સામવેદઃ · અધ્યાય p2

2.1 અથ દ્વિતીયઃ પ્રપાઠકઃ
અથાતઃ કામ્યાનામ્

અનાદેશે ત્રિરાત્રમુપવાસઃ પુષ્યેણારમ્ભઃ

આયુષ્યાણ્યેવ પ્રથમમ્

અબોધ્યગ્નિર્મ્મહિત્રીણામિતિ દ્વે ત્વાવત ઇન્દ્રꣳ નરો ગ્રામે ગેયમાયુરિતિ ચાસ્ય નિધનં કુર્ય્યાત્, ત્યમૂષુ દ્વે ત્રાતારમિન્દ્રꣳ હવિરિત્યેતસ્ય સ્થાને સ્વસ્તિ ન ઇતિ સોમઃ પુનાન્ત્યꣳ સસુપ્રથમં વિશ્વતો દાવન્નિતિ પૂર્વં રહસ્ય ઉદુત્તમં વરુણ પાશમિત્યેષોઽરિષ્ટવર્ગ એતેષામેકમનેકં વા સર્વાણિ વા પ્રયુઞ્જાનઃ શતઁ વર્ષાણિ જીવતિ । જરયૈવ વિસ્રꣳસતે

ભ્રાજાભ્રાજે શુક્રચન્દ્રે રાજનરૌહિણકે શુક્રિયાદ્યે હાઉ સ્વરતાદીનિ ચત્વારિ સેતુષામ ચૈષઃ પવિત્રવર્ગ એતેષામેકમનેકં વા સર્વાણિ વા પ્રયુઞ્જાનઃ પૂતો ભવતિ

બહુપ્રતિગૃહ્ય યાજયિત્વા વાસન્નમાત્માનં મન્યમાનો ગૌષૂક્તાશ્વસૂક્તે શુદ્ધાશુદ્ધીયે તરત્સમન્દીત્યેતાનિ પ્રયુઞ્જાનઃ પૂતો ભવતિ

તવશ્યાવીયં પ્રયુઞ્જાનઃ શુચિઃ પૂતો બ્રહ્મલોકમભિસમ્પદ્યતે ન ચ પુનરાવર્ત્તતે

ઉદુત્તમઁ વરુણપાશમિત્યેતત્ સદા પ્રયુઞ્જાનઃ સમ્બાધં ન નિગચ્છતિ નિગતશ્ચ પ્રમુચ્યતે

ગૌરસર્ષપાꣳ સ્તુચે તુનાય તત્સુ ન ઇત્યેતેન પ્રાશ્નીયાદ્દીર્ઘાયુર્ભવતિ

ત્રીન્વોદકાઞ્જલીન્ સદાચામેત્ પિબા સોમમિન્દ્ર મન્દતુ ત્વેત્યેતાભ્યાં દીર્ઘાયુર્ભવતિ દીર્ઘાયુર્ભવતિ

ઇતિ પ્રથમઃ ખણ્ડઃ॥૨।૧॥
2.2 અથ યસ્યા જાતાનિ પ્રમીયેરન્ ન્યગ્રોધશુઙ્ગાꣳ શરમૂલં ચોત્થાપ્ય તદહસ્ત્રિવૃતં કારયેન્મણિમગ્ગ્નિં પ્રતિષ્ઠાપ્યાવૃતા હુત્વા મણિં નિધાયાબોધ્યગ્ગ્નિરિત્યેતેનાભિજુહુયાત્ । સહસ્રકૃત્વઃ શતાવરં તૃતીયે ગર્ભમાસિ નિદધ્યાદાજ્યશેષં મેખલાયાં મણિં ધારયેત્ પુમાꣳસꣳ હ જનયતિ જાતસ્ય કણ્ઠેઽવસજેત્ કુમારમાજ્યશેષં પ્રાશયેત્ સર્વાણિ સ્રોતાꣳસિ તર્પયેદભ્યઞ્જીતાહરહસ્તત ઊર્ધ્વમુપયુક્તે પુનઃ પ્રયોગઃ। શતઁ વર્ષાણિ જીવતિ જરયૈવ વિસઁસતે

