સર્વતથાગતતત્ત્વસંગ્રહ · અધ્યાય 2

ભગવાન્ મહાબોધિચિત્તઃ સમન્તભદ્રો મહાબોધિસત્ત્વઃ સર્વતથાગતહૃદયેષુ વિજહાર । અથ સર્વતથાગતૈરિદં બુદ્ધક્ષેત્રં તદ્યથા તિલબિમ્બમિવ પરિપૂર્ણમ ॥
અથ ખલુ સર્વતથાગતા મહાસમાજમાપદ્ય, યેન સર્વાર્થસિદ્ધિર્બોધિસત્ત્વો મહાસત્ત્વઃ બોધિમણ્ડનિષણ્ણસ્તેનોપજગ્મુઃ । ઉપેત્ય બોધિસત્ત્વસ્ય સાંભોગિકૈઃ કાયૈર્દર્શનન્દત્વૈવમાહુઃ- "કથં કુલપુત્રાનુત્તરાં સમ્યક્સમ્બોધિમ્ અભિસંભોત્સ્યસે, યસ્ત્વં સર્વતથાગતતત્ત્વાનભિજ્ઞતયા સર્વદુઃકરાણ્યુત્સહસી-?"તિ ।
અથ સર્વાર્થસિદ્ધિર્બોધિસત્ત્વો મહાસત્વસ્સર્વતથાગતચોદિતઃસમાનસ્તત આસ્ફાનસમાધિતો વ્યુત્થાય, સર્વતથાગતાન્ પ્રણિપત્યાહૂ યૈવમાહ- "ભગવન્તસ્તથાગતા આજ્ઞાપયત કથં પ્રતિપદ્યામિ કીદૃશં તત્ તત્ત્વમ્" ઇતિ । એવમુક્તે સર્વતથાગતાસ્તં બોધિસત્ત્વમેકકણ્ઠેનૈવમાહુઃ- "પ્રતિપદ્યસ્વ કુલપુત્ર સ્વચિત્તપ્રત્યવેક્ષણસમાધાનેન પ્રકૃતિસિદ્ધેન રુચિજપ્તેન મન્ત્રેણ" ઇતિ ઓં ચિત્તપ્રતિવેધં કરોમિ ।
અથ બોધિસત્ત્વઃ સર્વતથાગતાનેવમાહ- "આજ્ઞાતં મે ભગવન્તસ્તથાગતાઃ સ્વહૃદિ ચન્દ્રમણ્ડલાકારં પશ્યામિ" । સર્વતથાગતાઃ પ્રોચુઃ- "પ્રકૃતિપ્રભાસ્વરમિદં કુલપુત્ર ચિત્તં, તદ્યથા પરિકર્ષ્યતે તત્ તથૈવ ભવતિ । તદ્યથાપિ નામ શ્વેતવસ્ત્રે રાગરઞ્જનમ્" ઇતિ ।
અથ સર્વતથાગતાઃ પ્રકૃતિપ્રભાસ્વરચિત્તજ્ઞાનસ્ય સ્ફીતીકરણહેતોઃ પુનરપિ તસ્મૈ બોધિસત્ત્વાય ઓં બોધિચિત્તમુત્પાદયામિ ઇત્યનેન પ્રકૃતિસિદ્ધેન મન્ત્રેણ બોધિચિત્તમુત્પાદિતવન્તઃ ।
અથ બોધિસત્ત્વઃ પુનરપિ સર્વતથાગતાજ્ઞયા બોધિચિત્તમુત્પાદ્યૈવમાહ- "યત્ તચ્ચન્દ્રમણ્ડલાકારં તચ્ચન્દ્રમણ્ડલમેવ પશ્યામિ" । સર્વતથાગતા આહુઃ- "સર્વતથાગતહૃદયન્તે સમન્તભદ્રશ્ચિત્તોત્પાદઃ સામીચીભૂતઃ, તત્સાધુ પ્રતિપદ્યતામ્, સર્વતથાગતસમન્તભદ્રચિત્તોત્પાદસ્ય દૃઢીકરણહેતોઃ સ્વહૃદિ ચન્દ્રમણ્ડલે વજ્રબિમ્બં ચિન્તયાનેન મન્ત્રેણ ઓં તિષ્ઠ વજ્ર ।
બોધિસત્ત્વ આહ- "પશ્યામિ ભગવન્તસ્તથાગતાશ્ચન્દ્રમણ્ડલે વજ્રમ્" । સર્વતથાગતા આહુઃ- "દૃઢીકુર્વિદં સર્વતથાગતસમન્તભદ્રચિત્તવજ્રમનેન મન્ત્રેણ ઓં વજ્રાત્મકો ઽહમ્ ॥
અથ યાવન્તઃ સર્વાકાશધાતુસમવસરણાઃ સર્વતથાગતકાયવાક્ચિત્તવજ્રધાતવઃ, તે સર્વે સર્વતથાગતાધિષ્ઠાનેન તસ્મિન્ સત્ત્વવજ્રે પ્રવિષ્ટાઃ । તતઃ સર્વતથાગતૈઃ સ ભગવાન્ સર્વાર્થસિદ્ધિર્મહાબોધિસત્ત્વો વજ્રધાતુર્વજ્રધાતુરિતિ વજ્રનામાભિષેકેણાભિષિક્તઃ ।
અથ વજ્રધાતુર્મહાબોધિસત્ત્વસ્તાન્ સર્વતથાગતાનેવમાહ "પશ્યામિ ભગવન્તસ્તથાગતાઃ સર્વતથાગતકાયમાત્માનમ્" । સર્વતથાગતાઃ પ્રાહુઃ- "તેન હિ મહાસત્ત્વ સત્ત્વવજ્રં સર્વાકારવરોપેતં બુદ્ધબિમ્બમાત્માનં ભાવયાનેન પ્રકૃતિસિદ્ધેન મન્ત્રેણ રુચિતઃ પરિજપ્ય ઓં યથા સર્વતથાગતાસ્તથાહમ્" ॥
અથૈવમુક્તે વજ્રધાતુર્મહાબોધિસત્ત્વસ્તથાગતમાત્માનમભિસમ્બુધ્ય, તાન્ સર્વતથાગતાન્ પ્રણિપત્યાહૂ યૈવમાહ "અધિતિષ્ઠત માં ભગવન્તસ્તથાગતા ઇમામભિસંબોધિં દૃઢીકુરુત ચેતિ" । અથૈવમુક્તે સર્વતથાગતા વજ્રધાતોસ્તથાગતસ્ય તસ્મિન્ સત્ત્વવજ્રે પ્રવિષ્ટા ઇતિ ॥
અથ ભગવાન્ વજ્રધાતુસ્તથાગતસ્તસ્મિન્ એવ ક્ષણે સર્વતથાગતસમતાજ્ઞાનાભિસંબુદ્ધ સર્વતથાગતવજ્રસમતાજ્ઞાનમુદ્રાગુહ્યસમયપ્રવિષ્ટઃ સર્વતથાગતધર્મસમતાજ્ઞાનાધિગમસ્વભાવશુદ્ધઃ સર્વતથાગતસર્વસમતાપ્રકૃતિપ્રભાસ્વરજ્ઞાનાકરભૂતસ્તથાગતો ઽર્હાન્ સમ્યક્સંબુદ્ધઃ સંવૃત્ત ઇતિ ॥
અથ સર્વતથાગતાઃ પુનરપિ તતઃ સર્વતથાગતસત્ત્વવજ્રાન્ નિઃસૃત્યાકાશગર્ભમહામણિરત્નાભિષેકેણાભિષિચ્યાવલોકિતેશ્વરધર્મજ્ઞાનમુત્પાદ્ય સર્વતથાગતવિશ્વકર્મતાયાં પ્રતિષ્ઠાપ્ય યેન સુમેરુગિરિમૂર્ધા યેન ચ વજ્રમણિરત્નશિખરકૂટાગારસ્તેનોપસંક્રાન્તાઃ, ઉપસંક્રમ્ય વજ્રધાતુન્તથાગતં સર્વતથાગતત્વે ઽધિષ્ઠ્ય, સર્વતથાગતસિંહાસને સર્વતોમુખં પ્રતિષ્ઠાપયામાસુરિતિ ॥
એમનતિઓન્ ઓf થે 37 દેઇતિએસ્ fરોમ્ સમધિ
અથ ખલુ અક્ષોભ્યસ્તથાગતો રત્નસંભવશ્ચ તથાગતો લોકેશ્વરરાજશ્ચ તથાગતો અમોઘસિદ્ધિશ્ચ તથાગતઃ સર્વતથાગતત્વં સ્વયમાત્મન્યધિષ્ઠાય, ભગવતઃ શાક્યમુનેસ્તથાગતસ્ય સર્વસમતાસુપ્રતિવેધત્વાત્ સર્વદિક્સમતામભ્યાલમ્બ્ય, ચતસૃષુ દિક્ષુ નિષણ્ણાઃ ॥
ઇ.1.6 વજ્રસત્ત્વ
અથ ભગવાન્ વૈરોચનસ્તથાગતઃ અચિરાભિસંબુદ્ધઃ સર્વતથાગતસમન્તભદ્રહૃદયસર્વતથાગતાકાશસંભવમહામણિરત્નાભિષેકાભિષિક્તઃ સર્વતથાગતાવલોકિતેશ્વરધર્મજ્ઞાનપરમપારમિતાપ્રાપ્તઃ સર્વતથાગતવિશ્વકર્મતામોઘાપ્રતિહતશાસનઃ પરિપૂર્ણકાર્યઃ પરિપૂર્ણમનોરથઃ સર્વતથાગતત્વં સ્વયમાત્મન્યધિષ્ઠાય, સર્વતથાગતસમન્તભદ્રમહાબોધિસત્ત્વસમયસમ્ભવસત્ત્વાધિષ્ઠાનવજ્રં નામ સમાધિં સમાપદ્યેદં સર્વતથાગતમહાયાનાભિસમયં નામ સર્વતથાગતહૃદયં સ્વહૃદયાન નિશ્ચચાર વજ્રસત્ત્વ ॥
અથાસ્મિન્ વિનિઃસૃતમાત્રે સર્વથાગતહૃદયેભ્યઃ સ એવ ભગવાં સમન્તભદ્રશ્ચન્દ્રમણ્ડલાનિ ભૂત્વા વિનિઃસૃત્ય, સર્વસત્ત્વાનાં મહાબોધિચિત્તાનિ સંશોધ્ય, સર્વતથાગતાનાં સર્વપાર્શ્વેષ્વવસ્થિતાઃ । અથ તેભ્યશ્ચન્દ્રમણ્ડલેભ્યઃ સર્વતથાગતજ્ઞાનવજ્રાણિ વિનિઃસૃત્ય, ભગવતો વૈરોચનસ્ય તથાગતસ્ય હૃદયે પ્રવિષ્ટાનિ । સમન્તભદ્રત્વાચ્ચ સુદૃઢત્વાચ્ચ વજ્રસત્ત્વસમાધેઃ સર્વતથાગતાધિષ્ઠાનેન ચૈકધનઃ સકલાકાશધાતુસમવસરણપ્રમાણો રશ્મિમાલો પઞ્ચમૂર્ધા સર્વતથાગતકાયવાક્ચિત્તવજ્રમયોવજ્રવિગ્રહઃ પ્રાદુર્ભૂય, સર્વથાગતહૃદયાન્ નિષ્ક્રમ્ય પાણૌ પ્રતિષ્ઠિતઃ । અથ તતો વજ્રાદ્ વજ્રાકારા રશ્મયો વિચિત્રવર્ણરૂપાઃ સર્વલોકધાત્વાભાસનસ્ફરણા વિનિશ્ચરિતાઃ । તેભ્યશ્ચ વજ્રરશ્મિમુખેભ્યઃ સર્વલોકધાતુપરમાણુરજઃસમાસ્તથાગતવિગ્રહા વિનિઃસૃત્ય, સકલધર્મધાતુસમવસરણેષુ સર્વાકાશધાતુપર્યવસાનેષુ સર્વલોકધાતુપ્રસરમેઘસમુદ્રેષુ સર્વતથાગતસમતાજ્ઞાનાભિજ્ઞાસ્વભિસંબોધાત્, સર્વતથાગતમહાબોધિચિત્તોત્પાદનસમન્તભદ્રવિવિધચર્યાનિષ્પાદનસર્વ- તથાગતકુલારાગણમહાબોધિમણ્ડોપસંક્રમણસર્વમારધર્ષણસર્વ- તથાગતસમતામહાબોધ્યભિસંબુધ્યનધર્મચક્રપ્રવર્તનં યાવદ્ અશેષાનવશેષસત્ત્વધાતુપરિત્રાણસર્વહિતસુખસર્વતથાગતજ્ઞાનાભિજ્ઞોત્તમસિદ્ધિનિષ્પાદનાદીનિ સર્વતથાગતવિકુર્વિતાનિ સન્દર્શ્ય, સમન્તભદ્રત્વાદ્ વજ્રસત્ત્વસમાધેઃ સુદૃઢત્વાચ્ચૈકઘનઃ સમન્તભદ્રમહાબોધિસત્ત્વકાયઃ સંભૂય, ભગવતો વૈરોચનસ્ય હૃદયે સ્થિત્વેદમુદાનમુદાનયામાસ ।
અહો સમન્તભદ્રો ઽહં દૃઢસત્ત્વઃ સ્વયંભુવાં ।
યદ્ દૃઢત્વાદકાયો ઽપિ સત્ત્વકાયત્વમાગતઃ ॥

