સંવિત્સિદ્ધિ (અન્ય આવૃત્તિ) · શ્લોક 160-179

ન ચ તે ભ્રાન્તિસિદ્ધાસ્ તે યેનાદ્વૈતાવિરોધિનઃ
તત્ત્વાવેદકવેદાન્ત વાક્યસિદ્ધા હિ તે ગુણાઃ ॥

આનન્દસ્વપ્રકાશત્વ નિત્યત્વમહિમાદ્ય્ અથ
બ્રહ્મસ્વરૂપમ્ એવેષ્ટં, તત્રાપીદં વિવિચ્યતામ્ ॥

બ્રહ્મેતિ યાવન્ નિર્દિષ્ટં તન્માત્રં કિં સુખાદયઃ
અથ વા તસ્ય તે, યદ્ વા ત એવ બ્રહ્મસંજ્ઞિનઃ ॥

આદ્યે તત્તત્પદામ્નાન વૈયર્થ્યં વેદલોકયોઃ
પૂર્વોક્તનીત્યા ભેદશ્ ચ, જગજ્જન્માદિકારણમ્ ॥

અભ્યુપેત્યૈવ હિ બ્રહ્મ વિવાદાસ્ તેષુ વદિનામ્
દ્વિતીયે સૈવ તૈર્ એવ બ્રહ્મણઃ સદ્વિતીયતા ॥

તૃતીયે બ્રહ્મ ભિદ્યેત તન્માત્રત્વાત્ પદે પદે
તત્સમૂહો ઽથ વા બ્રહ્મ તરુવૃન્દવનાદિવત્ ॥

પ્રકર્ષશ્ ચ પ્રકાશશ્ ચ ભિન્નાવ્ એવાર્કવર્તિનૌ
તેન ન ક્વાપિ વાક્યાર્થો વિભાગો ઽસ્તિ નિદર્શનમ્ ॥

જાડ્યદુઃખાદ્યપોહેન યદ્ય્ એકત્રૈવ વર્તિતા
જ્ઞનાનન્દાદિશબ્દાનાં ન સતસ્ સદ્વિતીયતા ॥

અપોહાઃ કિં ન સન્ત્ય્ એવ, સન્તો વા, નોભયે ઽપિ વા
સત્ત્વે સત્ સદ્વિતીયં સ્યાજ્ જડાદ્યાત્મકતેતરે (તા પરે) ॥

સદસદ્વ્યતિરેકોક્તિઃ પૂર્વમ્ એવ પરાકૃતા
તથાત્વે ચ ઘટાદિભ્યો બ્રહ્માપિ ન વિશિષ્યતે ॥

કિઞ્ ચાપોહ્યજડત્વાદિ વિરુદ્ધાર્થાસામર્પણે
નૈવ તત્તદપોહ્યતે તદેકાર્થૈઃ પદૈર્ ઇવ ॥

પ્રતિયોગિનિ દૃશ્યે તુ યા ભાવાન્તરમાત્રધીઃ
સૈવાભાવ ઇતીહાપિ સદ્ભિસ્ તે સદ્વિતીયતા ॥

ભૂતભૌતિકભેદાનાં સદસદ્વ્યતિર્રેકિતા
કુતો ઽવસીયતે કિં નુ પ્રત્યક્ષાદેર્ ઉતાગમાત્ ॥

પ્રત્યક્ષાદીનિ માનાનિ સ્વં સ્વમ્ અર્થં યથાયથમ્
વ્યવચ્છિન્દન્તિ જાયન્ત ઇતિ યાવત્ સ્વસાક્ષિકમ્ ॥

યથાગ્રતઃ સ્થિતે નીલે નીલિમાન્યકથા ન, ધીઃ
એકાકારા, ન હિ તયા સ્ફટિકે ધવલે મતિઃ ॥

ક્ષીરે મધુરધીર્ યદૃક્, નૈવ નિમ્બકષાયધીઃ
વ્યવહારાશ્ ચ નિયતઃ સર્વે લૌકિકવૈદિકાઃ ॥

સત્યં પ્રતીતિર્ અસત્ય્ અસ્યા મૂલં નાસ્તીતિ ચેન્ ન તત્
સા ચેદ્ અસ્તિ તસ્યા મૂલં કલ્પ્યતાં કાર્યભૂતયા ॥

કૢપં ચેન્દ્રિયલિઙ્ગાદિ તદ્ભાવાનુવિધાનતઃ
યૌગપદ્યક્રમાયોગાદ્ય્ અવચ્છેદવિધાનયોઃ ॥

ઐક્યાયોગાચ્ ચ ભેદો ન પ્રત્યક્ષ ઇતિ યો ભ્રમઃ
ભેદેતરેતરાભાવ વિવેકાગ્રહણેન સઃ ॥

સ્વરૂપમ્ એવ ભાવાબાં પ્રત્યક્ષેણ પરિશુરત્
ભેદવ્યાહારહેતુઃ સ્યાત્ પ્રતિયોગિવ્યપેક્ષયા ॥