અથ યો રક્ષસા ગૃહીતઃ સ્યાદશનિહતસ્ય વૃક્ષસ્યેધ્મઃ, શુક્લાયા ગોઃ સરૂપવત્સાયા અન્યસ્યા વાજ્યં, બૈલ્વં મણિમુત્થાપ્ય તદહસ્ત્રિવૃતં કારયેન્મણિમગ્નિં પ્રતિષ્ઠાપ્યાવૃતા હુત્વા મણિં નિધાયેન્દ્ર ત્રિધાતુ શરણમિત્યેતેનાભિજુહુયાત્ સહસ્રકૃત્વઃ શતાવરં તં મણિં કણ્ઠેન શિરસા વા ધારયન્ મુચ્યતે રક્ષસા યદ્વા ઉ વિશ્પતિરિતિ ચૈતત્સદા પ્રયુઞ્જીત સ્વસ્તિ હાસ્ય ભવતિ

આમયાવી કૌમ્ભ્યં ઘૃતં વિશ્વાઃ પૃતના અભિભૂતરં નર ઇત્યેતેનાભિજુહુયાત્ સહસ્રકૃત્વઃ શતાવરં જીવેતિ ચાસ્ય નિધનં કુર્યાદેતેનૈવ સદા પ્રાશ્નીયાન્મુચ્યતે આમયાવ્યાનો મિત્રા વરુણેતિ ચૈતત્સદા પ્રયુઞ્જીત સ્વસ્તિ હાસ્ય ભવતિ સ્વસ્તિ હાસ્ય ભવતિ

ઇતિ દ્વિતીયઃ ખણ્ડઃ ॥૨।૨॥
2.3 અથ યદસ્ય રુજેચ્છન્નો દેવી રહસ્યેન ઘૃતમભિગીયાભ્યઞ્જ્યાચ્છામ્યતિ હ

દ્વિકાદ્યેન વોદકં પાયયેચ્છીતાભિરદ્ભિરભિષેચયેત્સોમꣳ રાજાનꣳ સનાદગ્ગ્નેઽગ્ગ્નિꣳ હોતારમિત્યેતાનિ ચૈનમભિશ્રાવયેચ્છામ્યતિ હ

શઙ્ખપુષ્પીꣳ સર્પસુગન્ધાં ચોત્થાપ્ય તદહસ્ત્રિવૃતં કારયેન્મણિમગ્ગ્નિં પ્રતિષ્ઠાપ્યાવૃતા હુત્વા મણિં નિધાય ચર્ષણીધૃતમિતિ વર્ગેણાભિજુહુયાત્ સહસ્રકૃત્વઃ શતાવરં તં મણિં કણ્ઠેન શિરસા વા ધારયતો ન સર્પભયં ભવતિ કયાનાયાં ચ સર્પસામ સદા પ્રયુઞ્જીત સ્વસ્તિ હાસ્ય ભવતિ

શ્વેતપુષ્પાં બૃહતીમુત્થાપ્ય તદહસ્ત્રિવૃતં કારયેન્મણિમગ્ગ્નિં પ્રતિષ્ઠાપ્યાવૃતા હુત્વા મણિં નિધાય મોષુ ત્વા વાઘતશ્ચ ન ઇત્યેતેનાભિજુહુયાત્ સહસ્રકૃત્વઃ શતાવરં તં મણિં કણ્ઠેન શિરસા વા ધારયતો ન શસ્ત્રભયં ભવતિ યત ઇન્દ્ર ભયામહ ઇતિ ચૈતત્સદા પ્રયુઞ્જીત સ્વસ્તિ હાસ્ય ભવતિ

શ્વેતપુષ્પમર્ક્કમુત્થાપ્ય તદહસ્ત્રિવૃતં કારયેન્મણિમગ્નિં પ્રતિષ્ઠાપ્યાવૃતા હુત્વા મણિં નિધાય સ્વાશિરામર્ક્કેણાભિજુહુયાત્ સહસ્રકૃત્વઃ શતાવરં તં મણિં કણ્ઠેન શિરસા વા ધારયન બહ્વન્નો ભવતિ

