સર્વતથાગતતત્ત્વસંગ્રહ · અધ્યાય 14

ઇતિ ॥
અથ સર્વતથાગતવજ્રસમયમુદ્રાજ્ઞાનં ભવતિ ।
અઞ્જલિં તુ દૃઢં બધ્વા સર્વાઙગુલિનિબન્ધિતમ્ ।
વજ્રાઞ્જલિઃ સમાખ્યાતો વજ્રબન્ધઃ સુબન્ધ[નાત્

સર્વ] સમયમુદ્રાસ્તુ વજ્રબન્ધસમુદ્ભવાઃ ।
તાસાં બન્ધં પ્રવક્ષ્યામિ વજ્રબન્ધમનુત્તરમ્

સત્ત્વવજ્રાં દૃઢીકૃત્ય મધ્યમોત્થાસમાઙકુરામ્ ।
મધ્યમાન્તરસંકોચાન્ દ્વિતીયા બુદ્ધવર્ણિતા

મધ્યમાઙગુષ્ઠરત્ના તુ પદ્મસંકોચમધ્યમા ।
પઞ્ચમી બુદ્ધમુદ્રા તુ તથૈવાગ્રસુકુઞ્ચિતા

અથાતઃ સંપ્રવક્ષ્યામિ તથાગતકુલસ્ય હિ ।
સમયગ્રાહિકા મુદ્રા બન્ધં સિદ્ધિં ચ કર્મ ચ

પાણિદ્વયમયે ચન્દ્રે મધ્યમાઙ્ગુલિવર્જિતે ।
અન્ત્યાઙ્ગુલિમુખાસઙ્ગાદ વજ્રં વૈ સત્ત્વવજ્રયા

અગ્રાઙ્કુશાગ્રસંયોગાદ્ સાધુકારપ્રદાયિકા ।
વજ્રસત્વચતુષ્કસ્ય સિદ્ધિમુદ્રાગણો હ્યયમ્

રત્નવજ્રા સમાઙગુષ્ઠતર્જનીમુખસન્ધનાત્ ।
સા એવ મધ્યમાનામકનિષ્ઠા સુપ્રસારિતા

પતાકા તુ સમાનામકનિષ્ઠાભ્યાં સમન્વિતા ।
હાસસ્થાનસ્થિતા ચૈવ સા એવ પરિવર્તિતા

પ્રસારિતસમાઙગુષ્ઠસ્થિતા કુઞ્ચિતતર્જની ।
સા એવ વર્જકોશા તુ મધ્યમા મુખસન્ધિતા

સા એવ તુ સમાનામકનિષ્ઠા ચક્રસંજ્ઞિતા ।
નિર્યુક્તાઙગુષ્ઠબન્ધા તુ પ્રસારિતમુખોત્થિતા

કનિષ્ઠાઙગુષ્ઠમુખયોઃ સમાજાત્ કર્મવર્જિતા ।
સા એવ તુ સમાગ્ર્યા વૈ હૃદિસ્થા સુપ્રસારિતા

કુઞ્ચિતાગ્ર્ યાગ્રદંષ્ટ્રા તુ કનિષ્ઠા સન્ધિમોક્ષિતા ।
કનિષ્ઠાન્તરતો ઽઙગુષ્ઠૌ પીડયેત્કુઞ્ચિતાગ્ર્યયા

હૃદયે તુ સમાઙગુષ્ઠા સુપ્રસારિતમાલિની ।
અઙગુલ્યગ્રમખોદ્ધાન્તા નૃત્યતો મૂર્ધ્નિ સંયુતા

વજ્રબન્ધ ત્વધો દાનાત્ સ્વાઞ્જલિશ્ચોર્ધ્વદાયિકા ।
સમાઙગુષ્ઠનિપીડા ચ સુપ્રસારિતલેપના

એકતર્જનીસંકોચા દ્વ્યઙગુષ્ઠગ્રન્થિબન્ધિતા ।
અઙગુષ્ઠાગ્ર યકટા બન્ધા વજ્રટમુષ્ટ્યગ્રસન્ધિતા ॥ ઇતિ

અથાસાં સાધનં વક્ષ્યે વજ્રસાધનમુત્તમમ્ ।
સ્વમુદ્રયા હૃદિસ્થયા સત્ત્વવજ્રસમાધિના

અથાસાં કર્મ વક્ષ્યામિ વજ્રકર્મ નિરુત્તરમ્ ।
વજ્રધાત્વાદિમુદ્રાસુ સમાજેન તથાગતાઃ

મણ્ડલાચાર્યશિષ્યાણામધિષ્ઠાસ્યન્તિ તત્ક્ષણાત્ ।
સત્ત્વવજ્ર્ યાન્તુ બદ્ધાયાં ભવેદ્વજ્રધરોપમઃ

વજ્રાઙ્કુશ્યાં બદ્ધમાત્રાયાં સર્વબુદ્ધાં સમાહ્ વયેત્ ।
રાગવજ્રપ્રયોગેણ સ બુદ્ધાનપિ રાગયેત્

[વજ્રસાધુબન્ધેન બુદ્ધદાનતુષ્ટિં લભતિ ।]
વજ્રતુષ્ટ્યા જિનૈઃ સર્વૈઃ સાધુકારૈઃ પ્રશંસ્યતે

રત્નવજ્ર્ યાન્તુ બદ્ધાયાં બુદ્ધૈઃ સો ઽપ્યભિષિચ્યતે ।
વજ્રસૂર્યાં બધ્વા વૈ ભવેદ્ બુદ્ધપ્રભોપમઃ

વજ્રકેતુધરો ભૂત્વા સર્વાશાઃ સ તુ પૂરયેત્ ।
વજ્રહાસપ્રયોગેણ સર્વબુદ્ધૈઃ સમં હસેત્

ધર્મવજ્રાં સમાધાય વજ્રધર્મોપમો ભવેત્ ।
વજ્રકોશાં તુ સંગૃહ્ય સર્વક્લેશાં ચ્છિનત્તિ સઃ

વજ્રચક્રાં દૃઢીકૃત્વા મણ્ડલાધિપતિર્ભવેત્ ।
વજ્રભાષપ્રયોગેણ વજ્રવાક્સિદ્ધિરુત્તમા

કર્મવજ્રાં તુ સન્ધાય વજ્રકર્મસમો ભવેત્ ।
વજ્રવર્માં દૃઢીકૃત્વા કાયો વજ્રમયો ભવેત્

વજ્રદંષ્ટ્રાગ્રમુદ્રયા દુષ્ટમારાં સ ભઞ્જતિ ।
વજ્રમુષ્ટિં દૃઢાં બધ્વા સર્વમુદ્રાં વશન્નયેત્

લાસ્યયા રતયો દિવ્યાઃ માલયા ભૂષણાનિ ચ ।
ગીતયા સ્ફુટવાચો નિત્યં પૂજાં લભતિ નૃત્યયા

ધૂપયા લ્હાદયેદ્ લોક પુષ્પયા રૂપશોભિતામ્ ।
દીપયા લોકશુદ્ધિત્વં ગન્ધયા દિવ્યગન્ધતામ્

વજ્રાઙકુશઃ સમાકર્ષેદ્ વજ્રપાશા પ્રવેશયેત્ ।
વજ્રસ્ફોટા તુ બન્ધયાદ્ વજ્રઘણ્ટા સમાવિશેદ્