સંવિત્સિદ્ધિ · શ્લોક 341-360

આનન્દસ્વપ્રકાશત્વ નિત્યત્વમહિમાદ્ય્ અથ ॥

બ્રહ્મસ્વરૂપમ્ એવેષ્ટં તત્રાપિદં વિવિચ્યતામ્ ॥

બ્રહ્મેતિ યાવન્ નિર્દિષ્ટં તન્માત્રં કિં સુખાદયઃ ॥

અથવા તસ્ય તે યદ્ વા ત એવ બ્રહ્મસંજ્ઞિનઃ ॥

આદ્યે તત્તત્પદામ્નાન વૈયર્થ્યં વેદલોકયોઃ ॥

પૂર્વોક્તનીત્યા ભેદશ્ ચ જગજ્જન્માદિકારણમ્ ॥

અભ્યુપેત્યૈવ હિ બ્રહ્મ વિવાદાસ્ તેષુ વાદિનામ્ ॥

દ્વિતીયે સૈવ તૈર્ એવ બ્રહ્મણઃ સદ્વિતીયતા ॥

તૃતીયે બ્રહ્મ ભિદ્યેત તન્માત્રત્વાત્ પદે પદે ॥

તત્સમૂહો ઽથવા બ્રહ્મ તરુવૃન્દવનાદિવત્ ॥

પ્રકર્ષશ્ ચપ્રકાશશ્ચ ભિન્નાવ્ એવાર્કવર્તિનૌ ॥

તેન ન ક્વાપિ વાક્યાર્થો ઽવિભાગો ઽસ્તિ નિદર્શનમ્ ॥

જાડ્યદુઃખાદ્યપોહેન યદ્ય્ એકત્રૈવ વર્તિતા ॥

જ્ઞાનાનન્દાદિશબ્દાનાં ન સતઃ સદ્વિતીયતા ॥

અપોહાઃ કિં ન સન્ત્ય્ એવ સન્તો વા નોભયે ઽપિ વા ॥

સત્ત્વે સત્ સદ્વિતીયં સ્યાજ્ જડાદ્યાત્મકતેતરે ॥

સદસદ્વ્યતિરેકોક્તિઃ પૂર્વમ્ એવ પરાકૃતા ॥

તથાત્વે ચ ઘટાદિભ્યો બ્રહ્માપિ ન વિશિષ્યતે ॥

કિં ચાપોહ્યજડત્વાદિ વિરુદ્ધાર્થાસમર્પણે ॥

નૈવ તત્ તદ્ અપોહ્યેત તદેકાર્થૈઃ પદૈર્ ઇવ ॥