સર્વતથાગતતત્ત્વસંગ્રહ · અધ્યાય 101

ઇતિ ॥
સર્વતથાગતવજ્રસમયાન્મહાકલ્પરાજાત્ સર્વવજ્રકુલકર્મમણ્ડલવિધિવિસ્તરઃ પરિસમાપ્તઃ ॥
છપ્તેર્ 15 એપિલોગુએ ઓf થે સર્વ-તથગત-વજ્ર-સમય નમ મહ-કલ્પ-રજ
અથ વજ્રપાણિઃ સર્વવજ્રકુલાન્ સર્વસત્ત્વાર્થં [સ્થિત્વા] યાવન્ સન્નિયોજ્યાવૈવર્તિકભૂમૌ પ્રતિષ્ઠાપ્ય, જાનન્નેવ ભગવન્તમેતદભાષત્ । "અહં ભગવદ્ભિઃ સર્વતથાગતૈસ્તવ ગુહ્યધારિત્વે ઽભિષિક્તઃ । [યદા]જ્ઞાપયસ્વ કિન્તત્ તથાગતગુહ્યમ્!" ઇતિ ॥
અથ ભગવાન્ સર્વતથાગતગુહ્યવજ્રં નામ સમાધિં સમાપદ્યેદં [સર્વતથાગતગુહ્યમભાષત્ ।
યથા યથા હિ વિનયાઃ સર્વસત્વાઃ] સ્વભાવતઃ ।
તથા તથા હિ સત્વાર્થં કુર્યાદ્રાગાદિભિઃ શુચિઃ ॥
અથ વજ્રપાણિરિદં સ્વગુહ્યતામભાષત્ ।
[સર્વસત્વહિતાર્થાય બુદ્ધશાસનહેતુતઃ ।]
મારયેત્સર્વસત્વાસ્તુ ન સ પાપેન લિપ્યતે ॥
અથ વજ્રગર્ભો બોધિસત્વ ઇદં સ્વમણિગુહ્યમભાષત્ ।
સર્વસત્વહિતા[ર્થાય બુદ્ધકાયપ્ર]યોગતઃ ॥
હરસ્તુ સર્વચિન્તાનિ ન સ પાપેન લિપ્યતે ॥
અથ વજ્રનેત્રો બોધિસત્વ ઇદં સ્વધર્મગુહ્યમભાષત્ ।
રાગશુદ્ધઃ સુખા[સમઃ જિનગોચરદાનતઃ ।]
સહાય પરદારા નિષેવે સ પુણ્યમાપ્નુતે ॥
અથ વજ્રવિશ્વો બોધિસત્વ ઇદં સ્વકર્મગુહ્યમભાષત્ ।
સર્વસત્વહિતાર્થાય બુદ્ધશાસનહેતુતઃ ।
સર્વકર્માણિ કુર્વન્ વં સ બહુપુણ્યમાપ્નુતે ॥ ઇતિ ॥
અથ ભગવાન્ વૈરોચનસ્તથાગતો ભગવતે ગુહ્યધારિ[ણે વજ્ર]ધરાય સાધુકારૈરભિષ્ટવેત્ ॥
સાધુ તે વજ્રસત્વાય વજ્રરત્નાય સાધુ તે ।
વજ્રધર્માય તે સાધુ સાધુ તે વજ્રકર્મણે ॥
સુભાષિતમિદં સૂત્રં વજ્રયાનમનુત્તરમ્ ।
સર્વતથાગતં ગુહ્યં મહાયાનાભિસંગ્રહમ્ ॥ ઇતિ ॥
સર્વતથાગતત્વસંગ્રહાત્ સર્વતથાગતવજ્રસમયો નામ મહાકલ્પરાજઃ પરિસમાપ્તઃ ॥
છપ્તેર્ 16 સકલ-જગદ્-વિનય-મહ-મન્દલ-વિધિ-વિસ્તર
હ્ય્મ્ન્ ઓf 108 નમેસ્ ઓf અવલોકિતેસ્વર
અથ સર્વતથાગતાઃ પુનઃ સમાજમાગમ્ય, [તમેવ વજ્રધરં] ભગવન્તં સર્વધર્મેશ્વરમવલોકિતેશ્વરમનેન નામાષ્ટશતેનાધ્યેષિતવન્તઃ ।
પદ્મસત્વ મહાપદ્મ લોકેશ્વર મહેશ્વર ।
અવલોકિતેશ ધીરાગ્ર્ય વજ્રધર્મ નમો ઽસ્તુ તે

