચિદદૃષ્ટસમયસ્યૈષાં રહસ્યાનામ[કોવિ]દસ્ય વક્તવ્યં । મા તે સર્વાપાયોપપત્તયે ભવેયુ, ર્વિષમાપરિહારેણાકાલમરણં વા સ્યાદ્" ઇતિ ॥
તતો વજ્રસત્વોત્તમસિદ્ધિસાધનજ્ઞાનં શિક્ષયેત્ ।
પૂર્ણચન્દ્રમણ્ડલારૂઢો મહામુદ્રાપરિગ્રહઃ ।
વજ્રસત્વં સ્વમાત્માનં ભાવયં સિધ્યતે લઘુ ॥ રિતિ ॥
તતઃ સર્વમણ્ડલગુહ્યસમયજ્ઞાનં શિક્ષયેત્ ।
વિરાગસદૃશં પાપમન્યન્નાસ્તિ ત્રિધાતુકે ।
તસ્માત્કામવિરાગિત્વં ન કાર્યં ભવતા પુનઃ ॥
મહાસમય હન્ ફટ્ ॥
તતઃ શપથહૃદયં દદ્યાદેવં । સર્વતથાગતકુલમણ્ડલેષુ વિધિવિસ્તરેષુ સમયસંવરન્દાતવ્યં ॥
તતો વજ્રસત્વમહામુદ્રાદિબન્ધચતુષ્ટયં શિક્ષયેત્ । તથૈવ સિદ્ધય ઇતિ ।
એવં પટાદિષુ સર્વપ્રતિમાસુ ચ મનીષિતવિધાનેન સર્વસિદ્ધયો દદન્તિ । એવં યથા વજ્રધાતુમહામણ્ડલવિધિવિસ્તર ઇતિ ॥
મુદ્ર
અથ સર્વતથાગતાઃ પુનરપિ સમાહજામાગત્ય, ભગવતે સર્વતથાગતાધિપતયે મહાબોધિચિત્તાય વજ્રસત્વાય મહાવજ્રપાણયે વજ્રતુષ્ટ્યાનેન હૃદયેન સાધુકારમદદુઃ ઓં ॥
સાધુ તે વજ્રસત્વાય વજ્રરત્નાય સાધુ તે ।
વજ્રધર્માય તે સાધુ સાધુ તે વજ્રકર્મણે

સુભાષિતમિદં સૂત્રં વજ્રયાનમનુત્તરં ।
સર્વતથાગતં ગુહ્યં મહાયાનાભિસંગ્રહં

વજ્રસત્વસ્ય નામાપિ સર્વસિદ્ધિકરં પરં ।
સાધ્યમાનસ્તુ શુદ્ધ્યા વૈ સુખૈર્બુદ્ધત્વમાપ્નુયાત્

વજ્રધર્મપ્રયોગેણ સર્વકામસુખૈઃ સુખં ।
સાધયેજ્જન્મનીહૈવ સુખમક્ષયમવ્યયમ્