દીર્ઘતમસોઽર્કોઽર્ક્કશિરોઽર્કગ્રીવા ઇતિ ચૈતાનિ પ્રયુઞ્જાનઃ સર્વત્રાન્નં લભતે

સમન્યાયન્તી નિધનં પ્રયુઞ્જાનો ન પિપાસયા મ્રિયતે

ઇષ્ટાહોત્રીયં પ્રયુઞ્જાનો નાપ્સુ મ્રિયતે

અચોદસ ઇતિ તૃતીયં પ્રયુઞ્જીત નૈનં યક્ષ્મા ગૃહ્ણાતિ

ત્વમિમા ઓષધીરિત્યેતત્સદા પ્રયુઞ્જાનો ન ગરેણ મ્રિયતે

સં તે પયાઁસીતિ પૂર્વેણ પ્રથમં ગ્રાસં ગ્રસેદુત્તરેણ નિગિરેદ્વિષમપ્યસ્યાન્નં ભવતિ । નૈનꣳ હિꣳસતિ નૈનꣳ હિꣳસતિ

ઇતિ તૃતીયઃ ખણ્ડઃ ॥૨।૩॥
2.4 કરવીરદણ્ડમુત્થાપ્ય દેવવ્રતૈરભિજુહુયાદનુગાનશસ્તેન હસ્તગતેન યત્ર ક્વ ચ ગચ્છતિ સર્વત્ર હાસ્ય સ્વસ્તિ ભવતિ

તેન નગરં વા નિગમઁ વા ગ્રામઁ વા ગોષ્ઠં વાઽઽગારં વા મનસા ધ્યાયન્પરિલિખેન્નાત્રાનિષ્ઠાઃ પ્રવિશન્તિ

પ્રતિભયેઽધ્વનિ દેવવ્રતમાદ્યં ગીત્વા મધ્યમમાવર્ત્તયેત્ ગતેઽધ્વન્યુત્તમꣳ સમાપયિત્વા વિરમેત્

ઉદ્યતશસ્ત્રાન્ શત્રૂન્ દૃષ્ટ્વા દેવવ્રતાનિ ધ્યાયન્નૈનꣳ હિꣳસન્તિ

અમાનુષે ભયે કયાનાયાસ્તૃતીયમાવર્ત્તયેન્નૈનꣳ હિꣳસન્તિ

અધ્વાનમભ્યુત્થિત આમન્દ્રૈરિતિ વર્ગં ગીત્વાઽનપેક્ષમાણો વ્રજેત્ સ્વસ્ત્યર્થચરિતઃ પુનરૈતિ નાધ્વનિ ચ પ્રમીયતે

અન્યો વૈનમનુગાયેત્ કદાચનસ્તરીરસીત્યેતેન ચૈનમભિશ્રાવયેદર્ધસામ્નિ પ્રદક્ષિણમાવર્ત્તયેત્ સમાપ્યાનપેક્ષમાણઃ પરો વ્રજેત સ્વસ્ત્યર્થચરિતઃ પુનરૈતિ નાધ્વનિ ચ પ્રમીયતે

એષો ઉષા અપૂર્વ્યેતિ સઁવિશન્ સદા પ્રયુઞ્જીતાકાલꣳ સ્વસ્ત્યયનમુદિતે યદદ્ય કચ્ચ વૃત્રહન્નિત્યાકાલꣳ સ્વસ્ત્યયનમ્

મૂલફલૈરુપવસથં કૃત્વા માસમુપવસેદરણ્યે નિસ્તાન્તવો મુનિર્ય્યા રૌહિણી વા પૌષી વા પૌર્ણમાસી સ્યાત્તદહરુદ્યન્તમાદિત્યમુપતિષ્ઠેતોદ્વયં તમસસ્પરીત્યેતેન તત ઊર્ધ્વં તદ્વ્રતસ્તદ્ભક્ષશ્ચત્વારિ વર્ષાણિ પ્રયુઞ્જાનો જરામૃત્યૂ જહાતિ જરામૃત્યૂ જહાતિ

