સર્વતથાગતતત્ત્વસંગ્રહ · અધ્યાય 1

સર્વ તથાગત તત્ત્વ સઙ્ગ્રહ્
છપ્તેર્ 1
વજ્રધતુ-મહ-મન્દલ-વિધિ-વિસ્તર-મન્દલ ઇ.1
[એવં મયા શ્રુ]તમેકસ્મિન્ સમયે ભગવાન્ સર્વતથાગત-વજ્રાધિષ્ઠાનસમયજ્ઞાનવિવિધવિશેષસમન્વાગતઃ, સર્વતથાગતરત્નમુકુટત્રૈધાતુકધર્મરાજ્યાભિષેકપ્રાપ્તઃ, સર્વતથાગતસર્વજ્ઞાનમહાયોગીશ્વરઃ, સર્વતથાગતસર્વમુદ્રાસમતાધિગતવિશ્વકાર્યકરણતાશેષાનવશેષસત્ત્વધાતુસર્વાશાપરિપૂરકઃ, મહાકૃપો વૈરોચનઃ શાશ્વતસ્ત્ર્યધ્વસમયવ્યવસ્થિતઃ સર્વકાયવાક્ચિત્તવજ્રસ્તથાગતઃ, સર્વતથાગતાધ્યુષિતપ્રશસ્તસ્તવિતે મહામણિરત્નપ્રત્યુપ્તે વિચિત્રવર્ણઘણ્ટાવસક્તમારુતોદ્ધતપટ્ટસ્રક્ચામરહારાર્ધહારચન્દ્રોપશોભિતે અકનિષ્ઠદેવરાજસ્ય ભવને વિજહાર । નવનવતિભિર્બોધિસત્ત્વકોટિભિઃ સાર્ધં, તદ્યથા વજ્રપાણિના ચ બોધિસત્ત્વેન, અવલોકિતેશ્વરેણ ચ બોધિસત્ત્વેન, આકાશગર્ભેણ ચ, વજ્રમુષ્ટિના ચ, મઞ્જુશ્રિયા ચ, સહચિત્તોત્પાદધર્મચક્રપ્રવર્તિના ચ, ગગનગઞ્જેન ચ સર્વમારબલપ્રમર્દિના ચ, એવંપ્રમુખૈર્નવનવતિભિર્બોધિસત્ત્વકોટિભિઃ; ગઙ્ગાનદીવાલુકાસમાખ્યાતૈશ્ચ તથાગતૈઃ, તદ્યથાપિ નામ તિલબિમ્બમિવ પરિપૂર્ણં જમ્બૂદ્વીપે સંદૃશ્યતે । તૈશ્ચાપ્રમેયૈસ્તથાગતૈરેકૈકસ્માચ્ચ તથાગતકાયાદપ્રમેયાસંખ્યેયાનિ બુદ્ધક્ષેત્રાણિ સંદૃશ્યન્તે, તેષુ ચ બુદ્ધક્ષેત્રેષુ ઇમમેવ ધર્મનયં દેશયન્તિ સ્મ ।
અથ ભગવાન્ મહાવૈરોચનઃ સર્વાકાશધાતુસદાવસ્થિતકાયવાક્ચિત્તવજ્રઃ સર્વતથાગતસમવસરણતયા સર્વવજ્રધાત્વવબોધનજ્ઞાનસત્ત્વઃ સર્વાકાશધાતુપરમાણુરજો વજ્રાધિષ્ઠાનસમ્ભવજ્ઞાનગર્ભઃ સર્વતથાગતાનન્તતયા મહવજ્રજ્ઞાનાભિષેકરત્નઃ સર્વાકાશસ્ફરણતથતાજ્ઞાનાભિસમ્બોધ્યભિસમ્બોધિભૂતઃ સર્વતથાગતાત્મભાવશુદ્ધિતયાસ્વભાવશુદ્ધસર્વધર્મઃ સર્વાકાશચર્યાગ્ર્યઃ સર્વતથાગતામોઘાજ્ઞાકારિતયા સર્વાસમાનુત્તરવિશ્વકર્મા । સર્વતથાગતમહાબોધિદૃઢસત્ત્વઃ સર્વતથાગતકર્ષણસમયઃ સર્વતથાગતાનુરાગણજ્ઞાનેશ્વરઃ સર્વતથાગતસાધુકારઃ સર્વતથાગતમહાભિષેકરત્નઃ સર્વતથાગતસૂર્યપ્રભામણ્ડલઃ સર્વતથાગતચિન્તારાજમણિરત્નકેતુઃ સર્વતથાગતમહાહાસઃ સર્વતથાગતમહાશુદ્ધધર્મઃ સર્વતથાગતપ્રજ્ઞાજ્ઞાનઃ સર્વતથાગતચક્રઃ સર્વતથાગતમહાવીર્યસુદૃઢકવચઃ સર્વતથાગતરક્ષપરિપાલનવજ્રયક્ષઃ સર્વતથાગતકાયવાક્ચિત્તવજ્રબન્ધમુદ્રાજ્ઞાનઃ ।
એઉલોગ્ય્ ઓf સમન્તભદ્ર થે મહબોધિસ્તત્ત્વ
સમન્તભદ્રઃ સ્વમોઘઃ મારઃ પ્રામોદ્યનાયકઃ ।
ખગર્ભઃ સુ[મહાતે]જા રત્નકેતુર્મહાસ્મિતઃ

