સંવિત્સિદ્ધિ · શ્લોક 401-420

આનન્દસત્યજ્ઞાનાદિ નિર્દેશૈર્ એવ વૈદિકૈઃ ॥

બ્રહ્મણો ઽપ્ય્ અતથાભાવસ્ ત્વયૈવૈવં સમર્થિતઃ ॥

સદસદ્વ્યતિરેકોક્તિઃ પ્રપઞ્ચસ્ય ચ હીયતે ॥

યદ્ યથા કિં ચિદ્ ઉચ્યેત તત્ સર્વસ્ય તથા ભવેત્ ॥

તસ્માદ્ અસ્તીતિ સંવિત્તિર્ જાયમાના ઘટાદિષુ ॥

તત્તત્પદાર્થસંસ્થાન પારમાર્થ્યાવબોધિની ॥

સજાતિયવિજાતીય વ્યવચ્છેદનિબન્ધનૈઃ ॥

સ્વૈઃ સ્વૈર્ વ્યવસ્થિતૈ રૂપૈઃ પદાર્થાનાં તુ યા સ્થિતિઃ ॥

સા સત્તા ન સ્વતન્ત્રાન્યા તત્રાદ્વૈતકથા કથમ્ ॥

ન ચ નાનાવિધાકાર પ્રતીતિઃ શક્યનિહ્નવા ॥

ન વેદ્યં વિત્તિધર્મઃ સ્યાદ્ ઇતિ યત્ પ્રાગુદીરિતમ્ ॥

તેનાપિ સાધિતં કિંચિત્ સંવિદો ઽસ્તિ ન વા ત્વયા ॥

અસ્તિ ચેત્ પક્ષબાધઃ સ્યાન્ ન ચેત્ તે વિફલઃ શ્રમઃ ॥

અતઃ સ્વરસવિસ્પષ્ટ દૃષ્ટભેદાસ્ તુ સંવિદઃ ॥

યથાવત્ સ્થાયિભિર્ બાહ્યૈર્ નૈક્યં યાતિ ઘટાદિભિઃ ॥

સહોપલમ્ભનિયમાન્ નાન્યો ઽર્થઃ સંવિદો ભવેત્ ॥

યદ્ એતદ્ અપરાધીન સ્વપ્રકાશં તદ્ એવ હિ ॥

સ્વયમ્પ્રકાશતાશબ્દમ્ ઇતિ વૃદ્ધાઃ પ્રચક્ષતે ॥

યસ્મિન્ન્ અભાસમાને હિ યો નામાર્થો ન ભાસતે ॥

નાસાવ્ અર્થાન્તરસ્ તસ્માન્ મિથ્યેન્દુર્ ઇવ ચન્દ્રતઃ ॥