અથ સમન્તભદ્રમહાબોધિસત્ત્વકાયો ભગવતો હૃદયાદવતીર્ય, સર્વતથાગતાનાં પુરતશ્ચન્દ્રમણ્ડલાશ્રિતો ભૂત્વાજ્ઞાં માર્ગયામાસ ॥
અથ ભગવાન્ સર્વતથાગતજ્ઞાનસમયવજ્રં નામ સમાધિં સમાપદ્ય, સર્વતથાગતશીલસમાધિપ્રજ્ઞાવિમુક્તિવિમુક્તિજ્ઞાનદર્શનધર્મચક્રપ્રવર્તનસત્ત્વાર્થમહોપાયબલવીર્યમહાજ્ઞાનસમયમશેષાનવશેષસત્ત્વધાતુપરિત્રાણસર્વાધિપત્યસર્વસુખસૌમનસ્યાનુભવનાર્થ યાવત્ સર્વતથાગતસમતાજ્ઞાનાભિજ્ઞાનુત્તરમહાયાનાભિસમયોત્તમસિદ્ધ્યવાપ્તિફલહેતોસ્તત્સર્વતથાગતસિદ્ધિવજ્રં તસ્મૈ સમન્તભદ્રાય મહાબોધિસત્ત્વાય સર્વતથાગતચક્રવર્તિત્વે સર્વબુદ્ધકાયરત્નમુકુટપટ્ટાભિષેકેણાભિષિચ્ય પાણિભ્યામનુપ્રાદાત્ । તતઃ સર્વતથાગતૈર્વજ્રપાણિર્વજ્રપાણિરિતિ વજ્રનામાભિષેકેણાભિષિક્તઃ ।
અથ વજ્રપાણિર્બોધિસત્ત્વો મહાસત્ત્વો વામવજ્રગર્વોલ્લાલનતયા તદવજ્રં સ્વહૃદ્યુત્કર્ષણયોગેન ધારયન્નિદમુદાનમુદાનયામાસ ।
ઇદં તત્સર્વબુદ્ધાનાં સિદ્ધિવજ્રમનુત્તરં ।
અહં મમ કરે દત્તં વજ્રં વજ્રે પ્રતિષ્ઠિતમ્ ॥ ઇતિ ॥
ઇ.1.7 વજ્રરજ
અથ ભગવાન્ પુનરપ્યમોઘરાજમહાબોધિસત્ત્વસમયસંભવસત્ત્વાધિષ્ઠાનવજ્રં નામ સમાધિં સમાપદ્યદં સર્વતથાગતાકર્ષણસમયન્નામ સર્વતથાગતહૃદયં સ્વહૃદયાન્નિશ્ચચાર વજ્રરાજ ॥
અથાસ્મિન્ વિનિઃસૃતમાત્રે સર્વતથાગતહૃદયેભ્યઃ સ એવ ભગવાન્ વજ્રપાણિ સર્વતથાગતમહાઙ્કુશાનિ ભૂત્વા વિનિઃસૃત્ય, ભગવતો વૈરોચનસ્ય હૃદયે પ્રવિષ્ટ્વૈકઘનો વજ્રાઙ્કુ શમહાવિગ્રહઃ પ્રાદુર્ભૂય, ભગવતઃ પાણૌ પ્રતિષ્ઠિતઃ । અથ તતો વજ્રાઙ્કુ શમહાવિગ્રહાત્ સર્વલોકધાતુપરમાણુરજઃસમાસ્તથાગતવિગ્રહા વિનિઃસૃત્ય, સર્વતથાગતકર્ષણાદીનિ સર્વબુદ્ધર્દ્ધિવિકુર્વિતાનિ કૃત્વા, સ્વમોઘરાજત્વાદ્ વજ્રસત્ત્વસમાધેઃ સુદૃઢત્વાચ્ચૈકઘનઃ અમોઘરાજમહાબોધિસત્ત્વકાયઃ સંભૂય, ભગવતો વૈરોચનસ્ય હૃદયે સ્થિત્વેદમુદાનમુદાનયામાસ ।
અહો હ્યમોઘરાજાહં વજ્રસંભવમઙ્કુ શઃ ।
યત્સર્વવ્યાપિનો બુદ્ધાઃ સમાકૃષ્યન્તિ સિદ્ધયઃ ॥ ઇતિ ॥
અથ સો ઽમોઘરાજમહાબોધિસત્ત્વકાયો ભગવતો હૃદયાદવતીર્ય, સર્વતથાગતાનાં દક્ષિણચન્દ્રમણ્ડલાશ્રિતો ભૂત્વા, પુનરપ્યાજ્ઞાં માર્ગયામાસ ॥
અથ ભગવાન્ સર્વતથાગતાકર્ષણસમયવજ્રન્નામ સમાધિં સમાપદ્ય, સર્વતથાગતાકર્ષણસમયમશેષાનવશેષસત્ત્વધાતુસર્વાકર્ષણસર્વસુખસૌમનસ્યાનુભવનાર્થં યાવત્ સર્વતથાગતસમાજાધિષ્ઠાનોત્તમસિદ્ધ્યર્થં તદ્વજ્રાઙ્કુશં તસ્મૈ અમોઘરાજાય મહાબોધિસત્ત્વાય તથૈવ પાણિભ્યામનુપ્રાદાત્ । તતઃ સર્વતથાગતૈર્વજ્રાકર્ષો વજ્રાકર્ષ ઇતિ વજ્રનામાભિષેકેણાભિષિક્તઃ ॥
અથ વજ્રાકર્ષો બોધિસત્ત્વસ્તેન વજ્રાઙ્કુશેન સર્વતથાગતાનાકર્ષયન્નિદમુદાનમુદાનયામાસ ।
ઇદં તત્સર્વબુદ્ધાનાં વજ્રજ્ઞાનમનુત્તરં ।
યત્સર્વબુદ્ધાર્થસિદ્ધ્યર્થ સમાકર્ષણમુત્તમમ ॥ ઇતિ ॥
ઇ.1.8 વજ્રરગ
અથ ભગવાન્ પુનરપિ મારમહાબોધિસત્ત્વસમયસંભવસત્ત્વાધિષ્ઠાનવજ્રં નામ સમાધિં સમાપદ્યેદં સર્વતથાગતાનુરાગણસમયન્નામ સર્વતથાગતહૃદયં સ્વહૃદયાન્નિશ્ચચાર વજ્રરાગ ॥
અથાસ્મિન્ વિનિઃસૃતમાત્રે સર્વતથાગતહૃદયેભ્યઃ સ એવ ભગવાન્ વજ્રધરઃ સર્વતથાગતકુસુમાયુધાનિ ભૂત્વા વિનિઃસૃત્ય, ભગવતો વૈરોચનસ્ય હૃદયે પ્રવિષ્ટ્વૈકઘનો મહાવજ્રવાણવિગ્રહઃ પ્રાદુર્ભૂય, પાણૌ પ્રતિષ્ઠિતઃ । અથ તતો વજ્રવાણવિગ્રહાત્સર્વલોકધાતુપરમાણુરજઃસમાસ્તથાગતવિગ્રહા વિનિઃસૃત્ય, સર્વતથાગતાનુરાગણાદીનિ સર્વબુદ્ધર્દ્ધિવિકુર્વિતાનિ કૃત્વા, સુમારણત્વાદ્ વજ્રસત્ત્વસમાધેઃ સુદૃઢત્વાચ્ચૈકઘનો મારમહાબોધિસત્ત્વકાયઃ સંભૂય, ભગવતો વૈરોચનસ્ય હૃદયે સ્થિત્વેદમુદાનમુદાનયામાસ ।
અહો સ્વભાવશુદ્ધો ઽહમનુરાગઃ સ્વયંભુવાં ।
યચ્છુદ્ધ્યર્થં વિરક્તાનાં રાગેણ વિનયન્તિ હિ ॥
અથ સ મારમહાબોધિસત્ત્વકાયો ભગવતો હૃદયાદવતીર્ય સર્વતથાગતાનાં વામચન્દ્રમણ્ડલાશ્રિતો ભૂત્વા, પુનરપ્યાજ્ઞાં માર્ગયામાસ ॥
અથ ભગવાન્ સર્વતથાગતાનુરાગણાધિષ્ઠાનવજ્રન્નામ સમાધિં સમાપદ્ય, સર્વતથાગતમારણવજ્રસમયમશેષાનવશેષત્વધાત્વનુરાગણર્સાસુખસૌમનસ્યાનુભવનાર્થં યાવત્ સર્વતથાગતમારકર્મોત્તમસિદ્ધ્યવાપ્તિફલહેતોસ્તદ્વજ્રવાણં તસ્મૈ મારાય મહાબોધિસત્ત્વાય તથૈવ પાણિભ્યામનુપ્રાદાત્ । તતઃ સર્વતથાગતૈર્વજ્રધનુર્વજ્રધનુરિતિ વજ્રનામાભિષેકેણાભિષિક્તઃ ॥
અથ વજ્રધનુર્બોધિસત્ત્વો મહાસત્ત્વસ્તેન વજ્રવાણેન સર્વતથાગતાન્ મારયન્નિદમુદાનમુદાનયામાસ ।
ઇદન્તત્સર્વબુદ્ધાનાં રાગજ્ઞાનમનાવિલં ।
હત્વા વિરાગં રાગેણ સર્વસૌખ્યં દદન્તિ હિ ॥
ઇ.1.9 વજ્રસધુ
અથ ભગવાન્ પુનરપિ પ્રામોદ્યરાજમહાબોધિસત્ત્વસમયસંભવસત્ત્વાધિષ્ઠાનવજ્રન્નામ સમાધિં સમાપદ્યેદં સર્વતથાગતપ્રમોદસમયન્નામ સર્વતથાગતહૃદયં સ્વહૃદયાન્નિશ્ચચાર વજ્રસાધુ ॥
અથાસ્મિન્ વિનિઃસૃતમાત્રે સર્વતથાગતહૃદયેભ્યઃ સ એવ ભગવાન્ વજ્રધરઃ સાધુકારાણિ ભૂત્વા, ભગવતો વૈરોચનસ્ય હૃદયે પ્રવિષ્ટ્વૈકઘનો ભૂત્વા, વજ્રતુષ્ટિવિગ્રહઃ પ્રાદુર્ભૂય, ભગવતઃ પાણૌ પ્રતિષ્ઠિતઃ । અથ તતો વજ્રતુષ્ટિવિગ્રહાત્ સર્વલોકધાતુપરમાણુરજઃસમાઃ તથાગતવિગ્રહા વિનિઃસૃત્ય, સર્વતથાગતસાધુકારાદીનિ સર્વબુદ્ધર્દ્ધિવિકુર્વિતાનિ કૃત્વા, સુપ્રામોદ્યત્વાદ્ વજ્રસત્ત્વસમાધેઃ સુદૃઢત્વાચ્ ચૈકઘનઃ પ્રામોદ્યરાજમહાબોધિસત્ત્વકાયઃ સંભૂય, ભગવતો વૈરોચનસ્ય તથાગતસ્ય હૃદયે સ્થિત્વેદમુદાનમુદાનયામાસ ।
અહો હિ સાધુકારો ઽહં સર્વઃ સર્વવિદાં વરઃ ।
યદ્ વિકલ્પપ્રહીણાનાં તુષ્ટિં જનયતિ ધ્રુવં ॥
અથ સ પ્રામોદ્યરાજમહાબોધિસત્ત્વકાયો ભગવતો વૈરોચનસ્ય હૃદયાદવતીર્ય, સર્વતથાગતાનાં પૃષ્ઠતશ્ચન્દ્રમણ્ડલાશ્રિતો ભૂત્વા, પુનરપ્યાજ્ઞાં માર્ગયામાસ ॥
અથ ભગવાન્ સર્વતથાગતસંતોષણવજ્રન્નામ સમાધિં સંપાદ્ય, સર્વતથાગતાનુત્તરપ્રામોદ્યજ્ઞાનસમયશેષાનવશેષસત્ત્વધાતુસર્વસત્ત્વસન્તોષણમહાસુખસૌમનસ્યાનુભવનાર્થ યાવત્ સર્વતથાગતાનુત્તરહર્ષરસોત્તમસિદ્ધિપ્રાપ્તિફલહેતોસ્તદ્વજ્રતુષ્ટિં તસ્મૈ પ્રામોદ્યરાજાય મહાબોધિસત્ત્વાય તથૈવ પાણિભ્યામનુપ્રાદાત્ । તતઃ સર્વતથાગતૈર્વજ્રહર્ષો વજ્રહર્ષ ઇતિ વજ્રનામાભિષેકેણાભિષિક્તઃ ॥
અથ વજ્રહર્ષો બોધિસત્ત્વસ્તેન વજ્રતુષ્ટિના સર્વતથાગતાન્ સાધુકારૈઃ પ્રહર્ષયન્નિદમુદાનમુદાનયામાસ ।
ઇદં તત્સર્વબુદ્ધાનાં સાધુકારપ્રવર્તકં ।
સર્વતુષ્ટિકરં વજ્રં દિવ્યં પ્રામોદ્યવર્ધનમ્ ॥ ઇતિ ॥
મહાબોધિચિત્તં, સર્વતથાગતકર્ષણસમયઃ, સર્વતથાગતાનુરાગણજ્ઞાનં, મહાતુષ્ટિરિતિ સર્વતથાગતમહાસમયસત્ત્વાઃ ॥
ઇ.1.10 વજ્રરત્ન

