સમાધિરાજસૂત્ર · અધ્યાય 27

ઇતિ શ્રીસમાધિરાજે દાનાનુશંસાપરિવર્તો નામ ષડવિંશતિતમઃ ॥
(વૈદ્ય 160)
27 શીલનિર્દેશપરિવર્તઃ ।
દશેમે કુમાર અનુશંસાઃ પરિશુદ્ધશીલસ્ય બોધિસત્ત્વસ્ય મહાસત્ત્વસ્ય । કતમે દશ? યદુત જ્ઞાનં ચ પરિશોધયતિ પરિપૂરયતિ । બુદ્ધાનાં ભગવતામનુશિક્ષતે । અગર્હિતો ભવતિ પણ્ડિતાનામ્ । પ્રતિજ્ઞાતો ન ચલતિ । પ્રતિપત્તૌ તિષ્ઠતિ । સંસારાત્ પલાયતે । નિર્વાણમર્પયતિ । નિષ્પર્યુત્થાનો વિહરતિ । સમાધિં પ્રતિલભતે । અદરિદ્રશ્ચ ભવતિ । ઇમે કુમાર દશાનુશંસાઃ પરિશુદ્ધશીલસ્ય બોધિસત્ત્વસ્ય મહાસત્ત્વસ્ય ॥
તત્રેદમુચ્યતે -
જ્ઞાનં ચ પરિપૂરેતિ બુદ્ધાનામનુશિક્ષતે ।
અગર્હિતઃ પણ્ડિતાનાં ભોતિ નિત્યં વિશારદઃ

પ્રતિજ્ઞાતો ન ચલતિ પ્રતિપત્તૌ ચ તિષ્ઠતિ ।
અર્પેતિ યેન નિર્વાણં સંસારાતઃ પલાયતે

નિષ્પર્યુત્થિતો વિહરતિ સમાધિં લભતે લઘુ ।
અદરિદ્રશ્ચ ભવતિ શીલસ્કન્ધે પ્રતિષ્ઠિતઃ

જ્ઞાનં ચ તસ્યો પરિપૂર્ણુ ભોતિ અનુશિક્ષતે ચાતિ તથાગતાનામ્ ।
ન ચાસ્ય નિન્દાં પ્રકરોન્તિ પણ્ડિતાઃ તથા હિ તસ્યો પરિશુદ્ધ શીલમ્

પ્રતિજ્ઞાતો ઽસૌ ન ચલાતિ પણ્ડિતઃ તથા હિ શૂરઃ પ્રતિપત્તિયે સ્થિતઃ ।
દૃષ્ટ્વા ચ સંસારમનેકદોષં પલાયતે નિર્વૃતિ યેન યાતિ

પર્યુત્થિતં ચિત્તુ ન ભોતિ તસ્ય તથા હ્યસૌ શીલબલે પ્રતિષ્ઠિતઃ ।
ક્ષિપ્રં સમાધિં લભતે નિરઙ્ગણં પરિશુદ્ધશીલસ્યિમિ આનુશંસાઃ