સંવિત્સિદ્ધિ · શ્લોક 161-180

નાપ્ય્ અન્યસંવિત્ તન્નાશે ઽપ્ય્ અન્યેષામ્ ઉપલમ્ભનાત્ ॥

નનુ સંવિદ્ અભિન્નૈકા ન તસ્યામ્ અસ્તિ ભેદધીઃ ॥

ઘટાદયો હિ ભિદ્યન્તે ન તુ સા ચિત્પ્રકાશનાત્ ॥

ઘટધીઃ પટસંવિત્તિ સમયે નાવભાતિ ચેત્ ॥

નૈવં ઘટો હિ નાભાતિ સા સ્ફુરત્ય્ એવ તુ સ્ફુટમ્ ॥

ઘટવ્યાવૃત્તસંવિત્તિર્ અથ ન સ્ફુરતીતિ ચેત્ ॥

તદ્વ્યાવૃત્તિપદેનાપિ કિં સૈવોક્તાથવેતરત્ ॥

સૈવ ચેદ્ભાસતે ઽન્યચ્ ચેન્ ન બ્રૂમસ્ તસ્ય ભાસનમ્ ॥

કિંચાસ્યાઃ સ્વપ્રકાશાયા નીરૂપાયા ન હિ સ્વતઃ ॥

ઋતે વિષયનાનાત્વાન્ નાનાત્વાવગ્રહભ્રમઃ ॥

ન વસ્તુ વસ્તુધર્મો વા ન પ્રત્યક્ષો ન લૈઙ્ગિકઃ ॥

ઘટાદિવેદ્યભેદો ઽપિ કેવલં ભ્રમલક્ષણઃ ॥

યદા તદા તદાયત્તો ધીભેદાવગ્રહોદયઃ ॥

કુતઃ કુતસ્તરાં તસ્ય પરમાર્થત્વસમ્ભવઃ ॥

કિંચ સ્વયમ્પ્રકાશસ્ય સ્વતો વા પરતો ઽપિ વા ॥

પ્રાગભાવાદિસિદ્ધિઃ સ્યાત્ સ્વતસ્ તાવન્ ન યુજ્યતે ॥

સ્વસ્મિન્ સતિ વિરુદ્ધત્વાદ્ અભાવસ્યાનવસ્થિતેઃ ॥

સ્વનિમિત્તપ્રકાશસ્ય સ્વસ્યાભાવે ઽપ્ય્ અસમ્ભવાત્ ॥

અનન્યગોચરત્વેન ચિતો ન પરતો ઽપિ ચ ॥

કિંચ વેદ્યસ્ય ભેદાદેર્ ન ચિદ્ધર્મત્વસમ્ભવઃ ॥