અથ ભગવાન્ પુનરપ્યાકાશગર્ભમહાબોધિસત્ત્વસમયસંભવરત્નાધિષ્ઠાનવજ્રન્નામ સમાધિં સમાપદ્યેદં સર્વતથાગતાભિષેકસમયન્નામ સર્વતથાગતહૃદયં સ્વહૃદયાન્નિશ્ચચાર વજ્રરત્નઃ ॥
અથાસ્મિન્ વિનિઃસૃતમાત્રે સર્વતથાગતહૃદયેભ્યઃ સર્વાકાશસમતાજ્ઞાનસુપ્રતિવેધત્વાદ્, વજ્રસત્ત્વસમાધેઃ સ એવ ભગવાન્ વજ્રધરઃ સર્વાકાશરસમયો ભૂત્વા વિનિઃસૃતાસ્, તૈઃ સર્વૈઃ સર્વાકાશરશ્મિભિઃ સર્વલોકધાતવો ઽવભાસિતાઃ, સર્વાકાશધાતુસમાઃ સંવૃતા અભૂવન્ । અથ સર્વતથાગતાધિષ્ઠાનેન સર્વો ઽસાકાશધાતુર્ભગવતો વૈરોચનસ્ય હૃદયે પ્રવિષ્ટાઃ । સુપરિભાવિતત્વાચ્ચ વજ્રસત્ત્વસમાધેઃ સર્વાકાશધાતુગર્ભમયઃ સર્વલોકધાતુસમવસરણપ્રમાણો મહાવજ્રરત્નવિગ્રહઃ પ્રાદુર્ભૂય, ભગવતઃ પાણૌ પ્રતિષ્ઠિતઃ । અથ તસ્માદ્ વજ્રરત્નવિગ્રહાત્ સર્વલોકધાતુપરમાણુરજઃસમાસ્તથાગતવિગ્રહાઃ પ્રાદુર્ભૂય, સર્વતથાગતાભિષેકાદીનિ સર્વતથાગતર્દ્ધિવિકુર્વિતાનિ સર્વલોકધાતુષુ કૃત્વા, સર્વાકાશધાતુગર્ભસુસંભવત્વાદ્વજ્રસત્ત્વસમાધેઃ સુદૃઢત્વાચ્ચૈકઘનઃ આકાશગર્ભમહાબોધિસત્ત્વકાયઃ સંભૂય, ભગવતો વૈરોચનસ્ય હૃદયે સ્થિત્વેદમુદાનમુદાનયામાસ ।
અહો હિ સ્વભિષેકો ઽહં વજ્રરત્નમનુત્તરં ।
યન્નિઃસંગા અપિ જિનાસ્ત્રિધાતુપતયઃ સ્મૃતાઃ ॥
અથ સ આકાશગર્ભમહાબોધિસત્ત્વકાયો ભગવતો હૃદયાદવતીર્ય, સર્વતથાગતાનાં પુરતશ્ચન્દ્રમણ્ડલાશ્રિતો ભૂત્વા, પુનરપ્યાજ્ઞાં માર્ગયામાસ ॥
અથ ભગવાન્ સર્વતથાગતમણિરત્નવજ્રન્નામ સમાધિં સમાપદ્ય, સર્વતથાગતાભિપ્રાયપરિપૂર્ણસમયમશેષાનવશેષસત્ત્વધાતુસર્વાર્થપરિપ્રાપ્તિસર્વસુખસૌમનસ્યાનુભવનાર્થં યાવત્ સર્વતથાગતાર્થસંપદુત્તમસિદ્ધિપ્રાપ્ત્યૈ તં વજ્રમણિં તસ્મૈ આકાશગર્ભાય મહાબોધિસત્ત્વાય વજ્રરત્નચક્રવર્તિત્વે વજ્રરત્નાઙ્કુરાભિષેકેણાભિષિચ્ય પાણિભ્યામનુપ્રાદાત્ । તતઃ સર્વતથાગતૈર્વજ્રગર્ભો વજ્રગર્ભ ઇતિ વજ્રનામાભિષેકેણાભિષિક્તઃ ।
અથ વજ્રગર્ભો મહાબોધિસત્ત્વસ્તં વજ્રમણિં સ્વાભિષેકસ્થાને સ્થાપયન્નિદમુદાનમુદાનયામાસ ।
ઇદં તત્ સર્વબુદ્ધાનાં સત્ત્વધાત્વભિષેચનં ।
અહમ્મમ કરે દત્તં રત્ને રત્નન્નિયોજિતં ॥
ઇ.1.11 વજ્રતેજ
અથ ભગવાન્ પુનરપિ મહાતેજમહાબોધિસત્ત્વસમયસંભવરત્નાધિષ્ઠાનવજ્રન્નામ સમાધિં સમાપદ્યદં સર્વતથાગતરશ્મિસમયન્નામ સર્વતથાગતહૃદયં સ્વહૃદયાન્નિશ્ચચાર વજ્રતેજ ॥
અથાસ્મિન્ વિનિઃસૃતમાત્રે સર્વતથાગતહૃદયેભ્યઃ સ એવ ભગવાન્ વજ્રપાણિઃ મહાસૂર્યમણ્ડલાનિ ભૂત્વા, ભગવતો વૈરોચનસ્ય હૃદયે પ્રવિષ્ટ્વૈકઘનો વજ્રસૂર્યવિગ્રહઃ પ્રાદુર્ભૂય, ભગવતઃ પાણૌ પ્રતિષ્ઠિતઃ । અથ તતો વજ્રસૂર્યમણ્ડલાત્સર્વલોકધાતુપરમાણુરજઃસમાઃ તથાગતવિગ્રહા વિનિઃસૃત્ય, સર્વતથાગતરશ્મિપ્રમુઞ્ચનાદીનિ સર્વતથાગતર્દ્ધિવિકુર્વિતાનિ કૃત્વા, સુમહાતેજસ્ત્વાદ્ વજ્રસત્ત્વસમાધેઃ સુદૃઢત્વાચ્ચૈકઘનો મહાતેજમહાબોધિસત્ત્વકાયઃ સંભૂય, ભગવતો વૈરોચનસ્ય હૃદયે સ્થિત્વેદમુદાનમુદાનયામાસ ।
અહો હ્યનુપમં તેજઃ સત્ત્વધાત્વવભાસનં ।
યચ્છોધયતિ શુદ્ધાનાં બુદ્ધાનામપિ તાયિનાં ।
અથ સ વિમલતેજમહાબોધિસત્ત્વકાયો ભગવતો હૃદયાદવતીર્ય, સર્વતથાગતાનાં દક્ષિણચન્દ્રમણ્ડલાશ્રિતો ભૂત્વા, પુનરપ્યાજ્ઞાં માર્ગયામાસ ॥
અથ ભગવાન્ સર્વતથાગતપ્રભામણ્ડલાધિષ્ઠાનવજ્રન્નામ સમાધિં સમાપદ્ય, સર્વતથાગતરશ્મિસમયમશેષાનવશેષસત્ત્વધાત્વનુપમતેજઃસર્વસુખસૌમનસ્યાનુભવનાર્થં યાવત્સર્વતથાગતસ્વયંપ્રભાવાપ્ત્યુત્તમસિદ્ધયે તદ્વજ્રસૂર્યં તસ્મૈ મહાતેજસે મહાબોધિસત્ત્વાય તથૈવ પાણિભ્યામનુપ્રાદાત્ । તતઃ સર્વતથાગતૈર્વજ્રપ્રભો વજ્રપ્રભ ઇતિ વજ્રનામાભિષેકેણાભિષિક્તઃ ॥
અથ વજ્રપ્રભો મહાબોધિસત્ત્વસ્તેન વજ્રસૂર્યેણ સર્વતથાગતાનવભાસયન્નિદમુદાનમુદાનયામાસ ।
ઇદં તત્સર્વબુદ્ધાનામજ્ઞાનધ્વાન્તનાશનં । પરમાણુરજઃસંખ્યસૂર્યાધિકતરપ્રભમ્ ॥ ઇતિ ॥
ઇ.1.12 વજ્રકેતુ
અથ ભગવાન્ પુનરપિ રત્નકેતુમહાબોધિસત્ત્વસમયસંભવરત્નાધિષ્ઠાનવજ્રન્નામ સમાધિં સમાપદ્યેદં સર્વતથાગતાશાપરિપૂરણસમયન્નામ સર્વતથાગતહૃદયં સ્વહૃદયાન્નિશ્ચચાર વજ્રકેતુ ॥
અથાસ્મિન્ વિનિઃસૃતમાત્રે સર્વતથાગતહૃદયેભ્યઃ સ એવ ભગવાન્ વજ્રધરો વિચિત્રવર્ણરૂપાલઙ્કારસંસ્થાનાઃ પતાકા ભૂત્વા વિનિઃસૃત્ય, ભગવતો વૈરોચનસ્ય હૃદયે પ્રવિષ્ટ્વૈકઘનો વજ્રધ્વજવિગ્રહઃ પ્રાદુર્ભૂય, ભગવતઃ પાણૌ પ્રતિષ્ઠિતઃ । અથ તતો વજ્રધ્વજવિગ્રહાત્ સર્વલોકધાતુપરમાણુરજઃસમાસ્તથાગતવિગ્રહા વિનિશ્ચરિત્વા, સર્વતથાગતરત્નધ્વજોચ્છ્રેપણાદીનિ સર્વબુદ્ધર્દ્ધિવિકુર્વિતાનિ કૃત્વા, મહારત્નકેતુત્વાદ્ વજ્રસત્ત્વસમાધેઃ સદૃઢત્વાચ્ચૈકઘનો રત્નકેતુમહાબોધિસત્ત્વકાયઃ સંભૂય, ભગવતો વૈરોચનસ્ય તથાગતસ્ય હૃદયે સ્થિત્વેદમુદાનમુદાનયામાસ ।
અહો હ્યસદૃશઃ કેતુરહં સર્વાર્થસિદ્ધીનાં ।
યત્સર્વાશાપરિપૂર્ણાનાં સર્વાર્થપ્રતિપૂરણં ॥ ઇતિ ॥
અથ સ રત્નકેતુર્મહાબોધિસત્ત્વકાયો ભગવતો હૃદયાદવતીર્ય, સર્વતથાગતાનાં વામચન્દ્રમણ્ડલાશ્રિતો ભૂત્વા, પુનરપ્યાજ્ઞાં માર્ગયામાસ ॥
અથ ભગવાન્ સર્વતથાગતોચ્છ્રયાધિષ્ઠાનવજ્રન્નામ સમાધિં સમાપદ્ય, સર્વતથાગતચિન્તારાજમણિધ્વજોચ્છ્રેપણસમયમશેષાનવશેષસત્ત્વધાતુસર્વાશાપરિપૂરિસર્વસુખસૌમનસ્યાનુભવનાર્થં યાવત્ સર્વતથાગતમહાર્થોત્તમસિદ્ધિપ્રાપ્તિફલહેતોઃ તદ્વજ્રધ્વજં તસ્મૈ રત્નકેતવે મહાબોધિસત્ત્વાય તથૈવ પાણિભ્યામનુપ્રાદાત્ । તતઃ સર્વતથાગતૈર્વજ્રયષ્ટિર્વજ્રયષ્ટિરિતિ વજ્રનામભિષેકેણાભિષિક્તઃ ।
અથ વજ્રયષ્ટિર્બોધિસત્ત્વો મહાસત્ત્વસ્તેન વજ્રધ્વજેન સર્વતથાગતાન્ દાનપારમિતાયાન્નિયોજયન્નિદમુદાનમુદાનયામાસ ।
ઇદં તત્સર્વબુદ્ધાનાં સર્વાશાપપરિપૂરણં ।
ચિન્તામણિધ્વજન્નામ દાનપારમિતાનયમ્ ॥ ઇતિ ॥
ઇ.1.13 વજ્રહસ
અથ ભગવાન્ પુનરપિ નિત્યપ્રીતિપ્રમુદિતેન્દ્રિયમહાબોધિસત્ત્વસમયસંભવરત્નાધિષ્ઠાનવજ્રન્નામ સમાધિં સમાપદ્યેદં સર્વતથાગતપ્રીતિસમયન્નામ સર્વતથાગતહૃદયં સ્વહૃદયાન્નિશ્ચચાર વજ્રહાસ ॥
અથાસ્મિન્ વિનિઃસૃતમાત્રે સર્વતથાગતહૃદયેભ્યઃ સ એવ ભગવાન્ વજ્રધરઃ સર્વતથાગતસ્મિતાનિ ભૂત્વા વિનિઃસૃત્ય, ભગવતો વૈરોચનસ્ય હૃદયે પ્રવિષ્ટ્વૈકઘનો વજ્રસ્મિતવિગ્રહઃ પ્રાદુર્ભૂય, પ્રાણૌ પ્રતિષ્ઠિતઃ । અથ તતો વજ્રસ્મિતવિગ્રહાત્ સર્વલોકધાતુપરમાણુરજઃસમાસ્તથાગતવિગ્રહાઃ સર્વતથાગતાદ્ભૂતાદીનિ સર્વબુદ્ધર્દ્ધિવિકુર્વિતાનિ કૃત્વા, નિત્યપ્રીતિપ્રમુદિતેન્દ્રિયત્વાદ્ વજ્રસત્ત્વસમાધેઃ સુદૃઢત્વાચ્ચૈકઘનો નિત્યપ્રીતિપ્રમુદિતેન્દ્રિયમહાબોધિસત્ત્વકાયઃ સંભૂય, ભગવતો વૈરોચનસ્ય હૃદયે સ્થિત્વેદમુદાનમુદાનયામાસ ।

