સર્વતથાગતતત્ત્વસંગ્રહ · અધ્યાય 15

ઇતિ ॥
અથ ધમમુદ્રા ભવન્તિ ।
વજ્રજ્ઞાનં તુ બુદ્ધાનાં વજ્રધાતુ દૃઢંકરમ્ ।
અતઃ પરં પ્રવક્ષ્યામિ ધર્મમુદ્રા યથાવિધિ

"સમયસ્ત્વમ્" ઇતિ પ્રોક્તે સર્વમુદ્રાપતિર્ભવેત્ ।
"અન્યસ્વ" ઇતિ વૈ પ્રોક્તે બુદ્ધાનાકર્ષયેદ્ ધ્રુવમ્

"અહો સુખ" ઇતિ પ્રોક્તે બુદ્ધાનપિ સ રાગયેત્ ।
"સાધુ સાધ્વ્" ઇતિ વૈ પ્રોક્ત્વા સાધુકારૈઃ સ તોષયેત્

"સુમહ[ત્ત્વમ્" ઇતિ] પ્રોક્તે સર્વબુદ્ધાભિષેચનમ્ ।
"રૂપોદ્યોતે"- તિ વૈ પ્રોક્તે ધર્મતેજો ભવિષ્યતિ

"અર્થપ્રાપ્તિર" ઇતિ પ્રોક્તે સર્વાશાઃ પૂરયેત્ સ તુ ।
"હ હ હૂં હે- "[તિ પ્રોક્તે સમબુદ્ધહાસં પ્રાપ્નુ] યાત્

"સર્વકારિ" ઇતિ પ્રોક્તે અકાર્યમપિ શોધયેત્ ।
"દુઃ ખચ્છેદ" ઇતિ પ્રોક્તે સર્વદુઃખાઞ્છિનત્તિ સઃ

["બુદ્ધ બોધિ" ઇતિ] પ્રોક્તે મણ્ડલાધિપતિર્ભવેત્ ।
"પ્રતિશબ્દ" ઇતિ પ્રોક્તે બુદ્ધૈઃ સહસમાલપેત્

।
"શુભસિદ્ધમ્" ઇતિ પ્રોક્તે વશિત્વં સર્વતો ભવેત્ ।
["નિર્ભયસ્ત્વમ્" ઇતિ] પ્રોક્તે નિર્ભયો ભવેત્તત્ક્ષણાત્

"શત્રુ ભક્ષ" ઇતિ પ્રોક્તે સર્વશત્રુન્ સ ભક્ષયેત્ ।
"સર્વસિદ્ધિર્" ઇતિ પ્રોક્તે સર્વસિદ્ધિર્ભવિષ્યતિ

["મહારતિ" રતિં] દિવ્યાં "રૂપશોભા" તથૈવ ચ ।
"શ્રોત્રસૌખ્યા" સુખં દદ્યાત્ "સર્વપૂજા" સુપૂજતામ્

"પ્રલ્હાદિનિ" મનઃસૌખ્યં "ફલાગમી" ફલાગમા ।
"સુ[તેજાગ્રિ" મહાતેજઃ] "સુગન્ધાઙ્ગિ" સુગન્ધતામ્

"અયાહિ જઃ" સમાકર્ષા "અહિ હૂં હૂં" પ્રવેશિકા ।
"હેસ્ફોટ વં" મહાબન્ધા "ઘણ્ટા અઃ અઃ" પ્રચાલિતે- ॥ તિ

અથાસાં ધર્મમુદ્રા [સાધનં પ્ર] વક્ષ્યતે શુભમ્ ।
જિવ્હાયાં ભાવયેદ્ વજ્રાં સર્વકર્માણિ કુર્વતે ॥ તિ