સર્વતથાગતતત્ત્વસંગ્રહ · અધ્યાય 22

તત્રૈતાનિ હૃદયાનિ ભવન્તિ ।
વજ્રપાણિ વશમાનય સર્વબુદ્ધાન્ હોઃ ॥
વજ્રગર્ભ વજ્રપાણિં શીઘ્રમાકર્ષય હૂં જ્જઃ ॥
વજ્રનેત્ર સર્વધર્માન્ મારય હૂં ફટ્ ॥
વજ્રવિશ્વ રક્ષ સર્વવજ્રાન્ હં ॥
તતો વજ્રગુહ્યમુદ્રાજ્ઞાનં શિક્ષયેત્ ।
સત્વવજ્રાં સમાધાય હૃદયે સ્વયમાત્મનઃ ।
વજ્રદૃષ્ટ્યા નિરીક્ષન્ વૈ સર્વમાવેશયેજ્જગત્

રત્નવજ્રાં સમાધાય હૃદયે સ્વયમાત્મનઃ ।
દીપ્તદૃષ્ટ્યા નિરીક્ષન્ વૈ સર્વમાનયતે વશં

ધર્મવજ્રાં સમાધાય હૃદયે સ્વયમાત્મનઃ ।
ક્રોધદૃષ્ટ્યા નિરીક્ષન્ વૈ જગત્સર્વં સ મારયેત્

કર્મવજ્રાં સમાધાય હૃદયે સ્વયમાત્મનઃ ।
મૈત્રીદૃષ્ટ્યા નિરીક્ષન્ વૈ રક્ષેત્સર્વમિદં જગદ્ ॥ ઇતિ