ઇતિ ચતુર્થઃ ખણ્ડઃ ॥૨।૪॥
2.5 અથૈકમનુષ્યાણામાવર્ત્તનઁ સ્ત્રિયા વા પુઁસો વા

શ્રવણેન વ્રતમુપેત્ય પૂર્વૈઃ પ્રોષ્ઠપદૈઃ

પાꣳસુભિઃ પ્રતિકૃતિં કૃત્વા પ્રાક્શિરસં પૂર્વાહ્ણે દક્ષિણશિરસં મધ્યાહ્ને પ્રત્યક્શિરસમપરાહ્ણેઽર્ધરાત્ર ઉદક્શિરસં તસ્યા હૃદયદેશમધિષ્ઠાયા યન્ત ઇન્દ્ર સોમ ઇતિ બ્રાહ્મણસ્યેદન્ત એકમિતિ ક્ષત્રિયસ્યૈષ પ્રકોશ ઇતિ વૈશ્યસ્ય વિભોષ્ટ ઇન્દ્ર રાધસ ઇતિ શૂદ્રસ્યોદ્વયન્તમસસ્પરીતિ વા સર્વેષાꣳ સૌવર્ણી પ્રતિકૃતિં કુર્ય્યાદ્ બ્રાહ્મણસ્ય રાજતીં ક્ષત્રિયસ્યૌદુમ્બરીં વૈશ્યસ્યાયસીꣳ શૂદ્રસ્યૌદુમ્બરીં વા સર્વેષામયમસાવિતિ પ્રાક્શિરસમગ્ગ્નૌ પ્રતિષ્ઠાપ્યૌદુમ્બરેણ સ્રુવેણાજ્યેનાભિજુહુયાચ્છાવ ઇતીનિધનેન ગુણી હાસ્ય ભવતિ

કૃષ્ણવ્રીહીણાં નખનિર્ભિન્નાનાં પિષ્ટમયીં પ્રતિકૃતિં કૃત્વા પિષ્ટસ્વેદꣳ સ્વેદયિત્વા સર્ષપતૈલેનાભ્યજ્ય તસ્યાઃ ક્ષુરેણાઙ્ગાન્યવદાયાગ્નૌ જુહુયાત્ પ્ર મન્દિન ઇત્યેતેન શેષꣳ સ્વયં પ્રાશ્નીયાદિતરથાભાવે મ્રિયેત

અથ યઃ કામયેતા વર્ત્તયેયમિત્યેકરાત્રં ક્ષુરસઁયુક્તસ્તિષ્ઠેત્ સુતાસો મધુમત્તમા ઇતિ વર્ગમેતેષામેકમનેકઁ વા સર્વાણિ વા પ્રયુઞ્જાન એકરાત્રેણ કુટુમ્બિનમાવર્ત્તયતિ

દ્વિરાત્રેણ રાજોપજીવિનં ત્રિરાત્રેણ રાજાનં ચતૂરાત્રેણ ગ્રામં પઞ્ચરાત્રેણ નગરꣳ ષડ્રાત્રેણ જનપદꣳ સપ્તરાત્રેણાસુરરક્ષાꣳસ્યષ્ટરાત્રેણ પિતૃપિશાચાન્નવરાત્રેણ યક્ષાન્ દશરાત્રેણ ગન્ધર્વાપ્સરસોઽર્ધમાસેન વૈશ્રવણં માસેનેન્દ્રં ચતુર્ભિઃ પ્રજાપતિꣳ સઁવત્સરેણ યત્કિઞ્ચ જગત્સર્વꣳ હાસ્ય ગુણી ભવતિ ગુણી ભવતિ