અહો મહાહાસમહં સર્વાગ્ર્યાણાં મહાદ્ભુતં ।
યત્પ્રયુઞ્જન્તિ બુદ્ધાર્થે સદૈવ સુસમાહિતાઃ ॥
અથ સ નિત્યપ્રીતિપ્રમુદિતેન્દ્રિયમહાબોધિસત્ત્વકાયો ભગવતો હૃદયાદવતીર્ય, સર્વતથાગતાનાં પૃષ્ઠતશ્ચન્દ્રમણ્ડલાશ્રિતો ભૂત્વા, પુનરપ્યાજ્ઞાં માર્ગયામાસ ॥
અથ ભગવાન્ સર્વતથાગતાદ્ભુતાધિષ્ઠાનવજ્રન્નામ સમાધિં સમાપદ્ય, સર્વતથાગતાદ્ભુતોત્પાદસમયમશેષાનવશેષસત્ત્વધાતુસર્વેન્દ્રિયાનુત્તરસુખસૌમનસ્યાનુભવનાર્થં યાવત્ સર્વતથાગતેન્દ્રિયપરિશોધનજ્ઞાનાભિજ્ઞાવાપ્તિફલહેતોસ્તદ્વજ્રસ્મિતં તસ્મૈ નિત્યપ્રીતિપ્રમુદિતેન્દ્રિયાય મહાબોધિસત્ત્વાય તથૈવ પાણિભ્યામનુપ્રાદાત્ । તતઃ સર્વતથાગતૈર્વજ્રપ્રીતિર્વજ્રપ્રીતિરિતિ વજ્રનામાભિષેકેણાભિષિક્તઃ ॥
અથ વજ્રપ્રીતિર્બોધિસત્ત્વો મહાસત્ત્વઃ તેન વજ્રસ્મિતેન સર્વતથાગતાન્ પ્રહર્ષયન્નિદમુદાનમુદાનયામાસ ।
ઇદન્તત્સર્વબુદ્ધાનામદ્ભુતોત્પાદદર્શકં ।
મહાહર્ષકરં જ્ઞાનમજ્ઞાતં પરશાસિભિર્ ॥ ઇતિ ॥
મહાભિષેકઃ, વ્યામપ્રભામણ્ડલં, મહાસત્ત્વાર્થો, મહાહર્ષશ્ચેતિ । સર્વતથાગતમહાભિષેકસત્ત્વાઃ ॥
ઇ.1.14 વજ્રધર્મ
અથ ભગવાન્ પુનરપ્યવલોકિતેશ્વરમહાબોધિસત્ત્વસમયસંભવધર્માધિષ્ઠાનવજ્રન્નામ સમાધિં સમાપદ્યેદં સર્વતથાગધર્મસમયન્નામ સર્વતથાગતહૃદયં સ્વહૃદયાન્નિશ્ચચાર વજ્રધર્મ ॥
અથાસ્મિન્ વિનિઃસૃતમાત્રે સર્વતથાગતહૃદયેભ્યઃ સ એવ ભગવાન્ વજ્રધરઃ સ્વભાવશુદ્ધધર્મસમતાજ્ઞાનસુપ્રતિવેધત્વાત્ વજ્રસત્ત્વસમાધેઃ સદ્ધર્મરશ્મયો ભૂત્વા વિનિશ્ચરિતઃ, તૈઃ સદ્ધર્મરશ્મિભિઃ સર્વલોકધાતવો ઽવભાસિતાઃ, ધર્મધાતુમયાઃ સંવૃતા અભૂવન્ । સ ચ સકલો ધર્મધાતુર્ભગવતો વરોચનસ્ય હૃદયે પ્રવિષ્ટ્વૈકઘનઃ સર્વાકાશધાતુસમવસરણપ્રમાણો મહાપદ્મવિગ્રહઃ પ્રાદુર્ભૂય, ભગવતઃ પાણૌ પ્રતિષ્ઠિતઃ । અથ તસ્માદ્ વજ્રપદ્મવિગ્રહાત્ સર્વલોકધાતુપરમાણુરજઃસમાસ્તથાગતવિગ્રહા વિનિઃસૃત્ય, સર્વતથાગતસમાધિજ્ઞાનાભિજ્ઞાદીનિ સર્વબુદ્ધર્દ્ધિવિકુર્વિતાનિ સર્વલોકધાતુષુ કૃત્વા, સ્વવલોકનૈસ્વર્યત્વાદ્ વજ્રસત્ત્વસમાધેઃ સુદૃઢત્વાચ્ચૈકઘનઃ અવલોકિતેશ્વરમહાબોધિસત્ત્વકાયઃસંભૂય, ભગવતો વૈરોચનસ્ય તથાગતસ્ય હૃદયે સ્થિત્વેદમુદાનમુદાનયામાસ ।
અહો હિ પરમાર્થો ઽહમાદિશુદ્ધઃ સ્વયંભુવાન્ ।
યત્કોલોપમધર્માણાં વિશુદ્ધિરુપલભ્યતે ॥
અથ સો ઽવલોકિતેશ્વરમહાબોધિસત્ત્વકાયો ભગવતો વૈરોચનસ્ય હૃદયાદવતીર્ય, સર્વતથાગતાનાં પુરતશ્ચન્દ્રમણ્ડલાશ્રિતો ભૂત્વા, પુનરપ્યાજ્ઞાં માર્ગયામાસ ॥
અથ ભગવાન્ સર્વતથાગતસમાધિજ્ઞાનસમયવજ્રન્નામ સમાધિં સમાપદ્ય, સર્વતથાગતવિશોધનસમયમશેષાનવશેષસત્ત્વાત્મપરિશુદ્ધિસર્વસુખસૌમનસ્યાનુભવનાર્થં યાવત્ સર્વતથાગતધર્મજ્ઞાનાભિજ્ઞાવાપ્તિફલહેતોસ્તદ્વજ્રપદ્મં તસ્મ અવલોકિતેશ્વરાય મહાબોધિસત્ત્વાય સદ્ધર્મચક્રવર્તિત્વે સર્વતથાગતધર્મકાયાભિષેકેણાભિષિચ્ય, પાણિભ્યામનુપ્રાદાત્ । તતઃ સર્વતથાગતર્વજ્રનેત્રો વજ્રનેત્ર ઇતિ વજ્રનામાભિષેકેણાભિષિક્તઃ ॥
અથ વજ્રનેત્રો બોધિસત્ત્વો મહાસત્ત્વઃ તદ્વજ્રપદ્મં પત્રવિકાસનતયા રાગવિશુદ્ધિનિર્લેપસ્વભાવાવલોકનતથાવલોકયન્નિદમુદાનમુદાનયામાસ ।
ઇદં તત્સર્વબુદ્ધાનાં રાગતત્ત્વાવબોધનં ।
અહં મમ કરે દત્તં ધર્મ ધર્મે પ્રતિષ્ઠિતમ્ ॥ ઇતિ ॥
ઇ.1.15 વજ્રતિક્સ્ન
અથ ભગવાન્ પુનરપિ મઞ્જુશ્રીમહાબોધિસત્ત્વસમયસંભવધર્માધિષ્ઠાનવજ્રં નામ સમાધિં સમાપદ્યદં સર્વતથાગતમહાપ્રજ્ઞાજ્ઞાનસમયન્નામ સર્વતથાગતહૃદયં સ્વહૃદયાન્નિશ્ચચાર વજ્રતીક્ષ્ણ ॥
અથાસ્મિન્ વિનિઃસૃતમાત્રે સર્વતથાગતહૃદયેભ્યઃ સ એવ ભગવાન્ વજ્રધરઃ પ્રજ્ઞાશસ્ત્રાણિ ભૂત્વા વિનિઃસૃત્ય, ભગવતો વૈરોચનસ્ય હૃદયે પ્રવિષ્ટ્વૈકધનો વજ્રકોશવિગ્રહઃ પ્રાદુર્ભૂય, ભગવતઃ પાણૌ પ્રતિષ્ઠિતઃ । અથ તતો વજ્રકોશવિગ્રહાત્ સર્વલોકધાતુપરમાણુરજઃસમાસ્તથાગતવિગ્રહા વિનિશ્ચરિત્વા, સર્વતથાગતપ્રજ્ઞાજ્ઞાનાદીનિ સર્વબુદ્ધર્દ્ધિવિકુર્વિતાનિ કૃત્વા, સુમઞ્જુશ્રિયત્વાત્ વજ્રસત્ત્વસમાધેઃ સુદૃઢત્વાચ્ચૈકઘનો મઞ્જુશ્રીમહાબોધિસત્ત્વકાયઃ સંભૂય, ભગવતો વૈરોચનસ્ય હૃદયે સ્થિત્વેદમુદાનમુદાનયામાસ ॥
અહો હિ સર્વબુદ્ધાનાં મઞ્જુઘોષમહં સ્મૃતઃ ।
યત્પ્રજ્ઞાયા અરૂપિણ્યા ઘોષત્વમુપલભ્યતે ॥
અથ સ મઞ્જુશ્રીમહાબોધિસત્ત્વકાયો ભગવતો હૃદયાદવતીર્ય, સર્વતથાગતાનાં દક્ષિણચન્દ્રમણ્ડલાશ્રિતો ભૂત્વા, પુનરપ્યાજ્ઞાં માર્ગયામાસ ॥
અથ ભગવાન્ સર્વતથાગતપ્રજ્ઞાજ્ઞાનવજ્રં નામ સમાધિં સમાપદ્ય, સર્વતથાગતક્લેશચ્છેદનસમયમશેષાનવશેષસત્ત્વધાતુસર્વદુઃખચ્છેદનસર્વસુખસૌમનસ્યાનુભવનાર્થં યાવત્ સર્વતથાગતઘોષાનુગપ્રજ્ઞાપારિર્પૂર્યુત્તમસિદ્ધ્યર્થં તસ્મૈ મઞ્જુશ્રિયે મહાબોધિસત્ત્વાય તદ્વજ્રકોશં તથૈવ પાણિભ્યામનુપ્રાદાત્ । તતઃ સર્વતથાગતૈર્વજ્રબુદ્ધિર્વજ્રબુદ્ધિરિતિ વજ્રનામાભિષેકેણાભિષિક્તઃ ॥ અથ સ વજ્રબુદ્ધિર્બોધિસત્ત્વો મહાસત્ત્વઃ તેન વજ્રકોશેન સર્વતથાગતાન્ પ્રહરન્નિદમુદાનમુદાનયામાસ ।
ઇદં તત્સર્વબુદ્ધાનાં પ્રજ્ઞાપારમિતાનયં ।
છેત્તારં સર્વશત્રૂણાં સર્વપાપહરં પરમ્ ॥ ઇતિ ॥
ઇ.1.16 વજ્રહેતુ
અથ ભગવાન્ પુનરપિ સહચિત્તોત્પાદિતધર્મચક્રપ્રવર્તિમહાબોધિસત્ત્વસમયસંભવધર્માધિષ્ઠાનવજ્રં નામ સમાધિં સમાપદ્યેદં સર્વતથાગતચક્રસમયન્નામ સર્વતથાગતહૃદયં સ્વહૃદયાન્નિશ્ચચાર વજ્રહેતુ ॥
અથાસ્મિન્ વિનિઃસૃતમાત્રે સર્વતથાગતહૃદયેભ્યઃ સ એવ ભગવાન્ વજ્રધરો વજ્રધાતુમહામણ્ડલાદીનિ સર્વતથાગતમણ્ડલાનિ ભૂત્વા વિનિઃસૃત્ય, ભગવતો વૈરોચનસ્ય હૃદયે પ્રવિષ્ટ્વૈકઘનો વજ્રચક્રવિગ્રહઃ પ્રાદુર્ભૂય, ભગવતઃ પાણૌ પ્રતિષ્ઠિતઃ । અથ તતો વજ્રચક્રવિગ્રહાત્ સર્વલોકધાતુપરમાણુરજઃસમાઃ તથાગતવિગ્રહા વિનિશ્ચરિત્વા, સહચિત્તોત્પાદધર્મચક્રપ્રવર્તનાદીનિ સર્વબુદ્ધર્દ્ધિવિકુર્વિતાનિ સર્વલોકધાતુષુ કૃત્વા, સહચિત્તોત્પાદધર્મચક્રપ્રવર્તનત્વાદ્ વજ્રસત્ત્વસમાધેઃ સુદૃઢત્વાચ્ચૈકઘનઃ સહચિત્તોત્પાદિતધર્મચક્રપ્રવર્તિમહાબોધિસત્ત્વકાયઃ સંભૂય, ભગવતો વૈરોચનસ્ય હૃદયે સ્થિત્વેદમુદાનમુદાનયામાસ ।
અહો વજ્રમયં ચક્રમહં વજ્રાગ્રધર્મિણામ્ ।
યચ્ચિત્તોત્પાદમાત્રેણ ધર્મચક્રં પ્રવર્તતે ॥
અથ સ સહચિત્તોત્પાદિતધર્મચક્રપ્રવર્તિમહાબોધિસત્ત્વકાયો ભગવતો હૃદયાદવતીર્ય, સર્વતથાગતાનાં વામચન્દ્રમણ્ડલાશ્રિતો ભૂત્વા, પુનરપ્યાજ્ઞાં માર્ગયામાસ ॥

