સર્વતથાગતતત્ત્વસંગ્રહ · અધ્યાય 141

ઇતિ ॥
અથાકાશગર્ભો બોધિસત્વઃ ઇદં સર્વતથાગતવચનમુપશ્રુત્ય, સર્વતથાગતાભિષેકસમયં નામ સ્વહૃદયમભાષત્ ઓં વજ્રરત્નં હૂં ॥
અથ ભગવાન્ વૈરોચનસ્તથાગત ઇદં સર્વતથાગતમણિસમયં નામ વિદ્યોત્તમમભાષત્ ઓં સર્વતથાગતાશાપરિપૂરણમહારત્ન હૂં ॥
અથ વજ્રપાણિર્મહાબોધિસત્વ ઇમં સ્વકુલસંભવં વિદ્યોત્તમમભાષત્ ઓં વજ્ર હૂં ત્રઃ ॥
અથ વજ્રગર્ભો બોધિસત્વ ઇમં સ્વવિદ્યોત્તમમભાષત્ ઓં મણિ હૂં ॥
અથ વજ્રનેત્રો બોધિસત્વ ઇમં સ્વકુલસંભવં વિદ્યોત્તમમભાષત્ ઓં પદ્મ હ્રીઃ ॥
અથ વજ્રવિશ્વો બોધિસત્વો મહાસત્વ ઇમં સ્વવિદ્યોત્તમમભાષત્ ઓં વિશ્વરત્ન હૂં ॥
અથાર્યાકાશગર્ભો બોધિસ[ત્વો મહાસત્વઃ] સર્વતથાગતાભિષેકરત્નંનામ સમાધિં સમાપન્નઃ; સમનન્તરસમાપન્ને ચાથ તાવદેવ સર્વતથાગતહૃદયેભ્યો વજ્રમણિરત્નરશ્મયો નિશ્ચરિતાઃ । તે સર્વલોકધાતવો ઽવભાસ્ય સર્વસત્વાન્ સર્વતથાગતાભિષેકૈરભિષિચ્ય, પુનરપ્યેકધ્યીભૂત્વા, ભગવત આકાશગર્ભસ્ય મહાબોધિસત્વસ્ય હૃદયે ઽનુપ્રવિષ્ટા ઇતિ ।
અથ તત્ આકાશગર્ભહૃદયાત્સ એવ ભગવાન્ વજ્રપાણિઃ સમન્તરશ્મિજ્વાલાગર્ભા વિચિત્રવજ્રમણિરત્નાભિષેકાદ્યાભરણાલઙ્કારાલઙ્કૃતકાયા મહવજ્રમણિરત્નચિન્હમુદ્રાવ્યગ્રકરા મહાબોધિસત્વકાયા ભૂત્વા વિનિઃસૃત્ય, સર્વલોકધાતુષુ મહારત્નવર્ષાદિભિઃ રત્નોત્પત્તિભિઃ સન્તોષ્ય, પુનરાગત્ય, ભગવતો વૈરોચનસ્ય સર્વતો વજ્રધાતુમહામણ્ડલયોગેન ચન્દ્રમણ્ડલાશ્રિતા ભૂત્વેદમુદાનમુદાનયિંસુઃ ।
અહો હિ સર્વબુદ્ધાનાં સર્વરત્નસમુચ્ચયં ।
વજ્રરત્નકુલં ત્વેદં સંભૂતં જગદર્થત ॥ ઇતિ ॥
દેલિનેઅતિઓન્ ઓf થે મન્દલ
અથાકાશગર્ભો બોધિસત્વો મહાસત્વ ઇતિ સ્વકુલમુત્પાદ્ય, સર્વતથાગતેભ્યઃ સર્વાશાપરિપૂર્યે નિર્યાત્યેદં સર્વાર્થસિદ્ધિન્નામ મહામણ્ડલમભાષત્ ।
અથાતઃ સંપ્રવક્ષ્યામિ મહામણ્ડલમુત્તમં ।
વજ્રધાતુપ્રતીકાશં સર્વસિદ્ધિરિતિ સ્મૃતં

ચતુરશ્રં ચતુર્દ્વારં ચતુષ્તોરણશોભિતં ।
ચતુઃસૂત્રસમાયુક્તં પટ્ટસ્રગ્દામભૂષિતં

સર્વમણ્ડલકોણેષુ દ્વારનિર્યૂહસન્ધિષુ ।
ખચિતં વજ્રરત્નૈસ્તુ સૂત્રયેદ્બાહ્યમણ્ડલં

તસ્યાભ્યન્તરતઃ કાર્યં વજ્રરત્નસમં પુરં ।
અષ્ટસ્તંભાગ્રયોગેન સૂત્રણં તત્ર કારયેત્

પઞ્ચમણ્ડલશોભં તુ નાનારત્નાકરોજ્જ્વલં ।
સ્વમુદ્રાપરિવારં તુ તત્ર બુદ્ધન્નિવેશયેત્