સર્વતથાગતતત્ત્વસંગ્રહ · અધ્યાય 13

તં દૃષ્ટ્વા જ્ઞાનસત્ત્વં તુ સ્વશરીરે પ્રભાવયેત્ ।
આકૃષ્ય પ્રવેશ્ય બધ્વા વશીકૃત્વા ચ સાધયેત્ ॥
તત્રૈષાં હૃદયાનિ ભવન્તિ । વજ્રસત્ત્વ અઃ ॥ વજ્રાવેશહૃદયમ્ ॥
વજ્રસત્ત્વ દૃશ્ય ॥ મહાસત્વાનુસ્મૃતિહૃદયમ્ ॥
જઃ હૂં વં હોઃ ॥ મહાસત્વાકર્ષણપ્રવેશનબન્ધનવશીકરણહૃદયમ ॥
"સમયસ્ત્વમ્" ઇતિ પ્રોક્તે પૃષ્ઠતશ્ચન્દ્રમાવિશેત્ ।
તત્રાત્મા ભાવયેત્સત્વં "સમયસ્ત્વમ્" અહં બ્રૂવન્

યસ્ય સત્ત્વસ્ય યા મુદ્રા તામાત્માનન્તુ ભાવયેત્ ।
સાધયેદ્વજ્રજાપેન સર્વમુદ્રાપ્રસાધનમ્

"જઃ હૂં વં હોઃ" બ્રુવન્ કાયે સર્વબુદ્ધાન્ પ્રવેશયેત્ ।
મનસા સાધુયોગેન સાધનં ત્વપરમ્ મહદ્ ॥ ઇતિ

અથાસાં કર્મ પ્રવક્ષ્યામિ વજ્રકર્મ નિરુત્તરમ્ ।
બુદ્ધાનુસ્મૃતિસંસિદ્ધઃ શીઘ્રં બુદ્ધત્વમાપ્નુયાત્

સત્ત્વવજ્યા તુ સંસિદ્ધઃ સર્વમુદ્રાધિપો ભવેત્ ।
સત્ત્વવજ્ર યાન્તુ મુદ્રાયાં સર્વરત્નાધિપઃ સ તુ

સિદ્ધસ્તુ ધર્મવજ્ર યા વૈ બુદ્ધધર્મધરો ભવેત્ ।
કર્મવજ્રિણિ મુદ્રાયાં વજ્રકર્મકરો ભવેત્

સિદ્ધ્યતે વજ્રસત્ત્વસ્તુ બન્ધયા સત્ત્વમુદ્રયા ।
આકર્ષયેદ્વજ્રધરાં વજ્રાકર્ષપ્રયોગતઃ

વજ્રરાગમહામુદ્રા સર્વબુદ્ધાંસ્તુ રાગયેત્ ।
તોષયેત્સર્વબુદ્ધાનાં વજ્રસાધપ્રયોગતઃ

દદ્યાદ્ બુદ્ધાભિષેકાણિ રત્નમુદ્રાવિધિસ્તથા ।
વજ્રતેજા ભવેચ્છીઘ્રં વજ્રતેજઃપ્રયોગતઃ

વજ્રકેતુધરં સેવ્ય ભવેદાશાપ્રપૂરકઃ ।
વજ્રહાસવિધિં યોજ્ય સર્વબુદ્ધૈઃ સમં હસેત્

વજ્રધર્મધરો ભૂયાદ્ વજ્રધર્મપ્રયોગતઃ ।
પ્રજ્ઞાગ્ર્યઃ સર્વબુદ્ધાનાં વજ્રતીક્ષ્ણપ્રયોગતઃ

વજ્રચક્રધરં સેવ્ય ધર્મચક્રં સ વર્તયેત્ ।
બુદ્ધવાક્સિદ્ધિમાપ્નોતિ વજ્રભાષપ્રયોગતઃ

વજ્રકર્મ[ગતં] ક્ષિપ્રં વજ્રકર્માગ્ર્યસાધનાત્ ।
નિબધ્ય વજ્રકવચં વજ્રકાયત્વમાપ્નુયાત્

વજ્રયક્ષં તુ વૈ સાધ્ય વજ્રયક્ષસમો ભવેત્ ।
સર્વમુદ્રાપ્રસિદ્ધસ્તુ વજ્રમુષ્ટિનિબન્ધનાન્

વજ્રલાસ્યાં તુ વૈ સાધ્ય મહાવજ્રરતિં લભેત્ ।
વજ્રમાલા નિબન્ધસ્તુ સર્વબુદ્ધાભિષેકદઃ

યોજયેદ્વજ્રગીતાં તુ વજ્રગીતાપ્રયોગતઃ ।
વજ્રનૃત્યાં તુ સંયોજ્ય સર્વબુદ્ધૈઃ સ પૂજ્યતે

પ્રલ્હાદયેજ્જગત્સર્વં વજ્રધૂપાપ્રયોગતઃ ।
વજ્રપુષ્પાં તુ સંયોજ્ય વશીકુર્યાજ્જગત્ સ તુ

વજ્રાલોકમહામુદ્રા ચક્ષુર્દદ્યાત્પ્રપૂજયન્ ।
સર્વદુઃખહરો ભૂયાદ્વજ્રગન્ધપ્રયોગતઃ

વજ્રાઙ્કુશસમાકર્ષાત્ સર્વાકર્ષકરઃ પરઃ ।
સર્વપ્રવેશકો ભૂયાદ્ વજ્રપાશપ્રયોગતઃ

વજ્રસ્ફોટન્તુ સંયોજ્ય સર્વબન્ધક્ષયો ભવેદ્ ।
વજ્રાવેશવિધિં યોજ્ય સર્વાવેશપ્રસાધક