અથ ભગવાન્ સર્વતથાગતચક્રવજ્રન્નામ સમાધિં સમાપદ્ય, સર્વતથાગતમહામણ્ડલસમયં શેષાનવશેષસત્ત્વધાતુપ્રવેશાવૈવર્તિકચક્રસર્વસુખસૌમનસ્યાનુભવનાર્થં યાવત્ સર્વતથાગતસદ્ધર્મચક્રપ્રવર્તનોત્તમસિદ્ધિનિમિત્તં તદ્વજ્રચક્રં તસ્મૈ સહચિત્તોત્પાદિતધર્મચક્રપ્રવર્તિને મહાબોધિસત્ત્વાય તથૈવ પાણિભ્યામનુપ્રાદાત્ । તતઃ સર્વતથાગતૈર્વજ્રમણ્ડો વજ્રમણ્ડ ઇતિ વજ્રનામાભિષેકેણાભિષિક્તઃ ॥
અથ વજ્રમણ્ડો બોધિસત્ત્વો સહાસત્ત્વસ્તેન વજ્રચક્રેણ સર્વતથાગતાનવૈવર્તિકત્વે પ્રતિષ્ઠાપયન્નિદમુદાનમુદાનયામાસ ।
ઇદં તત્ સર્વબુદ્ધાનાં સર્વધર્મવિશોધકમ્ ।
અવૈવર્તિકચક્રન્તુ બોધિમણ્ડમિતિ સ્મૃતમ્ ॥ ઇતિ ॥
ઇ.1.17 વજ્રભસ
અથ ભગવાનવાચમહાબોધિસત્ત્વસમયસંભવધર્માધિષ્ઠાનવજ્રન્નામ સમાધિં સમાપદ્યેદં સર્વતથાગતજાપસમયં નામ સર્વતથાગતહૃદયં સ્વહૃદયાન્નિશ્ચચાર વજ્રભાષ ॥
અથાસ્મિન્ વિનિઃસૃતમાત્રે સર્વતથાગતહૃદયેભ્યઃ સ એવ ભગવાન્ વજ્રપાણિઃ સર્વતથાગતધર્માક્ષરાણિ ભૂત્વા વિનિઃ સૃત્ય, ભગવતો વૈરોચનસ્ય હૃદયે પ્રવિષ્ટ્વૈકધનો વજ્રજાપવિગ્રહઃ પ્રાદુર્ભૂય, ભગવતઃ પાણૌ પ્રતિષ્ઠિતઃ । અથ તતો વજ્રજાપવિગ્રહાત્સર્વલોકધાતુપરમાણુરજઃસમાસ્તથાગતવિગ્રહા વિનિઃસૃત્ય, સર્વતથાગતધર્મતાદિનિ સર્વબુદ્ધર્દ્ધિવિકુર્વિતાનિ કૃત્વા સ્વવાચત્વાદ્ વજ્રસત્ત્વસમાધેઃ સુદૃઢત્વાચ્ચૈકઘનઃ અવાચમહાબોધિસત્ત્વકાયઃ સંભૂય, ભગવતો વૈરોચનસ્ય હૃદયે સ્થિત્વેદમુદાનયામાસ ।
અહો સ્વયંભુવાં ગુહ્યં સન્ધાભાષમહં સ્મૃતઃ ।
યદ્ દેશયન્તિ સદ્ધર્મં વાક્પ્રપઞ્ચવિવર્જિતં ॥
અથ સ અવાચમહાબોધિસત્ત્વકાયો ભગવતો હૃદયાદવતીર્ય, સર્વતથાગતાનાં પૃષ્ઠતશ્ચન્દ્રમણ્ડલાશ્રિતો ભૂત્વા, પુનરપ્યાજ્ઞાં માર્ગયામાસ ।
અથ ભગવાન્ સર્વતથાગતગુહ્યવાગ્વજ્રં નામ સમાધિં સમાપદ્ય, સર્વતથાગતવાગ્જ્ઞાનસમયં અશેષાનવશેષસત્ત્વધાતુવાક્સિદ્ધિસર્વસુખસૌમનસ્યાનુભવનાર્થં યાવત્સર્વતથાગતવાગ્ગુહ્યતાપ્રાપ્ત્યુત્તમસિદ્ધયે તદ્વજ્રજાપં તસ્મૈ અવાચાય મહાબોધિસત્ત્વાય તથૈવ પાણિભ્યામનુપ્રાદાત્ । તતઃ સર્વતથાગતૈર્વજ્રવાચો વજ્રવાચ ઇતિ વજ્રનામાભિષેકેણાભિષિક્તઃ ॥
અથ વજ્રવાચો બોધિસત્ત્વો મહાસત્ત્વસ્તેન વજ્રજાપેન સર્વતથાગતાન્ સંલ્લાપયન્નિદમુદાનમુદાનયામાસ ।
ઇદં તત્સર્વબુદ્ધાનાં વજ્રજાપમુદાહૃતં ।
સર્વતથાગતાનાં તુ મન્ત્રાણામાશુસાધનમ્ ॥ ઇતિ ॥
વજ્રધર્મતાજ્ઞાનં, સર્વતથાગતપ્રજ્ઞાજ્ઞાનં, મહાચક્રપ્રવર્તનજ્ઞાનં, સર્વતથાગતવાક્પ્રપઞ્ચવિનિવર્તનજ્ઞાનં ચેતિ । સર્વતથાગતમહાજ્ઞાનસત્ત્વાઃ ॥
ઇ.1.18 વજ્રકર્મ
અથ ભગવાન્ સર્વતથાગતવિશ્વકર્મમહાબોધિસત્ત્વસમયસંભવકર્માધિષ્ઠાનવજ્રં નામ સમાધિં સમાપદ્ય, ઇદં સર્વતથાગતકર્મસમયન્નામ સર્વતથાગતહૃદયં સ્વહૃદયાન્નિશ્ચચાર વજ્રકર્મ ॥
અથાસ્મિન્ વિનિઃસૃતમાત્રે સર્વતથાગતહૃદયેભ્યઃ સર્વકર્મસમતાજ્ઞાનસુપ્રતિવેધત્વાત્ વજ્રસત્ત્વસમાધેઃ સ એવ ભગવન્ વજ્રધરઃ સર્વતથાગતકર્મસમયો ભૂત્વા વિનિઃસૃતઃ, તૈશ્ચ સર્વતથાગતકર્મરશ્મિભિઃ સર્વલોકધાતવો ભાસિતાઃ, સર્વતથાગતકર્મધાતુમયાઃ સંવૃત્તાઃ, સ સકલઃ સર્વતથાગતકર્મધાતુર્ભગવતો વૈરોચનસ્ય હૃદયે પ્રવિષ્ટ્વૈકઘનઃ સર્વાકાશધાતુસમવસરણપ્રમાણસ્તતઃ સર્વતથાગતકર્મધાતુતઃ કર્મવજ્રવિગ્રહઃ પ્રાદુર્ભૂય, ભગવતઃ પાણૌ પ્રતિષ્ઠિતઃ । અથ તતઃ કર્મવજ્રવિગ્રહાત્ સર્વલોકધાતુપરમાણુરજઃસમાસ્તથાગતવિગ્રહા વિનિઃસૃત્ય, સર્વલોકધાતુષુ સર્વતથાગતકર્માદીનિ સર્વબુદ્ધર્દ્ધિવિકુર્વિતાનિ કૃત્વા, સર્વતથાગતાનન્તકર્મત્વાદ્વજ્રસત્ત્વસમાધેઃ સુદૃઢત્વાચ્ચૈકઘનઃ સર્વતથાગતવિશ્વકર્મમહાબોધિસત્ત્વકાયઃ સંભૂય, ભગવતો વૈરોચનસ્ય હૃદયે સ્થિત્વેદમુદાનમુદાનયામાસ ।
અહો હ્યમોઘં બુદ્ધાનાં સર્વકર્મમહં બહુ ।
યદનાભોગબુદ્ધાર્થં વજ્રકર્મ પ્રવર્તતે ॥
અથ સ સર્વતથાગતવિશ્વકર્મમહાબોધિસત્ત્વકાયો ભગવતો હૃદયાદવતીર્ય, સર્વતથાગતાનાં પુરતશ્ચન્દ્રમણ્ડલાશ્રિતો ભૂત્વા, પુનરપ્યાજ્ઞાં માર્ગયામાસ ॥
અથ ભગવાન્ સર્વતથાગતામોઘવજ્રં નામ સમાધિં સમાપદ્ય, સર્વતથાગતપૂજાપ્રવર્તનાદ્યપ્રમેયામોઘસર્વકર્મવિધિવિસ્તરસમયશેષાનવશેષસત્ત્વધાતુસર્વકર્મસિદ્ધિસર્વસુખસૌમનસ્યાનુભવનાર્થં યાવત્ સર્વતથાગતવજ્રકર્મતાજ્ઞાનાભિજ્ઞોત્તમસિદ્ધિફલહેતોસ્તત્કર્મવજ્રં તસ્મૈ સર્વતથાગતવિશ્વકર્મણે મહાબોધિસત્ત્વાય સર્વકર્મચક્રવર્તિત્વે સર્વતથાગતવજ્રાભિષેકેણાભિષિચ્ય, પાણિભ્યામનુપ્રાદાત્ । તતઃ સર્વતથાગતૈર્વજ્રવિશ્વો વજ્રવિશ્વ ઇતિ વજ્રમહાભિષેકેણાભિષિક્તઃ ।
અથ વજ્રવિશ્વો બોધિસત્ત્વો મહાસત્વસ્તદ્વજ્રં સ્વહૃદિ સ્થાપ્ય, સર્વતથાગતકર્મતાયાન્નિયોજયન્નિદમુદાનમુદાનયામાસ ।
ઇદં તત્સર્વબુદ્ધાનાં વિશ્વકર્મકરં પરં ।
અહં મમ કરે દત્તં વિશ્વે વિશ્વં નિયોજિતમ્ ॥ ઇતિ ॥
ઇ.1.19 વજ્રરક્સ
અથ ભગવાન્ દુર્યોધનવીર્યમહાબોધિસત્ત્વસમયસંભવકર્માધિષ્ઠાનવજ્રં નામ સમાધિં સમાપદ્યેદં સર્વતથાગતરક્ષાસમયન્નામ સર્વતથાગતહૃદયં સ્વહૃદયાન્નિશ્ચચાર વજ્રરક્ષ ॥
અથાસ્મિન્ વિનિઃસૃતમાત્રે સર્વતથાગતહૃદયેભ્યઃ સ એવ ભગવાન્ વજ્રપાણિર્દૃઢકવચાનિ ભૂત્વા વિનિઃસૃત્ય, ભગવતો વૈરોચનસ્ય હૃદયે પ્રવિષ્ટ્વૈકઘનો મહાવજ્રકવચવિગ્રહઃ પ્રાદુર્ભૂય, ભગવતઃ પાણૌ પ્રતિષ્ઠિતઃ । અથ તતો વજ્રકવચવિગ્રહાત્સર્વલોકધાતુપરમાણુરજઃસમાસ્તથાગતવિગ્રહા વિનિઃસૃત્ય, સર્વતથાગતરક્ષાવિધિવિસ્તરકર્માદીનિ સર્વબુદ્ધર્દ્ધિવિકુર્વિતાનિ કૃત્વા, દુર્યોધનવીર્યત્વાદ્ વજ્રસત્ત્વસમાધેઃ સુદૃઢત્વાચ્ચૈકઘનો દુર્યોધનવીર્યમહાબોધિસત્ત્વવિગ્રહઃ સંભૂય, ભગવતો વૈરોચનસ્ય હૃદયે સ્થિત્વેદમુદાનમુદાનયામાસ ।
અહો વીર્યમયો વર્મઃ સુદૃઢો ઽહં દૃઢાત્મનાં ।
યદ્ દૃઢત્વાદકાયાનાં વજ્રકાયકરં પરં ॥
અથ સ દુર્યોધનવીર્યમહાબોધિસત્ત્વકાયો ભગવતો હૃદયાદવતીર્ય, સર્વતથાગતાનાં દક્ષિણચન્દ્રમણ્ડલાશ્રિતો ભૂત્ત્વા, પુનરપ્યાજ્ઞાં માર્ગયામાસ ॥
અથ ભગવાન્ સર્વતથાગતદૃઢવજ્રન્નામ સમાધિં સમાપદ્ય, સર્વતથાગતવીર્યપારમિતાસમયમશેષાનવશેષસત્ત્વધાતુપરિત્રાણસર્વસુખસૌમનસ્યાનુભવનાર્થં યાવત્સર્વતથાગતવજ્રકાયપ્રાપ્ત્યુત્તમસિદ્ધિહેતોસ્તદ્વજ્રવર્મ તસ્મૈ દુર્યોધનવીર્યાય મહાબોધિસત્ત્વાય પાણિભ્યામનુપ્રાદાત્ । તતઃ સર્વતથાગતૈર્વજ્રમિત્રો વજ્રમિત્ર ઇતિ વજ્રનામાભિષેકેણાભિષિક્તઃ ॥
અથ વજ્રમિત્રો બોધિસત્ત્વો મહાસત્ત્વઃ તેન વજ્રવર્મેણ સર્વતથાગતાન્ કવચયન્નિદમુદાનમુદાનયામાસ ।
ઇદં તત્સર્વબુદ્ધાનાં મૈત્રીકવચમુત્તમં ।

