સર્વતથાગતતત્ત્વસંગ્રહ · અધ્યાય 102

ઇતિ ॥
અથાર્યાવલોકિતેશ્વરો બોધિસત્વો મહાસત્વઃ સર્વતથાગતાધ્યેષણવચનમુપશ્રુત્ય, યેન ભગવાંચ્છાક્યમુનિસ્તથાગતઃ તેનાભિમુખં સ્થિત્વા, તદ્વજ્રપદ્મં સ્વહૃદિ પ્રતિષ્ઠાપ્યેદમુદાનમુદાનયામાસ ।
અહો હિ પરમં શુદ્ધં વજ્રપદ્મમિદં મમ ।
પિતાહમસ્ય ચ સુતો ઽધિતિષ્ઠ કુલં ત્વિદમ્ ॥ ઇતિ ॥
એમનતિઓન્ ઓf થે દેઇતિએસ્ fરોમ્ સમધિ
અથ ભગવાન્ વૈરોચનસ્તથાગતઃ સર્વતથાગતવજ્રધર્મસમયસંભવાધિષ્ઠાનપદ્મન્નામ સમાધિં સમાપદ્યેદં સર્વતથાગતધર્મસમયં નામ સર્વતથાગતહૃદયં સ્વહૃદયાન્નિશ્ચચાર હ્રીઃ ॥
અથાસ્મિન્ વિનિઃસૃતમાત્રે સર્વતથાગતહૃદયેભ્યઃ પદ્માકારા અનેકવર્ણરૂપલિઙ્ગેર્યપથા રશ્મયો વિનિઃસૃત્ય, સર્વલોકધાતુષુ રાગાદીનિ વિશુદ્ધધર્મતાજ્ઞાનાનિ સંશોધ્ય, પુનરપ્યાગત્યાર્યાવલોકિતેશ્વરસ્ય હૃદયે પ્રવિષ્ટા ઇતિ ॥
અથ ભગવાન્ સર્વતથાગતધર્મસમયન્નામ સ્વવિદ્યોત્તમમભાષત્ ઓં વજ્રપદ્મોત્તમ હ્રીઃ ॥
અથ વજ્રપાણિર્મહાબોધિસત્વ ઇદં સ્વવિદ્યોત્તમમભાષત્ ઓં વજ્ર હું ફટ્ ॥
અથ વજ્રગર્ભો બોધિસત્વ ઇદં સ્વવિદ્યોત્તમમભાષત્ ઓં વજ્રરત્નોત્તમ ત્રઃ ॥
અથ વજ્રનેત્રો બોધિસત્વ ઇદં સ્વવિદ્યોત્તમમભાષત્ ઓં વજ્રવિદ્યોત્તમ હ્રીઃ ॥
અથ વજ્રવિશ્વો બોધિસત્વ ઇદં સ્વવિદ્યોત્તમમભાષત્ ઓં વજ્રવિશ્વોત્તમ અઃ ॥
અથ ખલ્વવલોકિતેશ્વરો બોધિસત્વો મહાસત્વઃ સર્વરૂપસંદર્શનં નામ સમાધિં સમાપદ્યેદં સર્વજગદ્વિનયસમયન્નામ સ્વહૃદયમભાષત્ ઓં હું હ્રીઃ હોઃ ॥
અથાસ્મિન્ ભાષિતમાત્રે આર્યાવલોકિતેશ્વરહૃદયાત્ સ એવ ભગવાં વજ્રધરઃ આર્યાવલોકિતેશ્વરરૂપધારિણઃ પદ્મપ્રતિષ્ઠાઃ પદ્મમુદ્રાચિન્હધારિવિચિત્રવર્ણરૂપવેષાલઙ્કારાઃ તથાગતાદિસર્વસત્વમૂર્તિધારા મહાબોધિસત્વવિગ્રહા ભૂત્વા વિનિઃસૃત્ય, સર્વલોકધાતુષુ સર્વસત્વાનાં યથા વૈનેયતયા સ્વરૂપાણિ સન્દર્શ્યાશેષાનવશેષસત્વધાતુવિનયં કૃત્વા, પુનરપ્યાગત્ય, વજ્રધાતુમહામણ્ડલયોગેન ભગવતઃ શાક્યમુનેસ્તથાગતસ્ય સર્વતશ્ચન્દ્રમણ્ડલાશ્રિતા ભૂત્વેદમુદાનમુદાનયિંસુઃ ।
અહો હિ સર્વબુદ્ધાનામુપાયઃ કરુણાત્મનાં ।
યત્ર હ્યુ પાયવિનયાદ્ દેવા અપિ ભવન્તિ હિ ॥
દેલિનેઅતિઓન્ ઓf થે મન્દલ
અથ ભગવાનવલોકિતેશ્વરો બોધિસત્વો મહાસત્વઃ સ્વકુલમુત્પાદ્ય, સર્વતથાગતેભ્ય સર્વસત્વાભયાર્થપ્રાપ્ત્યુત્તમસિદ્ધિવજ્રધર્મતાજ્ઞાનાભિજ્ઞાવાપ્તિફલહેતોર્નિર્યા[ત્ય, સર્વજગ]દ્વિનયં નામ મહામણ્ડલમભાષત્ ।
અથાતઃ સંપ્રવક્ષ્યામિ મહામણ્ડલમુત્તમમ્ ।
વજ્રધાતુપ્રતીકાશં જગદ્વિનયં સંજ્ઞિતં

ચતુ[રશ્રં] ચતુર્દ્વારં ચતુસ્તોરણશોભિતં ।
ચતુઃસૂત્રસમાયુક્તં પટ્ટસ્રગ્દામભૂષિતં

સર્વમણ્ડલકોણેષુ દ્વારનિર્યૂહસન્ધિષુ ।
ખચિતં વજ્રરત્નૈસ્તુ સૂત્રયેદ્બાહ્યમણ્ડલં

તસ્યાભ્યન્તરતઃ સૂત્રં ચતુરશ્રં પરિક્ષિપેત્ ।
દ્વિતીયં દ્વારકોણં તુ પદ્માકારં પ્રકલ્પયેત્

અષ્ટસ્તમ્ભપ્રયોગેણ પદ્મમષ્ટદલં લિખેત્ ।
તસ્ય કેસરમધ્યે તુ બુદ્ધબિમ્બન્નિવેશયેત્