અવલોકિતમહેશશ્ ચ મઞ્જુશ્રીઃ સર્વમણ્ડલઃ ।
અવાચો વિશ્વકર્મા ચ વીર્યશ્ચણ્ડો [દૃઢગ્રહઃ]

વજ્રો ઽઙ્ કુશઃ શરસ્તુષ્ટિઃ રત્નઃ સૂર્યો ધ્વજઃ સ્મિતઃ ।
પદ્મઃ કોશઃ સુચક્રો વાક્ કર્મ વર્મ રવયો ગ્રહઃ

અનાદિનિધ[નઃ શાન્તો રુદ્રઃ ક્રોધો મહા]ક્ષમઃ ।
યક્ષઃ સુરાક્ષસો ધીરઃ સૌરિઃ સૌરિર્મહાવિભુઃ

ઉમાપતિઃ પ્રજાનાથો વિષ્ણુર્જિષ્ણુર્મહામુનિઃ ।
લોકપાલો નભો ભૂમિ[સ્ત્રિલોક]સ્તુ ત્રિધાતુકઃ

મહાભૂતઃ સુસત્ત્વાર્થઃ સર્વઃ શર્વઃ પિતામહઃ ।
સંસારો નિર્વૃતિઃ શશ્વત્ સમ્યગ્વૃત્તિર્મહામહઃ

બુદ્ધઃ શુદ્ધો મહાયાનસ્ત્રિભવઃ શાશ્વતો હિસઃ ।
ત્રિલોકવિજયી શમ્ભુઃ શમ્ભુનાથઃ પ્રદામકઃ

॥
વજ્રનાથઃ સુભૂમ્યગ્ર્યો જ્ઞાનઃ પારમિતાનયઃ ।
વિમોક્ષો બોધિસત્ત્વશ્ચ ચર્યઃ સર્વતથાગતઃ

બુદ્ધાર્થો બુદ્ધહૃદયઃ સર્વબોધિરનુત્તરઃ ।
વૈરોચનો જિનો નાથઃ સ્વયંભૂર્ધારણી સ્મૃતિઃ

મહાસત્ત્વો મહામુદ્રઃ સમાધિર્બુદ્ધકર્મકૃત્ ।
સર્વબુદ્ધાત્મકો ભૂતઃ સત્ત્વો નિત્યાર્થબોધકઃ

મહાસ્થાણુર્મહાકાલો મહારાગો મહાસુખઃ ।
મહાપાપો મહાગ્ર્યાગ્ર્યઃ સર્વાગ્ર્યો ભુવનેશ્વરઃ