દૃઢવીર્યમહારક્ષં મહામિત્રમુદાહૃતમ ॥ ઇતિ ॥
ઇ.1.20 વજ્રયક્સ
અથ ભગવાન્ પુનરપિ સર્વમારપ્રમાર્દેમહાબોધિસત્ત્વસમયસંભવકર્માધિષ્ઠાનવજ્રન્નામ સમાધિં સમાપદ્યેદં સર્વતથાગતોપાયસમયં નામ સર્વતથાગતહૃદયં સ્વહૃદયાન્નિશ્ચચાર વજ્રયક્ષ ॥
અથાસ્મિન્ વિનિઃસૃતમાત્રે સર્વતથાગતહૃદયેભ્યઃ સ એવ ભગવાન્ વજ્રધરો મહાદંષ્ટ્રાયુધાનિ ભૂત્વા વિનિઃસૃત્ય, ભગવતો વૈરોચનસ્ય હૃદયે પ્રવિષ્ટ્વૈકઘનો વજ્રદંષ્ટ્રાવિગ્રહઃ પ્રાદુર્ભૂય, પાણૌ પ્રતિષ્ઠિતઃ । અથ તતો વજ્રદંષ્ટ્રાવિગ્રહાત્ સર્વલોકધાતુપરમાણુરજઃસમાસ્તથાગતવિગ્રહા વિનિશ્ચરિત્વા, સર્વતથાગતરૌદ્રવિનયાદીનિ સર્વબુદ્ધર્દ્ધિવિકુર્વિતાનિ કૃત્વા, સર્વમારસુપ્રમર્દિત્વાદ્ વજ્રસત્ત્વસમાધેઃ સુદૃઢત્વાચ્ચૈકઘનઃ સર્વમારપ્રમર્દિમહાબોધિસત્ત્વકાયઃ સંભૂય, ભગવતો વૈરોચનસ્ય હૃદયે સ્થિત્વેદમુદાનમુદાનયામાસ ॥
અહો મહોપાયમહં બુદ્ધાનાં કરુણાત્મનાં ।
યત્સત્ત્વાર્થતયા શાન્તા રૌદ્રત્વમપિ કુરુવતે ॥
અથ સ સર્વમારપ્રમર્દિમહાબોધિસત્ત્વકાયો ભગવતો હૃદયાદવતીર્ય, સર્વતથાગતાનાં વામચન્દ્રમણ્ડલાશ્રિતો ભૂત્વા, પુનરપ્યાજ્ઞાં માર્ગયામાસ ॥
અથ ભગવાન્ સર્વતથાગતપ્રચણ્ડવજ્રન્નામ સમાધિં સમાપદ્ય, સર્વતથાગતદુષ્ટવિનયસમયમશેષાનવશેષત્વધાત્વભયસર્વસુખસૌમનસ્યાનુભવનાર્થં યાવત્સર્વતથાગતમહોપાયજ્ઞાનાભિજ્ઞાવાપ્ત્યુત્તમસિદ્ધિફલહેતોસ્તદ્વજ્રદંષ્ટ્રાયુધં તસ્મૈ સર્વમારપ્રમર્દિને મહાબોધિસત્ત્વાય તથૈવ પાણિભ્યામનુપ્રાદાત્ । તતઃ સર્વતથાગતૈર્વજ્રચણ્ડો વજ્રચણ્ડ ઇતિ વજ્રનામાભિષેકેણાભિષિક્તઃ ॥
અથ વજ્રચણ્ડો બોધિસત્ત્વો મહાસત્ત્વસ્તદ્વજ્રદંષ્ટ્રાયુધં સ્વમુખે પ્રતિષ્ઠાપ્ય, સર્વતથાગતાન્ ભીષયન્નિદમુદાનમુદાનયામાસ ।
ઇદં તત્ સર્વબુદ્ધાનાં સર્વદુષ્ટાગ્રદામકં ।
વજ્રદંષ્ટ્રાયુધં તીક્ષ્ણમુપાયઃ કરૂણાત્મનામ્ ॥ ઇતિ ॥
ઇ.1.21 વજ્રસન્ધિ
અથ ભગવાન્ પુનરપિ સર્વતથાગતમુષ્ટિમહાબોધિસત્ત્વસમયસંભવકર્માધિષ્ઠાનવજ્રં નામ સમાધિં સમાપદ્યદં સર્વતથાગતકાયવાક્ચિત્તવજ્રબન્ધસમયન્નામ સર્વતથાગતહૃદયં સ્વહૃદયાન્નિશ્ચચાર વજ્રસન્ધિ ॥
અથાસ્મિન્ વિનિઃસૃતમાત્રે સર્વતથાગતહૃદયેભ્યઃ સ એવ ભગવાન્ વજ્રધરઃ સર્વતથાગતસર્વમુદ્રાબન્ધા ભૂત્વા વિનિઃસૃત્ય, ભગવતો વૈરોચનસ્ય હૃદયે પ્રવિષ્ટ્વૈકઘનો વજ્રબન્ધવિગ્રહઃ પ્રાદુર્ભૂય, પાણૌ પ્રતિષ્ઠિતઃ । અથ તતો વજ્રબન્ધવિગ્રહાત્ સર્વલોકધાતુપરમાણુરજઃસમાસ્તથાગતવિગ્રહા વિનિશ્ચરિત્વા, સર્વલોકધાતુષુ સર્વતથાગતમુદ્રાજ્ઞાનાદીનિ સર્વબુદ્ધર્દ્ધિવિકુર્વિતાનિ કૃત્વા, સર્વતથાગતમહામુષ્ટિસુબન્ધત્વાદ્ વજ્રસત્ત્વસમાધેઃ સુદૃઢત્વાચ્ચૈકઘનઃ સર્વતથાગતમુષ્ટિમહાબોધિસત્ત્વકાયઃ સંભૂય, ભગવતો વૈરોચનસ્ય હૃદયે સ્થિત્વેદમુદાનમુદાનયામાસ ।
અહો હિ સુદૃઢો બન્ધઃ સમયો ઽહં દૃઢાત્મનાં ।
યત્સર્વાશાપ્રસિદ્ધ્યર્થં મુક્તાનામપિ બન્ધનં ॥
અથ સર્વતથાગતમુષ્ટિમહાબોધિસત્ત્વકાયો ભગવતો હૃદયાદવતીર્ય, સર્વતથાગતાનાં પૃષ્ઠતશ્ચન્દ્રમણ્ડલાશ્રિતો ભૂત્વા, પુનરપ્યાજ્ઞાં માર્ગયામાસ ॥
અથ ભગવાન્ સર્વતથાગતસમયવજ્રન્નામ સમાધિં સમાપદ્ય, સર્વતથાગતમુદ્રાબન્ધસમયમશેષાનવશેષસત્ત્વધાતુસર્વતથાગતદેવતાસાન્નિધ્યકલ્પનાત્ સર્વસિદ્ધિસુખસૌમનસ્યાનુભવનાર્થં યાવત્સર્વતથાગતસર્વજ્ઞાનમુદ્રાધિપત્યોત્તમસિદ્ધિફલહેતોસ્તદ્વજ્રબન્ધં તસ્મૈ સર્વતથાગતમુષ્ટયે મહાબોધિસત્ત્વાય તથૈવ પાણિભ્યામનુપ્રાદાત્ । તતઃ સર્વતથાગતૈર્વજ્રમુષ્ટિર્વજ્રમુષ્ટિરિતિ વજ્રનામાભિષેકેણાભિષિક્તઃ ॥
અથ સ વજ્રમુષ્ટિર્બોધિસત્ત્વો મહાસત્ત્વઃ તેન વજ્રબન્ધેન સર્વતથાગતાન્ બન્ધયન્નિદમુદાનમુદાનયામાસ ।
ઇદં તત્સર્વબુદ્ધાનાં મુદ્રાબન્ધં મહાદૃઢં ।
યત્સર્વબુદ્ધાશુસિદ્ધ્યર્થં સમયો દુરતિક્રમઃ ॥ ઇતિ ॥
સર્વતથાગતપૂજાવિધિવિસ્તરકર્મ, મહાવીર્યદૃઢકવચઃ, સર્વતથાગતમહોપાયઃ, સર્વમુદ્રાજ્ઞાનં ચેતિ । સર્વતથાગતમહાકર્મસત્ત્વાઃ ॥
ઇ.1.22 સત્ત્વવજ્રિ
અથ ખલ્વક્ષોભ્યસ્તથાગતો ભગવતો વૈરોચનસ્ય તથાગતસ્ય સર્વતથાગતજ્ઞાનાનિ નિષ્પાદ્ય, સર્વતથાગતજ્ઞાનમુદ્રણાર્થં વજ્રાપારમિતાસમયોભ્દવવજ્રાધિષ્ઠાનં નામ સમાધિં સમાપદ્યેમાં સર્વતથાગતવજ્રસમયાં નામ સર્વતથાગતમુદ્રાં સ્વહૃદયાન્નિશ્ચચાર સત્ત્વવજ્રિ ॥
અથાસ્યાં વિનિઃસૃતમાત્રાયાં સર્વતથાગતહૃદયેભ્યો વજ્રરશ્મયો વિનિશ્ચરિતાઃ ।
તેભ્યશ્ચ વજ્રરશ્મિભ્યઃ સ એવ ભગવાન્ વજ્રધરઃ સર્વલોકધાતુપરમાણુરજઃસમાસ્તથાગતવિગ્રહા ભૂત્વા, સર્વતથાગતવજ્રપારમિતાજ્ઞાનાન્યામુદ્ર્ય, પુનરપ્યેકઘનઃ સર્વલોકધાતુસમવસરણપ્રમાણો મહાવજ્રવિગ્રહઃ પ્રાદુર્ભૂય, ભગવતોવૈરોચનસ્ય પુરતશ્ચન્દ્રમણ્ડલાશ્રિતો ભૂત્વા, ઇદમુદાનમુદાનયામાસ ।
અહો હિ સર્વબુદ્ધાનાં સત્ત્વવજ્રમહં દૃઢઃ ।
યદ્ દૃઢત્વાદકાયો ઽપિ વજ્રકાયત્વમાગતઃ ॥ ઇતિ ॥
ઇ.1.23 રત્નવજ્રિ
અથ ભગવાન્ રત્નસંભવસ્તથાગતઃ ભગવતો વૈરોચનસ્ય તથાગતસ્ય સર્વતથાગતજ્ઞાનમુદ્રણાર્થં રત્નપારમિતાસમયસંભવવજ્રાધિષ્ઠાનં નામ સમાધિં સમાપદ્યેમાં વજ્રરત્નસમયાં નામ સ્વમુદ્રાં સ્વહૃદયાન્નિશ્ચચાર રત્નવજ્રિ ॥
અથાસ્યાં વિનિઃસૃતમાત્રાયાં સર્વતથાગતહૃદયેભ્યો રત્નરશ્મયો વિનિશ્ચરિતાઃ । તેભ્યો રત્નરશ્મિભ્યઃ સ એવ ભગવાન્ વજ્રધરઃ સર્વલોકધાતુપરમાણુરજઃસમાસ્તથાગતવિગ્રહા ભૂત્વા, સર્વતથાગતજ્ઞાનાન્યામુદ્ર્ય, પુનરપ્યેકઘનઃ સર્વલોકધાતુસમવસરણપ્રમાણો મહાવજ્રરત્નવિગ્રહઃ પ્રાદુર્ભૂય, ભગવતો વૈરોચનસ્ય દક્ષિણપાર્શ્વે ચન્દ્રમણ્ડલાશ્રિતો ભૂત્વા, ઇદમુદાનમુદાનયામાસ ।
અહો હિ સર્વબુદ્ધાનાં રત્નવજ્રમહં સ્મૃતં ।
યન્મુદ્રાણાં હિ સર્વાસામભિષેકનયં દૃઢમ્ ॥ ઇતિ ॥
ઇ.1.24 ધરમવજ્રિ
અથ ભગવાન્ લોકેશ્વરરાજસ્તથાગતો ભગવતો વૈરોચનસ્ય તથાગતસ્ય સર્વતથાગતજ્ઞાનમુદ્રણાર્થં ધર્મપારમિતાસમયોદ્ભવવજ્રાધિષ્ઠાનં નામ સમાધિં સમાપદ્યેમાં ધર્મસમયાં નામ સ્વમુદ્રાં સ્વહૃદયાન્નિશ્ચચાર ધર્મ વજ્રિ ॥
અથાસ્યાં વિનિઃસૃતમાત્રાયાં સર્વતથાગતહૃદયેભ્યઃ પદ્મરશ્મયો વિનિશ્ચરિતાઃ । તેભ્યઃ પદ્મરશ્મિભ્યઃ સ એવ ભગવાન્ વજ્રધરઃ સર્વલોકધાતુપરમાણુરજઃસમાસ્તથાગતવિગ્રહા ભૂત્વા, સર્વતથાગતજ્ઞાનાન્યામુદ્ર્ય, પુનરપ્યેકઘનઃ સર્વલોકધાતુસમવસરણપ્રમાણો મહાવજ્રપદ્મવિગ્રહઃ પ્રાદુર્ભૂય, ભગવતો વૈરોચનસ્ય પૃષ્ઠતશ્ચન્દ્રમણ્ડલાશ્રિતો ભૂત્વેદમુદાનમુદાનયામાસ ।
અહો હિ સર્વબુદ્ધાનાં ધર્મવજ્રં અહં શુચિ ।
યત્સ્વભાવવિશુદ્ધ્યા વૈ રાગો ઽપિ હિ સુનિર્મલઃ ॥ ઇતિ ॥
ઇ.1.25 કર્મવજિરિ