ધર્મરાજ મહાશુદ્ધ સત્વરાજ મહામતે ।
પદ્માત્મક મહાપદ્મ પદ્મનાથ નમો ઽસ્તુ તે

પદ્મો[દ્ભવ] સુપદ્માભ પદ્મશુદ્ધ સુશોધક ।
વજ્રપદ્મ સુપદ્માઙ્ગ પદ્મપદ્મ નમો ઽસ્તુ તે

મહાવિશ્વ મહાલોક મહાકાર્ય મહોપમ ।
મહાધીર મહાવીર મહાશૌરે નમો ઽસ્તુ તે

સત્વાશય મહાયાન મહાયોગ પિતામહ ।
શમ્ભુ શઙ્કર શુદ્ધાર્થ બુદ્ધપદ્મ નમો ઽસ્તુ તે

ધર્મતત્વાર્થ સદ્ધર્મ શુદ્ધધર્મ સુધર્મકૃત્ ।
મહાધર્મ સુધર્માગ્ર્ય ધર્મચક્ર નમો ઽસ્તુ તે

બુદ્ધસત્વ સુસત્વાગ્ર્ય ધર્મસત્વ સુસત્વધૃક્ ।
સત્વોત્તમ સુસત્વજ્ઞ સત્વસત્વ નમો ઽસ્તુ તે

અવલોકિતેશ નાથાગ્ર્ય મહાનાથ વિલોકિત ।
આલોકલોક લોકાર્થ લોકનાથ નમો ઽસ્તુ તે

લોકાક્ષરાક્ષરમહા અક્ષરાગ્ર્યાક્ષરોપમ ।
અક્ષરાક્ષર સર્વાક્ષ ચક્રાક્ષર નમો ઽસ્તુ તે

પદ્મહસ્ત મહાહસ્ત સમાશ્વાસક દાયક ।
બુદ્ધધર્મ મહાબુદ્ધ બુદ્ધાત્મક નમો ઽસ્તુ તે

બુદ્ધરૂપ મહારૂપ વજ્રરૂપ સુરૂપવિત્ ।
ધર્માલોક સુતેજાગ્ર્ય લોકાલોક નમો ઽસ્તુ તે

પદ્મશ્રીનાથ નાથાગ્ર ધર્મશ્રીનાથ નાથવાન્ ।
બ્રહ્મનાથ મહાબ્રહ્મ બ્રહ્મપુત્ર નમો ઽસ્તુ તે

દીપ દીપાગ્ર્ય દી[પોગ્ર દીપા]લોક સુદીપક ।
દીપનાથ મહાદીપ બુદ્ધદીપ નમો ઽસ્તુ તે

બુદ્ધાભિષિક્ત બુદ્ધાગ્ર્ય બુદ્ધપુત્ર મહાબુધ ।
બુદ્ધાભિષેક મૂર્ધાગ્ર્ય બુદ્ધબુદ્ધ [નમો ઽસ્તુ] તે

બુદ્ધચક્ષોર્મહાચક્ષોર્ધર્મચક્ષોર્મહેક્ષણ ।
સમાધિજ્ઞાન સર્વસ્વ વજ્રનેત્ર નમો ઽસ્તુ તે

યૈવં સર્વાત્મના ગૌણં નામ્નામષ્ટશતં તવ ।
ભાવયેત્સ્તુનુયાદ્ વાપિ લોકૈશ્વર્યમવાપ્નુયાત્

અધ્યેષયામ ત્વાં વીર પ્રકાશય મહામુને ।
સ્વકં તુ કુલમુત્પાદ્ય ધર્મમણ્ડલમુત્તમમ્