સંવિત્સિદ્ધિ · શ્લોક 281-300

અભાવિન્ય્ એવ સા મિથ્યા ભાવિનીત્ય્ અપદિશ્યતામ્ ॥

સન્તિ ચ સ્વપ્નદૃષ્ટાનિ દૃષ્ટાન્તવચનાનિ તે ॥

નનુ નેદં અનિષ્ટં મે યન્ મુક્તિર્ ન ભવિષ્યતિ ॥

આત્મનો નિત્યમુક્તત્વાન્ નિત્યસિદ્ધૈવ સા યતઃ ॥

તદ્ ઇદં શાન્તિકર્માદૌ વેતાલાવાહનં ભવેત્ ॥

યેનૈવં સુતરાં વ્યર્થો બ્રહ્મવિદ્યાર્જનશ્રમઃ ॥

અવિદ્યાપ્રતિબદ્ધત્વાદ્ અથ સા નિત્યસત્ય્ અપિ ॥

અસતીવેતિ તદ્વ્યક્તિર્ વિદ્યાફલમ્ ઉપેયતે ॥

હસ્તસ્થમ્ એવ હેમાદિ વિસ્મૃતં મૃગ્યતે યથા ॥

યથા તદ્ એવ હસ્તસ્થમ્ અવગમ્યોપશામ્યતે ॥

તથૈવ નિત્યમુક્તાત્મ સ્વરૂપાનવબોધતઃ ॥

સંસારિણસ્ તથાભાવો વ્યજ્યતે બ્રહ્મવિદ્યયા ॥

હન્ત કેયમ્ અભિવ્યક્તિર્ યા વિદ્યાફલમ્ ઇષ્યતે ॥

સ્વપ્રકાશસ્ય ચિદ્ધાતોર્ યા સ્વરૂપપદે સ્થિતા ॥

સંવિત્ કિં સૈવ કિંવાહં બ્રહ્માસ્મીતિતિ કિદૃશી ॥

યદિ સ્વરૂપસંવિત્ સા નિત્યૈવેતિ ન તત્ફલમ્ ॥

અથ બ્રહ્માહમ્ અસ્મીતિ સંવિત્તિર્ વ્યક્તિર્ ઇષ્યતે ॥

નનુ તે બ્રહ્મવિદ્યા સા સૈવ તસ્યાઃ ફલં કથં ॥

કિંચ સા તત્ ત્વમ્ અસ્યાદિ વાક્યજન્યા ભવન્મતે ॥

ઉત્પત્તિમત્ય્ અનિત્યેતિ મુક્તસ્યાપિ ભયં ભવેત્ ॥