અથ ભગવાનમોઘસિદ્ધિસ્તથાગતો ભગવતો વૈરોચનસ્ય તથાગતસ્ય સર્વતથાગતજ્ઞાનમુદ્રણાર્થં કર્મપારમિતાસંભવવજ્રાધિષ્ઠાનં નામ સમાધિં સમાપદ્યેમાં સર્વતથાગતકર્મસમયાં નામ સ્વમુદ્રાં સ્વહૃદયાન્નિશ્ચચાર કર્મવજ્રિ ॥
અથાસ્યાં વિનિઃસૃતમાત્રાયાં સર્વતથાગતહૃદયેભ્યઃ સર્વકર્મશ્મયો વિનિશ્ચરિતાઃ । તેભ્યશ્ચ સર્વતથાગતકર્મરશ્મિમભ્યઃ સ એવ ભગવાન્ વજ્રધરઃ સર્વલોકધાતુપરમાણુરજઃસમાસ્તથાગતવિગ્રહા ભૂત્વા, સર્વતથાગતજ્ઞાનાન્યમુદ્ર્ય, પુનરપ્યેકઘનઃ સર્વલોકધાતુસમવસરણપ્રમાણઃ સર્વતોમુખો મહાકર્મવજ્રવિગ્રહઃ પ્રાદુર્ભૂય, ભગવતો વૈરોચનસ્ય વામપાર્શ્વે ચન્દ્રમણ્ડલાશ્રિતો ભૂત્વા, ઇદમુદાનમુદાનયામાસ ॥
અહો હિ સર્વબુદ્ધાનાં કર્મવજ્રમહં બહુ ।
યદેકઃ સન્નશેષસ્ય સત્ત્વધાતોઃ સુકર્મકૃદ્ ॥ ઇતિ ॥
સર્વતથાગતજ્ઞાનસમયા, મહાભિષેકા, વજ્રધર્મતા, સર્વપૂજા ચેતિ । સર્વતથાગતપારમિતાઃ ॥
ઇ.1.26 વજ્રલસ્ય
અથ ભગવાન્ વૈરોચનઃ પુનરપિ સર્વતથાગતરતિપૂજાસમયસંભવવજ્રન્નામ સમાધિં સમાપદ્યેમાં સર્વતથાગતકુલમહાદેવીં સ્વહૃદયાન્નિશ્ચચાર વજ્રલાસ્યે ॥
અથાસ્યાં વિનિઃસૃતમાત્રાયાં સર્વતથાગતહૃદયેભ્યો વજ્રમુદ્રા વિનિઃસૃતાઃ । તેભ્યો વજ્રમુદ્રામુખભ્યઃ સ એવ ભગવાન્ વજ્રધરઃ સર્વલોકધાતુપરમાણુરજઃસમાસ્તથાગતવિગ્રહા ભૂત્વા, પુનરપ્યેકઘના મહાદેવી વજ્રસત્ત્વસદૃશાત્મભાવા વિચિત્રવર્ણરૂપલિઙ્ગેર્યાપથા સર્વાલઙ્કારવિભૂષિતા સર્વતથાગતકુલસંગ્રહભૂતા વજ્રસત્ત્વદયિતા સંભૂય, ભગવતો ઽક્ષોભ્યમણ્ડલવામપાર્શ્વે ચન્દ્રમણ્ડલાશ્રિતા ભૂત્વા, ઇદમુદાનમુદાનયામાસ ।
અહો ન સદૃશી મે ઽસ્તિ પૂજા હ્યન્યા સ્વયંભુવાં ।
યત્કામરતિપૂજાભિઃ સર્વપૂજા પ્રવર્તતે ॥ ઇતિ ॥
ઇ.1.27 વજ્રમલ
અથ ભગવાન્ પુનરપિ સર્વતથાગતરત્નમાલાભિષેકસમયોદ્ભવવજ્રન્નામ સમાધિં સમાપદ્ય માં સર્વતથાગતકુલમહાદેવીં સ્વહૃદયાન્નિશ્ચચાર વજ્રમાલે ।
અથાસ્યાં વિનિઃસૃતમાત્રાયાં સર્વતથાગતહૃદયેભ્યો મહારત્નમુદ્રા વિનિઃસૃતાઃ । તાભ્યો મહારત્નમુદ્રાભ્યઃ સ એવ ભગવાન્ વજ્રધરઃ સર્વલોકધાતુપરમાણુરજઃસમાસ્તથાગતવિગ્રહા ભૂત્વા, એકઘનાં વજ્રમાલાં મહાદેવીં તથૈવ સંભૂય, ભગવતો રત્નસંભવમણ્ડલવામપાર્શ્વે પૂર્ણચન્દ્રમણ્ડલાશ્રિતા ભૂત્વેદમુદાનમુદાનયામાસ ।
અહો હ્યસદૃશાહં વૈ રત્નપૂજેતિ કીર્તિતા ।
યત્ત્રૈધાતુકરાજ્યાગ્ર્યં શાસયન્તિ પ્રપૂજિતા ॥ ઇતિ ॥
ઇ.1.28 વજ્રગિત
અથ ભગવાન્ પુનરપિ સર્વતથાગતસંગીતિસમયસંભવવજ્રન્નામ સમાધિં સમાપદ્યેમાં સર્વતથાગતકુલમહાદેવીં સ્વહૃદયાન્નિશ્ચચાર વજ્રગીતે ॥
અથાસ્યાં વિનિઃસૃતમાત્રાયાં સર્વતથાગતહૃદયે ઽભ્યઃ સર્વતથાગતધર્મમુદ્રા વિનિશ્ચરિતાઃ । તાભ્યશ્ચ સર્વતથાગતધર્મમુદ્રાભ્યઃ સ એવ ભગવાન્ વજ્રધરઃ સર્વલોકધાતુપરમાણુરજઃસમાસ્તથાગતવિગ્રહા ભૂત્વા, પુનરપ્યેકઘનાં વજ્રગીતાં મહાદેવીં સંભૂય, ભગવતો લોકેશ્વરરાજમણ્ડલવામપાર્શ્વે ચન્દ્રમણ્ડલાશ્રિતા ભૂત્વેદમુદાનમુદાનયામાસ ।
અહો હિ સંગીતિમયી પૂજાહં સર્વદર્શિનાં ।
યત્ તોષયન્તિ પૂજાભિઃ પ્રતિશ્રુત્કોપમેષ્વપિ ॥ ઇતિ ॥
ઇ.1.29 વજ્રન્ર્ત્ય
અથ ભગવાન્ પુનરપિ સર્વતથાગતનૃત્યપૂજાસમયોદ્ભવવજ્રં નામ સમાધિં સમાપદ્યેમાં સર્વતથાગતકુલમહાદેવીં સ્વહૃદયાન્નિશ્ચચાર વજ્રનૃત્યે ।
અથાસ્મિન વિનિઃસૃતમાત્રાયાં સર્વતથાગતહૃદયેભ્યઃ સર્વતથાગતનૃત્યપૂજાવિધિવિસ્તરા ભૂત્વા વિનિઃસૃતાઃ । તેભ્યશ્ચ સર્વતથાગતસર્વનૃત્તપૂજાવિધિવિસ્તરેભ્યઃ સ એવ ભગવાન્ વજ્રધરઃ સર્વલોકધાતુપરમાણુરજઃસમાસ્તથાગતવિગ્રહા ભૂત્વા, પુનરપ્યેકઘનાં વજ્રનૃત્તમહાદેવીં સંભૂય, ભગવતો અમોઘસિદ્ધેસ્તથાગતસ્ય મણ્ડલવામપાર્શ્વે પૂર્ણચન્દ્રમણ્ડલાશ્રિતા ભૂત્વેદમુદાનમુદાનયામાસ ।
અહો હ્યુદારપૂજાહં સર્વપૂજાર્થકરિણાં ।
યદ્વજ્રનૃત્તવિધિના બુદ્ધપૂજા પ્રકલ્પ્યતે ॥ ઇતિ ॥
સર્વતથાગતાનુત્તરસુખસૌમનસ્યસમયા, સર્વતથાગતમાલા, સર્વતથાગતગાથા, સર્વતથાગતાનુત્તરપૂજાકર્મકરી ચેતિ । સર્વતથાગતગુહ્યપૂજાઃ ॥
ઇ.1.30 વજ્રધુપ
અથ પુનરપિ ભગવાન્ અક્ષોભ્યસ્તથાગતો ભગવતો વૈરોચનસ્ય તથાગતસ્ય પૂજાપ્રતિપૂજાર્થ સર્વતથાગતપ્રલ્હાદનસમયોદ્ભવવજ્રન્નામ સમાધિં સમાપદ્યેમાં સર્વતથાગતગણિકાં સ્વહૃદયાન્નિશ્ચચાર વજ્રધૂપે ॥
અથાસ્યાં વિનિઃસૃતમાત્રાયાં સર્વતથાગતહૃદયેભ્યઃ સ એવ ભગવાન્ વજ્રધરઃ અનેકવિધા ધૂપપૂજામેઘવ્યૂહાઃ સર્વવજ્રધાતુસ્ફરણા ભૂત્વા વિનિશ્ચરિતાઃ । તેભ્યશ્ચ ધૂપપૂજામેઘસમુદ્રેભ્યઃ સર્વલોકધાતુપરમાણુરજઃસમાસ્તથાગતવિગ્રહા વિનિઃસૃત્ય, પુનરપ્યેકઘનો વજ્રધૂપદેવતાકાયઃ સંભૂય, ભગવતો વજ્રમણિરત્નશિખરકૂટાગારસ્ય કોણે વામપાર્શ્વે ચન્દ્રમણ્ડલાશ્રિતા ભૂત્વેદમુદાનમુદાનયતિ સ્મ ।
અહો હ્યં મહાપૂજા પ્રલ્હાદનવતી શુભા ।
યત્સત્ત્વાવેશયોગાદ્ધિ ક્ષિપ્રં બોધિરવાપ્યતે ॥ ઇતિ ॥
ઇ.1.31 વજ્રપુસ્પ
અથ ભગવાન્ રત્નસંભવસ્તથાગતો ભગવતો વૈરોચનસ્ય તથાગતસ્ય પૂજાપ્રતિપૂજાર્થ રત્નાભરણપૂજાસમયસંભવવજ્રં નામ સમાધિં સમાપદ્યેમાં સર્વતથાગતપ્રતીહારીં સ્વહૃદયાન્નિશ્ચચાર વજ્રપુષ્પે ॥
અથાસ્યાં વિનિઃસૃતમાત્રાયાં સર્વતથાગતહૃદયેભ્યઃ સ એવ ભગવાન્ વજ્રધરઃ સર્વપુષ્પપૂજાવ્યૂહાઃ સર્વાકાશધાતુસ્ફરણા ભૂત્વા વિનિઃસૃતાસ્તેભ્યશ્ચ સર્વપુષ્પપૂજાવ્યૂહેભ્યઃ સર્વલોકધાતુપરમાણુરજઃસમાસ્તથાગતવિગ્રહા વિનિઃસૃત્ય, પુનરપ્યેકઘનો વજ્રપુષ્પદેવતાકાયઃ સંભૂય, ભગવતો વજ્રમણિરત્નશિખરકૂટાગારસ્ય વામકોણે ચન્દ્રમણ્ડલાશ્રિતા ભૂત્વેદમુદાનમુદાનયામાસ ।
અહો હિ પુષ્પપૂજાહં સર્વાલઙ્કારકારિકા ।
યત્તથાગતરત્નત્વં પૂજ્ય ક્ષિપ્રમવાપ્યતે ॥ ઇતિ ॥
ઇ.1.32 વજ્રલોક
અથ ભગવાન્ લોકેશ્વરરાજસ્તથાગતો ભગવતો વૈરોચનસ્ય તથાગતસ્ય પૂજાપ્રતિપૂજાર્થ સર્વતથાગતાલોકપૂજાસમયોદ્ભવવજ્રં નામ સમાધિં સમાપદ્યેમાં સર્વતથાગતદૂતીં સ્વહૃદયાન્નિશ્ચચાર વજ્રાલોકે ।
અથાસ્યાં વિનિઃસૃતમાત્રાયાં સર્વતથાગતહૃદયેભ્યઃ સ એવ ભગવાન્ વજ્રધરઃ સર્વાલોકપૂજાવ્યૂહાઃ સકલધર્મધાતુસ્ફરણા ભૂત્વા વિનિશ્ચરિતાઃ । તેભ્યશ્ચ સર્વાલોકપૂજાવ્યૂહેભ્યઃ સર્વલોકધાતુપરમાણુરજઃસમાસ્તથાગતવિગ્રહા વિનિઃસૃત્ય, પુનરપ્યેકઘનો વજ્રાલોકદેવતાકાયઃ સંભૂય, ભગવતો વજ્રમણિરત્નશિખરકૂટાગારસ્ય વામકોણે ચન્દ્રમણ્ડલાશ્રિતા ભૂત્વા, ઇદમુદાનમુદાનયામાસ ।
અહો હ્યહં મહોદારા પૂજા દીપમયી શુભા ।
યદાલોકવતી ક્ષિપ્રં સર્વબુદ્ધદૃશો લભેદ્ ॥ ઇતિ ॥
ઇ.1.33 વજ્રગન્ધ