ઇતિ પઞ્ચમઃ ખણ્ડઃ ॥૨।૫॥
2.6 અથાતઃ સૌભાગ્યાનામ્

યદિન્દ્રો અનયદુચ્ચા તે જાતમન્ધસ ઇતિ નવમદશમે એતેષામેકમનેકં વા સર્વાણિ વા પ્રયુઞ્જાનઃ સુભગો ભવતિ

દ્વન્દ્વાદ્યાયાઃ સપ્તમાષ્ટમાભ્યામિન્દ્રાણીꣳ સદા તર્પયન્ સુભગો ભવતિ

અપામાર્ગં દન્તપવનં ઘૃતમધુલિપ્તં ભદ્રો નો અગ્ગ્નિરાહુત ઇત્યેતેનાનિષ્ઠીવન્ સઁવત્સરં ભક્ષયન્ સુભગો ભવતિ

ભગો ન ચિત્ર ઇત્યેતાભ્યામઞ્જયન્ સુભગો ભવતિ

ઇમમિન્દ્રેતિ વર્ગં પ્રયુઞ્જાનઃ સર્વજનસ્ય પ્રિયો ભવતિ

પરિ પ્રિયા દિવઃ કવિરિત્યેતે યાં કામયેત્તાઁ શ્રાવયેત્કામયતે હૈનમ્

અથ યાસ્ય ન ગુણી સ્યાત્તાં બ્રૂયાદાચામેતીન્દ્રો વિશ્વસ્ય રાજતીત્યેતાભ્યામાચામેત્

પદપાꣳસૂન્વાસ્યાગ્નૌ જુહુયાદ્યે તે પન્થા અધો દિવ ઇતિ

તૈલઁ વૈનાઁ યાચિત્વા પાણી પરિમૃદ્વન્નગ્નૌ પ્રતાપયેદગ્ગ્ન આયાહિ વીતય ઇતિ દ્વિતીયેન નાનાગતાયાઁ વિરમેત્

ગોજરાયુકમહસ્તસ્પૃષ્ટꣳ શોષયિત્વા પ્રિયઙ્ગુકાꣳ સહાꣳ સહદેવા મધ્યણ્ડાં ભૂમિપાશકાꣳ સચાં કાચપુષ્પીમિત્યેતા ઉત્થાપ્ય તદહશ્ચૂર્ણાનિ કારયેદા નો વિશ્વાસુ હવ્યમિત્યેતેન ત્રિઃ સમ્પાતાꣳશ્ચૂર્ણેષુ કૃત્વા અગ્ગ્ન આયાહિ વીતય ઇતિ રહસ્યેનાદ્ભિઃ સઁયૂય તાનિ નાશુચિઃ પશ્યેદ્વોપસ્પૃશેદ્વા તદનુલેપનમેતેનાનુલિપ્તો યાઁ યામુપસ્પૃશતે સા સૈનં કામયતે

ગમ્યાં નાસ્નાત ઉપસ્પૃશેત્

ઉત્પલે બુદ્ધે પ્રિયઙ્ગુકા આવપેદ્યદા પર્ણાનિ સઁહરેદથૈનમુત્થાપ્ય ચતુરઙ્ગુલમુભયતઃ પરિચ્છિદ્ય મધ્યમુદ્ધરેત્તદનુલેપનમ્, તેનાનુલિમ્પેદવાꣳશં ચ નિ ત્વા નક્ષ્ય વિશ્પત ઇત્યેતેનાસ્ય વેશસ્થાઃ પ્રવ્રજિતાશ્ચ વશ્યા ભવન્તિ

કન્યાપ્રવહણ એકરાત્રોપોષિતોઽમાવાસ્યાયાં નિશિ ચતુષ્પથ એહ્યૂષુ બ્રવાણિ ત ઇત્યેતેનાભિષિઞ્ચેત્ ત્રિરભિષિક્તા પ્રદીયતે

