સર્વતથાગતતત્ત્વસંગ્રહ · અધ્યાય 140

ઇનિતિઅતિઓન્ ઇન્તો થે મન્દલ
અથાત્ર મહામણ્ડલે યથાવદ્ વિધિવિસ્તરેણ પ્રવેશ્ય, તથૈવોક્ત્વા, સર્વજગદ્વિનયજ્ઞાનં શિક્ષયેત્ ।
મુદ્ર
મણ્ડલં તુ સમાલિખ્ય જગદ્વિનયસંજ્ઞિતં ।
ભાવયંસ્તુ મહામુદ્રાં ભવેદ્ વિશ્વધરોપમ ॥ ઇતિ ॥
તતો જગદ્વિનયરહસ્યમુદ્રાજ્ઞાનં શિક્ષયેત્ ।
વિશ્વરૂપસમાધિન્તુ ભાવયન્ સુસમાહિતઃ ।
દ્વયેન્દ્રિયસમાપત્ત્યા મણ્ડલે તુ સ સિધ્યતિ ॥
તતો મહામુદ્રાદિમુદ્રાબન્ધં શિક્ષયેત્ । તથૈવ સિદ્ધયઃ, એવં પટાદિષ્વિતિ ॥ મુદ્રાયામપ્યેકમુદ્રામણ્ડલયોગેન તથૈવ સિદ્ધય ઇતિ ॥
અથ સર્વતથાગતાઃ પુનઃ સમાજમાગમ્યાવલોકિતેશ્વરાય મહાબોધિસત્વાય સાધુકારાણ્યદદન્ ।
સાધુ તે વજ્રસત્વાય વજ્રરત્નાય સાધુ તે ।
વજ્રધર્માય તે સાધુ સાધુ તે વજ્ર[કર્મણે ॥]1 ॥
સુભાષિતમિદં સૂત્રં વજ્રયાનમનુત્તરં ।
સર્વતથાગતં ગુહ્યં મહાયાનભિસંગ્રહમ્ ॥ ઇતિ ॥
સર્વતથાગતતત્ત્વસંગ્રહાત્ સર્વતથાગતધર્મસમયો નામ મહાકલ્પરાજા પરિસમાપ્તઃ ॥
છપ્તેર્ 19 સર્વર્થસિદ્ધિ-મહમન્દલ-વિધિ-વિસ્તર
હ્ય્મ્ન્ ઓf 108 નમેસ્ ઓf થે મહબોધિસત્ત્વ અકસગર્ભ
અથ ખલુ સર્વતથાગતાઃ પુનઃ સમાજમાગમ્ય, સર્વતથાગતાભિષેકરત્નં તમેવ વજ્રધરમાર્યાકાશગર્ભ મહાબોધિસત્વમનેન નામષ્ટશતેનાધ્યેષિતવન્તઃ ।
આકાશગર્ભં સત્વાર્થ મહાસત્વ મહાદ્યુતે ।
મહારત્ન સુરત્નાગ્ર્ય વજ્રરત્ન નમો ઽસ્તુ તે

અભિષેક મહારત્ન મહાશુદ્ધ મહાશુભ ।
બુદ્ધરત્ન વિશુદ્ધાઙ્ગ રત્નરત્ન નમો ઽસ્તુ તે

આકાશાકાશસંભૂત સર્વાકાશ મહાનભ ।
આકાશધાતુ સર્વાશ સર્વાશાગ્ર્ય નમો ઽસ્તુ તે

રત્નસંભવ રત્નોર્ણ બુદ્ધોર્ણ સુતથાગત ।
સર્વરત્ન સુસર્વાગ્ર્ય રત્નકાર્ય નમો ઽસ્તુ તે

રત્ન રત્નાગ્ર્ય રત્નોગ્ર રત્નસર્વતથાગત ।
રત્નોત્તમ મહાકાશ સમાકાશ નમો ઽસ્તુ તે

અલઙ્કાર મહાશોભ શોભાકર સુશોભક ।
શુદ્ધ સર્વાર્થ શુદ્ધાર્થ દાનચર્ય નમો ઽસ્તુ તે

ધર્મરત્ન વિશુદ્ધાગ્ર્ય સઙ્ઘરત્ન તથાગત ।
મહાભિષેક લોકાર્થ પ્રમોદાર્થ નમો ઽસ્તુ તે

દાન પ્રદન દાનાગ્ર્ય ત્યાગ ત્યાગાગ્ર્ય દાયક ।
સર્વસત્વાર્થ તત્વાર્થ મહાર્થાર્થ નમો ઽસ્તુ તે

ચિન્તારાજ મહાતેજ દાનપારમિતાનય ।
તથાગત મહાસત્વ સર્વબુદ્ધ નમો ઽસ્તુ તે

તથાગત મહારત્ન તથાગત મહાપ્રભ ।
તથાગત મહાકેતો મહાહાસ નમો ઽસ્તુ તે

તથાગતાભિષેકાગ્ર્ય મહાભિષેક મહાવિભો ।
લોકનાથત્વ લોકાગ્ર્ય લોકસૂર્ય નમો ઽસ્તુ તે

રત્નાધિકાધિકતર રત્નભૂષણ રત્નધૃક્ ।
રત્નાલોક મહાલોક રત્નકીર્તે નમો ઽસ્તુ તે

રત્નોત્કર સુરત્નોત્થ મણે વજ્રમણે ગુણ ।
રત્નાકર સુદીપ્તાઙ્ગ સર્વરત્ન નમો ઽસ્તુ તે

મહાત્મ યષ્ટિ રત્નેશ સર્વાશાપરિપૂરક ।
સર્વાભિપ્રાયસંપ્રાપ્તિ રત્નરાશિ નમો ઽસ્તુ તે

અ[ભ્વ]ગ્ર્ય વ્યાપિ સર્વાત્મ વરપ્રદ મહાવર ।
વિભૂતે સર્વસંપત્તે વજ્રગર્ભ નમો ઽસ્તુ તે

યઃ કશ્ચિદ્ ધારયેન્ નામ્નામિદન્તે ઽષ્ટશતં શિવં ।
સર્વબુદ્ધાભિષેકં તુ સ પ્રાપ્નોત્યનઘઃ ક્ષણાત્

અધ્યેષયામસ્ત્વાં રત્ન ભાષ સ્વધનસંચયં ।
સર્વબુદ્ધાભિષેકાગ્ર્યમુત્પાદ નિયમકુલમ્