સંવિત્સિદ્ધિ · શ્લોક 181-200

રૂપાદિવદ્ અતઃ સંવિદ્ અદ્વિતિયા સ્વયમ્પ્રભા ॥

અતસ્ તદ્ભેદમ્ આશ્રિત્ય યદ્ વિકલ્પાદિજલ્પિતમ્ ॥

તદ્ અવિદ્યાવિલાસો ઽયમ્ ઇતિ બ્રહ્મવિદો વિદુઃ ॥

હન્ત બ્રહ્મોપદેશો ઽયં શ્રદ્દધાનેષુ શોભતે ॥

વયમ્ અશ્રદ્દધાનાઃ સ્મો યે યુક્તિં પ્રાર્થયામહે ॥

પ્રતિપ્રમાતૃવિષયં પરસ્પરવિલક્ષણાઃ ॥

અપરોક્ષં પ્રકાશન્તે સુખદુઃખાદિવદ્ ધિયઃ ॥

સમ્બન્ધિવ્યઙ્ગ્યભેદસ્ય સંયોગેચ્છાદિકસ્ય નઃ ॥

ન હિ ભેદઃ સ્વતો નાસ્તિ નાપ્રત્યક્ષશ્ ચ સંમતઃ ॥

યદિ સર્વગતા નિત્યા સંવિદ્ એવાભ્યુપેયતે ॥

તતઃ સર્વં સદા ભાયાન્ ન વા કિંચિત્ કદાચન ॥

તદાનીં ન હિ વેદ્યસ્ય સન્નિધીતરકારિતા ॥

વ્યવસ્થા ઘટતે વિત્તેર્ વ્યોમવદ્વૈભવાશ્રયાત્ ॥

નાપિ કારણભેદેન નિત્યાયાસ્ તદભાવતઃ ॥

ન ચ સ્વરૂપનાનાત્વાત્ તદેકત્વપરિગ્રહાત્ ॥

તતશ્ ચ બધિરાન્ધાદેઃ શબ્દાદિગ્રહણં ભવેત્ ॥

ગુરુશિષ્યાદિભેદશ્ ચ નિર્નિમિત્તઃ પ્રસજ્યતે ॥

નનુ નઃ સંવિદો ભિન્નં સર્વં નામ ન કિંચન ॥

અતઃ સર્વં સદા ભાયાદ્ ઇત્ય્ અકાણ્ડે ઽનુયુજ્યતે ॥

ઇદમ્ આખ્યાહિ ભોઃ કિં નુ નીલાદિર્ ન પ્રકાશતે ॥