આ તે વત્સાઃ ઇતિ પુંસઃ

ત્રિરાત્રોપોષિતઃ કૃષ્ણચતુર્દશ્યાꣳ શવાદગારમાહૃત્ય ચતુષ્પથે બાધકમિધ્મમુપસમાધાય મત્સ્યં કૃકરમિત્યેતૌ જુહુયાદગ્ગ્ને મૃડ મહાꣳ અસીતિ પૂર્વેણાગ્ગ્નિર્વૃત્રાણીતિ દ્વિતીયાં। તે આહુતી કોશે કૃત્વા હરિતાલેન ગોહૃદયશોણિતેન ચોત્તરેણ સંનયેદ્યં દ્વિષ્યાત્ પ્રમꣳહિષ્ઠીયેનાસ્ય શય્યામવકિરેદગારં ચ ભસ્મના નૈકગ્રામે વસતિ

અથાતો યશસ્યાનાં ત્વમિન્દ્ર યશા અસિ, પવતે હર્ય્યતો હરિરિત્યેતેષામેકમનેકં વા સર્વાણિ વા પ્રયુઞ્જાનો યશસ્વી ભવતિ

પ્રિયઙ્ગુકા વા પુષ્યેણાભિજુહુયાદ્યશો મેતિ તદનુલેપનમ્ તેનાનુલિમ્પેત્ સંવત્સરમ્। યશસ્વી ભવતિ યશસ્વી ભવતિ

ઇતિ ષષ્ઠઃ ખણ્ડઃ ॥૨।૬॥
2.7 અથાતો બ્રહ્મવર્ચસ્યાનાઁ। રથન્તરં વામદેવ્યં નૌધસꣳ શ્યૈતં મહાનામ્ન્યો યજ્ઞાયજ્ઞીયમિત્યેતેષામેકમનેકઁ વા સર્વાણિ વા પ્રયુઞ્જાનો બ્રહ્મવર્ચસી ભવતિ

કસ્તમિન્દ્રેતિ દ્વિકં પ્રયુઞ્જાનો બ્રહ્મવર્ચસી ભવતિ શ્રદ્ધા ચાસ્ય ભવતિ

જગૃહ્મા ત ઇતિ ષડ્વર્ગં પ્રયુઞ્જાનો બ્રહ્મવર્ચસી ભવતિ

અષ્ટરાત્રોપોષિતો બ્રાહ્મીમુત્થાપ્ય પ્રજાપતેર્હૃદયેનાભિગીય સહસ્રકૃત્વઃ પ્રાશ્નીયાચ્છ્રુતનિગાદી ભવતિ

પુષ્પાણિ વાસ્યા ઉદકેન સંવત્સરં યણ્વેન પ્રાશ્નીયાચ્છ્રુતનિગાદી ભવતિ

માસꣳ સોમભક્ષઃ સ્યાત્સદસસ્પતિમદ્ભુતમિત્યેતેન શ્રુતનિગાદી ભવતિ

સદા વૈતત્પ્રયુઞ્જીત શ્રુતનિગાદી ભવતિ

ભારદ્વાજિકાયા જિહ્વામુત્થાપ્ય તદહશ્ચૂર્ણં કારયિત્વા મધુસર્પિભ્યાꣳ સઁયૂય પ્રાગન્નપ્રાશનાત્કુમારં પ્રાશયેદિન્દ્રમિદ્ગાથિનો બૃહદિત્યેતેન શ્રુતનિગાદી ભવતિ

હરિદ્રાયાસ્તુલાવરાર્દ્ધં ચૂર્ણયિત્વૈતેનૈવ કલ્પેન સંવત્સરં યણ્વેન પ્રાશ્નીયાચ્છ્રુતનિગાદી ભવતિ

વચામેતેન કલ્પેન વાચોવ્રતેન પૂર્વેણ પ્રાશ્નીયાચ્છ્રુતનિગાદી ભવતિ

મત્સ્યાક્ષક શઙ્ખપુષ્પી વચા કેરડી ઘૃતાનિ બાર્હ દ્ગિરેણાભિજુહુયાત્સહસ્રકૃત્વઃ શતાવરમેતેનૈવ પ્રાશ્નીયાચ્છ્રુતનિગાદી ભવતિ