અથ ભગવાનમોઘસિદ્ધિસ્તથાગતો ભગવતો વૈરોચનસ્ય તથાગતસ્ય પૂજાપ્રતિપૂજાર્થં સર્વતથાગતગન્ધપજાસમયસંભવવજ્રન્નામ સમાધિં સમાપદ્યેમાં સર્વતથાગતચેટીં સ્વહૃદયાન્નિશ્ચચાર વજ્રગન્ધે ॥
અથાસ્યાં વિનિઃસૃતમાત્રાયાં સર્વતથાગતહૃદયેભ્યઃ સ એવ ભગવાન્ વજ્રધરઃ સર્વગન્ધપૂજાવ્યૂહાઃ સર્વલોકધાતુસ્ફરણા ભૂત્વા વિનિઃસૃતાઃ । તેભ્યશ્ચ ગન્ધપૂજાવ્યૂહેભ્યઃ સર્વલોકધાતુપરમાણુરજઃ સમાસ્તથાગતવિગ્રહા વિનિઃસૃત્ય પુનરપ્યેકઘનો વજ્રગન્ધદેવતાકાયઃ સંભૂય, ભગવતો વજ્રમણિરત્નશિખરકૂટાગારસ્ય વામકોણે ચન્દ્રમણ્ડલાશ્રિતા ભત્વેદમુદાનમુદાનયામાસ ।
અહો ગન્ધમયી પૂજા દિવ્યાહં મનોરમા ।
યત્તથાગતગન્ધો વૈ સર્વકાયે દદાતિ હિ ॥ ઇતિ ॥
સર્વતથાગતજ્ઞાનાવેશા, મહાબોધ્યઙ્ગસંચયા, સર્વતથાગતધર્માલોકા, શીલસમાધિપ્રજ્ઞાવિમુક્તિવિમુક્તિજ્ઞાનદર્શનગન્ધા ચેતિ । સર્વતથાગતાજ્ઞાકાર્યઃ ॥
ઇ.1.34 વજ્રન્કુસ
અથ ભગવાન્ વૈરોચનસ્તથાગતઃ પુનરપિ સર્વતથાગતસમયાં કુશમહાસત્ત્વસમયસંભવસત્ત્વવજ્રન્નામ સમાધિં સમાપદ્યેયં સર્વતથાગતસર્વમુદ્રાગણપતિં સ્વહૃદયાન્નિશ્ચચાર વજ્રાંકુશ ॥
અથાસ્મિન્ વિનિઃસૃતમાત્ર સર્વતથાગતહૃદયેભ્યઃ સ એવ ભગવાન્ વજ્રધરઃ સર્વતથાગતસર્વમુદ્રાગણા ભૂત્વા વિનિઃસૃતઃ । તેભ્યશ્ચ સર્વતથાગતમુદ્રાગણેભ્યઃ સર્વલોકધાતુપરમાણુરજઃસમાસ્તથાગતવિગ્રહા વિનિઃસૃત્ય, પુનરપ્યેકઘનો વજ્રાઙ્કુશમહાબોધિસત્ત્વકાયઃ સંભૂય, ભગવતો વજ્રમણિરત્નશિખરકૂટાગારસ્ય વજ્રદ્વારમધ્યે ચન્દ્રમણ્ડલાશ્રિતો ભત્વા, સર્વતથાગતસમયાનાકર્ષયન્ન, ઇદમુદાનમુદાનયામાસ ।
અહો હિ સર્વબુદ્ધાનાં સમાકર્ષમહં દૃઢઃ ।
યન્મયા હિ સમાકૃષ્ટા ભજન્તે સર્વમણ્ડલમ્ ॥ ઇતિ ॥
ઇ.1.35 વજ્રપસ
અથ ભગવાન્ પુનરપિ સર્વતથાગતસમયપ્રવેશમહાસત્ત્વસમયસંભવસત્ત્વવજ્રન્નામ સમાધિં સમાપદ્ય મં સર્વતથાગતમુદ્રાપ્રવેશપ્રતીહારં સ્વહૃદયાન્નિશ્ચચાર વજ્રપાશ ॥
અથાસ્મિન્ વિનિઃસૃતમાત્રે સર્વતથાગતહૃદયેભ્યઃ સ એવ ભગવાન્ વજ્રધરઃ સર્વતથાગતસમયપ્રવેશમુદ્રાગણા ભૂત્વા વિનિશ્ચરિતઃ । તેભ્યશ્ચ સર્વતથાગતસમયપ્રવેશમુદ્રાગણેભ્યઃ સર્વલોકધાતુપરમાણુરજઃસમાસ્તથાગતવિગ્રહા વિનિઃસૃત્ય, પુનરપ્યેકઘનો વજ્રપાશમહાબોધિસત્ત્વકાયઃ સંભૂય, ભગવતો વજ્રમણિરત્નશિખરકૂટાગારસ્ય રત્નદ્વારમધ્યે ચન્દ્રમણ્ડલાશ્રિતો ભૂત્વા સર્વતથાગતાં પ્રવેશયન્ન્, ઇદમુદાનમુદાનયામાસ ।
અહો હિ સર્વબુદ્ધાનાં વજ્રપાશમહં દૃઢઃ ।
યત્સર્વાણુપ્રવિષ્ટાપિ પ્રવેશ્યન્તે મયા પુનઃ ॥ ઇતિ ॥
ઇ.1.36 વજ્રસ્ફોત
અથ ભગવાન્ પુનરપિ સર્વતથાગતસમયસ્ફોટમહાસત્ત્વસમયોદ્ભવસત્ત્વવજ્રન્નામસમાધિં સમાપદ્યેમં સર્વતથાગતસમયબન્ધન્નામ સર્વતથાગતદૂતં સ્વહૃદયાન્નિશ્ચચાર વજ્રસ્ફોટ ॥
અથાસ્મિન્ વિનિઃસૃતમાત્રે સર્વતથાગતહૃદયેભ્યઃ સ એવ ભગવાન્ વજ્રધરઃ સર્વતથાગતસમયબન્ધમુદ્રાગણા ભૂત્વા વિનિઃસૃતસ્તેભ્યશ્ચ સર્વતથાગતસમયબન્ધસર્વમુદ્રાગણેભ્યઃ સર્વલોકધાતુપરમાણુરજઃસમાસ્તથાગતવિગ્રહા વિનિઃસૃત્ય, એકઘનો વજ્રસ્ફોટમહાબોધિસત્ત્વકાયઃ સંભૂય, ભગવતો વજ્રમણિરત્નશિખરકૂટાગારસ્ય ધર્મદ્વારમધ્યે ચન્દ્રમણ્ડલાશ્રિતો ભત્વા, સર્વતથાગતાન બન્ધયન્ન, ઇદમુદાનમુદાનયામાસ ।
અહો હિ સર્વબુદ્ધાનાં વજ્રસ્ફોટમહં દૃઢઃ ।
યત્સર્વબન્ધમુક્તાનાં સત્ત્વાર્થાદ્ બન્ધ ઇષ્યતે ॥ ઇતિ ॥
ઇ.1.37 વજ્રવેસ
અથ ભગવાન્ પુનરપિ સર્વતથાગતાવેશમહાસત્ત્વસમયસંભવસત્ત્વવજ્રન્નામ સમાધિં સમાપદ્યેમં સર્વતથાગતસર્વમુદ્રાચેટં સ્વહૃદયાન્નિશ્ચચાર વજ્રાવેશઃ ॥
અથાસ્મિન્ વિનિઃસૃતમાત્રે સર્વતથાગતહૃદયેભ્યઃ સ એવ ભગવાન્ વજ્રધરઃ સર્વતથાગતસર્વમુદ્રાગણા ભૂત્વા વિનિશ્ચરિતઃ । તેભ્યશ્ચ સર્વતથાગતસર્વમુદ્રાગણેભ્યઃ સર્વલોકધાતુપરમાણુરજઃ સમાસ્તથાગતવિગ્રહા વિનિઃસૃત્ય, એકઘનો વજ્રાવેશમહાબોધિસત્ત્વવિગ્રહઃ પ્રાદુર્ભૂય, ભગવતો વજ્રમણિરત્નશિખરકૂટાગારસ્ય કર્મદ્વારમધ્યે ચન્દ્રમણ્ડલાશ્રિતો ભૂત્વા, સર્વતથાગતાનાવેશયન્ન, ઇદમુદાનમુદાનયામાસ ।
અહો હિ સર્વબુદ્ધાનાં વજ્રાવેશમહં દૃઢઃ ।
યત્સર્વપતયો ભૂત્વા ચેટા અપિ ભવન્તિ હિ ॥ ઇતિ ॥
સવતથાગતસમાકર્ષણં, પ્રવેશો, બન્ધઃ, વશીકરણં ચેતિ । સર્વતથાગતાજ્ઞાકરાઃ ॥
અથ ભગવાન્ સર્વતથાગતાસમાજાધિષ્ઠાનાય વજ્રાચ્છટિકાસંજ્ઞામકાર્ષીત્ । ઇદં સર્વતથાગતસમાજાધિષ્ઠાનહૃદયમભાષત વજ્રસમાજ ॥
અથ તેન ક્ષપાલવમુહૂર્તેન સર્વતથાગતાચ્છટિકાસંજ્ઞાસંચોદિતાઃ સર્વલોકધાતુપ્રસરમેઘસમુદ્રેષુ સર્વલોકધાતુપરમાણુરજઃસમાસ્તથાગતાઃ સબોધિસત્ત્વપર્ષન્મણ્ડલાઃ સમાજમાપદ્ય, યેન ભગવાન્ વજ્રમણિરત્નશિખરકૂટાગારો યેન ચ ભગવાન્ વૈરોચનસ્તેનોપજગ્મુરુપેત્ય ઓં સર્વતથાગતપાદવન્દનાઙ્કરોમિ ॥ ઇત્યેનેન પ્રકૃતિસિદ્ધેન મન્ત્રેણ રુચિજપ્તેન સર્વતથાગતપાદવન્દનાં કૃત્વેદમુદાનમુદાનયામાસુઃ ॥
અહો સમન્તભદ્રસ્ય બોધિસત્ત્વસ્ય સત્ક્રિયા ।
યત્તથાગતચક્રસ્ય મધ્યે ભાતિ તથાગતઃ ॥
અથેદમુક્ત્વા તે દશદિક્સર્વલોકધાતુસન્નિપતિતાઃ સર્વતથાગતાઃ સર્વતથાગતાધિષ્ઠાનેન ભગવતો વૈરોચનસ્ય હૃદયે સબોધિસત્ત્વપર્ષન્મણ્ડલાઃ પ્રવિષ્ટાઃ । તેભ્યશ્ચ સર્વતથાગતહૃદયેભ્યઃ સ્વાનિ સ્વાનિ બોધિસત્ત્વપર્ષન્મણ્ડલાનિ વિનિઃસૃત્ય ભગવતો વજ્રમણિરત્નશિખરકૂટાગારસ્ય સર્વપાર્શ્વેષુ મણ્ડલીભૂત્વા સમાપદ્યાવસ્થિતા ઇદમુદાનમુદાનયામાસુઃ ।
અહો હિ સર્વબુદ્ધાનાં મહોદાર્યમનાદિજમ્ ।
યત્સર્વાણુપ્રસંખ્યા વૈ બુદ્ધા હ્યેકત્વમાગતા ॥ ઇતિ ॥
હ્ય્મ્ન્ ઓf 108 નમેસ્ ઓf મહવજ્રધર
અથ ભગવન્તઃ સર્વતથાગતાઃ પુનરપિ સમાજમાગમ્યાસ્ય વજ્રધાતુમહામણ્ડલસ્યાધિષ્ઠાનાયાશેષાનવશેષસ્ય ચ સત્ત્વધાતોઃ પરિત્રાણસર્વહિતસુખાવાપ્ત્યૈ યાવત્સર્વતથાગતસમતાજ્ઞાનાભિજ્ઞાભિસંબોધ્યુત્તમસિદ્ધયે ભગવન્તં સર્વતથાગતાધિપતિં સ્વવજ્રસત્ત્વમનાદિનિધનં મહાવજ્રધરમનેન નામાષ્ટશતેનાધ્યેષિતવન્તઃ ॥
વજ્રસત્ત્વમહાસત્ત્વ વજ્રસર્વતથાગત ।
સમન્તભદ્ર વજ્રાદ્ય વજ્રપાણે નમો ઽસ્તુ તે

વજ્રરાજ સુબુદ્ધાગ્ર્ય વજ્રાઙ્કુશતથાગત ।
અમોઘરાજ વજ્રાગ્ર્ય વજ્રાકર્ષ નમોસ્તુ તે

વજ્રરાગ મહાસૌખ્ય વજ્રવાણ વશઙ્કર ।
ભારકામ મહાવજ્ર વજ્રચાપો નમો ઽસ્તુ તે

વજ્રસાધો સુસત્ત્વાગ્ર્ય વજ્રતુષ્ટિ મહારતે ।
પ્રામોદ્યરાજ વજ્રાગ્રય વજ્રહર્ષ નમો ઽસ્તુ તે

વજ્રરત્ન સુવજ્રાર્થં વજ્રાકાશ મહામણે ।
આકાશગર્ભ વજ્રાઢ્ય વજ્રગર્ભ નમોસ્તુ તે

વજ્રતેજ મહાજ્વાલ વજ્રસૂર્ય જિનપ્રભ ।
વજ્રરશ્મિ મહાતેજ વજ્રપ્રભ નમો ઽસ્તુ તે

વજ્રકેતુ સુસત્ત્વાર્થ વજ્રધ્વજ સુતોષક ।
રત્નકેતુ મહાવજ્ર વજ્રયષ્ટે નમો ઽસ્તુ તે

વજ્રહાસ મહાહાસ વજ્રસ્મિત મહાદ્ભુત ।
પ્રીતિપ્રામોદ્ય વજ્રાગ્ર્ય વજ્રપ્રીતે નમો ઽસ્તુ તે

વજ્રધર્મ સુતત્વાર્થ વજ્રપદ્મ સુશોધક ।
લોકેશ્વર સુવજ્રાક્ષ વજ્રનેત્ર નમો ઽસ્તુ તે

વજ્રતીક્ષ્ણ મહાયાન વજ્રકોશ મહાયુધ ।
મઞ્જુશ્રી વજ્રગાંભીર્ય વજ્રબુદ્ધે નમો ઽસ્તુ તે

વજ્રહેતુ મહામણ્ડ વજ્રચક્ર મહાનય ।
સુપ્રવર્તન વજ્રોત્થ વજ્રમણ્ડ નમો ઽસ્તુ તે

વજ્રભાષ સુવિદ્યાગ્ર્ય વજ્રજાપ સુસિદ્ધિદ ।
અવાચ વજ્રસિદ્ધ્યગ્ર વજ્રવાચ નમો ઽસ્તુ તે

વજ્રકર્મ સુવજ્રાજ્ઞા કર્મવજ્ર સુસર્વગ ।
વજ્રામોઘ મહોદાર્ય વજ્રવિશ્વ નમો ઽસ્તુ તે

વજ્રરક્ષ મહાધૈર્ય વજ્રવર્મ મહાદૃઢ ।
દુયોધન સુવીર્યગ્ર્ય વજ્રવીર્ય નમો ઽસ્તુ તે

વજ્રયક્ષ મહોપાય વજ્રદંષ્ટ્ર મહાભય ।
ભારપ્રમર્દિન્ વજ્રોગ્ર વજ્રચણ્ડ નમો ઽસ્તુ તે

વજ્રસન્ધિ સુસાન્નિધ્ય વજ્રબન્ધ પ્રમોચક ।
વજ્રમુષ્ટ્યગ્રસમય વજ્રમુષ્ટે નમો ઽસ્તુ તે

યઃ કશ્ચિદ્ ધારયેન્નામ્નામિદન્તે ઽષ્ટદશતં શિવમ્ ।
વજ્રનામાભિષેકાદ્યૈઃ સર્વાગ્રૈઃ સો ઽભિષિચ્યતે

યસ્તુ ગૌણમિદન્નામ્નાં મહાવજ્રધરસ્ય તુ ।
શશ્વદ્ગેયં સ્તુયાત્ સો ઽપિ ભવેદ્વજ્રધરોપમઃ

અનેનાભિષ્ટુતો ઽસ્માભિર્નામ્નામષ્ટશતેન તુ ।
મહાયાનાભિસમયં વિસ્ફારય મહાનયમ્

અધ્યેષયામસ્ત્વાં નાથ ભાષસ્વ પરમં વિધિમ્ ।
સર્વબુદ્ધમહાચક્રં મહામણ્ડલમુત્તમમ્