સર્વતથાગતતત્ત્વસંગ્રહ · અધ્યાય 16

અથ કર્મમુદ્રાબન્ધો ભવતિ ।
વજ્રમુષ્ટિં દૃઢાં બધ્વા દ્વિધીકુર્યાત્સમાહિતઃ ।
વજ્રમુદ્રાદ્વયં ભૂયાત્ તતો બન્ધઃ પ્રવક્ષ્યતે

વામવજ્રાઙગુલિર્ગ્રાહ્યં દક્ષિણેન સમુત્થિતા ।
બોધાગ્રી નામ મુદ્રેયં બુદ્ધબોધિપ્રદાયિકા

અક્ષોભ્યસ્ય ભૂમિસ્પર્શા રત્ને તુ વરદા તથા ।
અમિતાયોઃ સમાધ્યગ્રા અમોઘસ્યાભયપ્રદા

અતઃ પરં પ્રવક્ષ્યામિ કર્મમુદ્રા સમાસતઃ ।
વજ્રસત્ત્વાદિસત્ત્વાનાં વજ્રકર્મપ્રવર્તિકાઃ

સગર્વોત્કર્ષણં દ્વાભ્યામઙ્કુ શગ્રહસંસ્થિતા ।
વાણઘન્તનયોગાચ્ચ સાધુકારા હૃદિ સ્થિતા

અભિષેકે દ્વિવજ્રં તુ હૃદિ સૂર્યપ્રદર્શનમ્ ।
વામસ્થબાહુદણ્ડા ચ તથાસ્યે પરિવર્તિતા

સવ્યાપસવ્યવિકચા હૃદ્ વામાં ખડ્ગમારણ ।
અલાતચક્રભ્રમિતા બજ્રદ્વયમુખોત્થિતા

વજ્રનૃત્યભ્રમોન્મુક્તં કપોલોષ્ણીષસંસ્થિતા ।
કવચા કનિષ્ઠદંષ્ટ્રાગ્ર્યા મુષ્ટિદ્વયનિપીડિતા

વજ્રગર્વાપ્રયોગેણ નમેદાશયકંપિતૈઃ ।
માલાબન્ધા મુખોદ્વાન્તા વજ્રનૃત્યપ્રનર્તિતા

વજ્રમુષ્ટિપ્રયોગેણ દદ્યાદ્ ધૂપાદયસ્તથા ।
સર્વબુદ્ધપ્રપૂજાયાઃ પૂજામુદ્રાઃ પ્રકલ્પિતા

તર્જન્યઙ્કુશબન્ધેન કનિષ્ઠાયા મહાઙ્કુશી ।
બાહુગ્રન્થિકટાગ્ર્યાભ્યાં પૃષ્ઠયોશ્ચ નિપીડિતા ॥ ઇતિ

અથાસાં સાધનં વક્ષ્યે વજ્રકર્મકૃતા સમમ્ ।
સર્વવજ્રમયં વજ્રં હૃદયે પરિભાવયેદ્ ॥ ઇતિ

અથાસાં કર્મમુદ્રાણાં વજ્રકર્માણ્યનેકધા ।
જ્ઞાનમુષ્ટ્યાં તુ બદ્ધાયાં બુદ્ધજ્ઞાનં સમાવિશેત્

અક્ષોભ્યાયાં તુ બન્ધાયામક્ષોભ્યં ભવેત્ મનઃ ।
રત્નસંભવમુદ્રાયાં પરાનુગ્રહવાન્ ભવેત્

સદ્ધર્મચક્રમુદ્રાયાં ધર્મચક્રં પ્રવર્તયેત્ ।
અભયાગ્ર્યા ભવેત ક્ષિપ્રં સર્વસત્ત્વામયપ્રદઃ

જ્રગર્વાં દૃઢીકૃત્ય વજ્રસત્વસુખં લભત્ ।
વજ્રાઙ્કુશ્યા સમાકર્ષેત્ ક્ષણાત્ સર્વતથાગતાન

રાગયેદ્ વજ્રવાણૈસ્તુ વજ્રભાર્યામપિ સ્વયમ્ ।
વજ્રતુષ્ટ્યા જિનાઃ સર્વે સાધુકારાન્ દદન્તિ હિ

મહાવજ્રમણિં બધ્વા શાસ્તૃભિઃ સો ઽભિષિચ્યતે ।
વજ્રસૂર્યાં સમાધાય વજ્રસૂર્યસમો ભવેત્

વજ્રધ્વજાં સમુચ્છ્રાપ્ય રત્નવૃષ્ટિં સ વર્ષયેત્ ।
વજ્રસ્મિતાં સમાધાય હસેદ્ બુદ્ધૈઃ સમં લઘુ

વજ્રફુલ્લાં સમાધાય વજ્રધર્મં સ પશ્યતિ ।
વજ્રકોશાં દૃઢં બધ્વા સર્વદુઃખાઞ્છિનત્તિ સઃ

વજ્રચક્રં સમાધાય ધર્મચક્રં પ્રવર્તયેત્ ।
સર્વં વૈ બુદ્ધવચનં સિધ્યતે વજ્રજાપતઃ

[વજ્રનૃત્યપૂજયા બુદ્ધો ઽપિ વશિભૂતં ભવેત્] ।
વજ્રવર્મ નિબધ્વા સો વજ્રસારત્વં પ્રાપ્નુયાત્

વજ્રદંષ્ટ્રં સમાધાય [પ્રધ્વંસેદ્ વજ્રત્વમપિ] ।
વજ્રમુષ્ટ્યાહરે[ત્ સર્વં મુદ્રાસિદ્ધિરાલભ્યતે]

વજ્રલાસ્યા રતિન્ દદ્યાદ્ વજ્રમાલા સુરૂપતામ્ ।
વજ્રગીતા સુગીતા [ત્વં વજ્રનૃત્યા ચ વશયેત્]

ધૂપયા તુ મનોલ્હાદં પુષ્પયાભરણાનિ તુ ।
દીપપૂજા મહાદીપ્તિં વજ્રગન્ધા સુગન્ધતામ્

વજ્રાઙ્કુશ્યા સમાકર્ષેદ્ વજ્ર આશા પ્રવેશયેત્ ।
બન્ધયેદ્ વજ્રનિગડા વજ્રઘણ્ટા તુ ચાલયેદ્ ॥ ઇતિ