વચાયાસ્ત્રિવૃતં કારયેન્મણિમગ્નિં પ્રતિષ્ઠાપ્યાવૃતા હુત્વા મણિં નિધાય વાચોવ્રતેનોત્તરેણાભિજુહુયાત્ સહસ્રકૃત્વઃ શતાવરન્તં મણિં કણ્ઠેન શિરસા વા ધારયન્ કથાસુ શ્રેયાન્ ભવતિ

વચાં મધુકમિત્યેતે આસ્યેઽવધાયાપાં ફેનેનેત્યેતન્મનસાનુદ્રત્યાન્તે સ્વાહાકારેણ નિગીર્ય્ય
રાજન્વાનહમરાજકસ્ત્વમસીત્યુક્ત્વા વિવદેત્ પર્ષદિ રાજનિ ચોત્તરવાદી ભવત્યુત્તરવાદી ભવતિ

ઇતિ સપ્તમઃ ખણ્ડઃ॥૨।૭॥
2.8 અથાતઃ પુત્રીયાણામ્

નિ ત્વા નક્ષ્ય, નિ ત્વામગ્ગ્ને, પ્રયોરાયેઽયમગ્નિઃ સુવીર્ય્યસ્ય, જાતઃ પરેણ, ન હિ વશ્ચરમઞ્ચ ન, સોમઃ પવતે જનિતા મતીનામિતિ સર્વાણ્યપત્યં નિત્યવત્સાઃ , રથન્તરં, વ્યાહૃતિવર્ગ્ગોઽરૂરુચદિતિ દ્વે એતેષામેકમનેકં વા સર્વાણિ વા પ્રયુઞ્જાનઃ સુરૂપાન્ દીર્ઘાયુષઃ પુત્રાઁલ્લભતે

રોહિણ્યાઁ વા રોહિણ્યા ગોઃ સરૂપવત્સાયાઃ પયસિ રક્તશાલીનાં સ્થાલીપાકꣳ શ્રપયિત્વા પરમેષ્ઠિનઃ પ્રાજાપત્યસ્ય વ્રતેનાભિજુહુયાત્ સહસ્રકૃત્વઃ શતાવરમેતેનૈવાભિગીયોદ્ધૃત્ય સભાર્યઃ પ્રાશ્નીયાત્ સુરૂપાન્ દીર્ઘાયુષઃ પુત્રાઁલ્લભતે

કૃષ્ણાયા ગોસ્સરૂપવત્સાયાઃ પયસિ કૃષ્ણષષ્ટિકાણાꣳ સ્થાલીપાકꣳ શ્રપયિત્વા કૃષ્ણપઞ્ચમ્યામુદિતે સોમે ત્વમિમા ઓષધીરિત્યેતેનાભિજુહુયાત્ સહસ્રકૃત્વઃ શતાવરમેતેનૈવાભિગીયોદ્ધૃત્ય સભાર્યઃ પ્રાશ્નીયાત્ સુરૂપાન્ દીર્ઘાયુષઃ પુત્રાઁલ્લભતે

કૌમ્ભ્યં ઘૃતં પુરુષવ્રતેનાભિજુહુયાદનુગાનશ ઉત્તરેણ સદા પ્રાશ્નીયાત્ સુરૂપાન્ દીર્ઘાયુષઃ પુત્રાઁલ્લભતે

ઉડઙ્ગવાનાઁ યોઽગ્રે ગચ્છેત્ તં ગૃહીત્વા તદહસ્ત્રિવૃતં કારયેન્મણિમગ્નિં પ્રતિષ્ઠાપ્યાવૃતા હુત્વા મણિં નિધાયોચ્ચા તે જાતમન્ધસ ઇતિ તૃતીયેનાભિજુહુયાત્ સહસ્રકૃત્વઃ શતાવરં તં મણિં કણ્ઠેન શિરસા વા ધારયઞ્ચ્છતાનુચરો ભવતિ શતાનુચરો ભવતિ

ઇત્યષ્ટમઃ ખણ્ડઃ॥૨।૮॥
ઇતિ દ્વિતીયઃ પ્રપાઠકઃ