સર્વતથાગતતત્ત્વસંગ્રહ · અધ્યાય 100

મુદ્ર
અથાત્ર કર્મમણ્ડલે સમાકર્ષણાદિકર્મ કૃત્વા, યથાવદ્ વજ્રધારિકર્મસમયમુદ્રાં બધ્વૈવં વદેત્ ["ન ત્વયા કસ્યચિદદૃષ્ટદેવકુલસ્યા]જ્ઞાતકર્મસ્યેદં ગુહ્યકર્મ વક્તવ્યં, મા તે સમયો વ્યથેદ્!" ઇતિ ઉક્ત્વા, વજ્રાચાર્યઃ સ્વકર્મવજ્રધારિસમયમુદ્રાં બન્ધયેત્; ક્રોધદૃષ્ટ્યા નિરીક્ષન્નિદમુત્તારયેત્ ઓં વજ્રધાર્યાવેશય પ્રવેશય નૃત્યાપય સર્વકર્મસિદ્ધિં પ્રયચ્છ હું અ હૂં અ લ લ લ લ વજ્રિ ॥
તતઃ સ્વયમાવિશ્ય પ્રવિશેતિ, મુદ્રાપ્રતિમુદ્રાભિર્નૃત્યોપહારપૂજાં કરોતિ । તતઃ પ્રભૃતિ સર્વકર્માણિ કાયવાગ્દૃષ્ટિમનોવજ્રમુદ્રાભિરીપ્સિતેન કરોતિ ।
તતો મુખબન્ધં મુક્ત્વા, નૃત્યોપહારમુદ્રાજ્ઞાનં શિક્ષયેત્ ।
બુદ્ધવજ્રધરાદીનાં સ્મયાગ્ર્યો દ્વિધીકૃતાઃ ।
વજ્રલાસ્યાદિપૂજાં તુ વજ્રવિદ્યોત્તમસ્ય વૈ

સર્વાસાં ચૈવ વિદ્યાનાં યથાવદનુપૂર્વશઃ ।
નૃત્યોપહારપૂજાભિઃ પૂજયેત્કર્મમણ્ડલં

વજ્રનૃત્યપ્રયોગેણ મહામુદ્રાસ્તુ સંક્ષિપેત્ ।
સમયાગ્ર્ય દ્વિધીકૃત્ય પ્રતિમુદ્રાભિમોક્ષયેત્

આભિર્નૃત્યોપહારેણ પૂજયં સર્વનાયકાન્ ।
મહાવજ્રધરાદિશ્ચ કર્મસિદ્ધિ ભવેદ્ ધ્રુવમ્