સમાધિરાજસૂત્ર · અધ્યાય 26

ઇતિ શ્રીસમાધિરાજે અનુમોદનાપરિવર્તો નામ પઞ્ચવિંશતિતમઃ ॥
(વૈદ્ય 158)
26 દાનાનુશંસાપરિવર્તઃ ।
તસ્માત્તર્હિ કુમાર અપ્રમત્તો ભવિષ્યામીત્યેવં ત્વયા કુમાર શિક્ષિતવ્યમ્, અપ્રમત્તસ્ય હિ કુમાર બોધિસત્ત્વસ્ય મહાસત્ત્વસ્ય ન દુર્લભા ભવત્યનુત્તરા સમ્યક્સંબોધિઃ, કિમઙ્ગ પુનરયં સમાધિઃ । કથં ચ કુમાર બોધિસત્ત્વો મહાસત્ત્વઃ અપ્રમત્તો ભવતિ? ઇહ કુમાર બોધિસત્ત્વો મહાસત્ત્વઃ પરિશુદ્ધશીલો ભવતિ । ઇહ કુમાર પરિશુદ્ધશીલો બોધિસત્ત્વઃ અપ્રમત્તો ભવતિ । ઇહ કુમાર બોધિસત્ત્વો મહાસત્ત્વઃ પરિશુદ્ધશીલો ભવતિ । ઇહ કુમાર પરિશુદ્ધશીલો બોધિસત્ત્વો મહાસત્ત્વઃ અવિરહિતો ભવતિ સર્વજ્ઞતાચિત્તેન ષટ્સુ પારમિતાસુ । તસ્યેમે આનુશંસા ભવન્તિ । તાન્ શૃણુ, સાધુ ચ સુષ્ઠુ ચ મનસિકુરુ । ભાષિષ્યે ઽહં તે । દેશેમે કુમાર અનુશંસા દાનાધિમુક્તસ્ય બોધિસત્ત્વસ્ય મહાસત્ત્વસ્ય । કતમે દશ? યદુત માત્સર્યક્લેશો ઽસ્ય નિગૃહીતો ભવતિ । ત્યાગાનુબૃંહિતં ચાસ્ય ચિત્તં સદા ભવતિ । બહુજનસાધારણેભ્યશ્ચ ભોગેભ્યઃ સારમાદદાતિ । મહાભોગેષુ ચ કુલેષૂપપદ્યતે । જાતમાત્રસ્ય ચાસ્ય ત્યાગચિત્તમામુખીભવતિ । પ્રિયશ્ચ ભવતિ ચતસૃણાં પર્ષદામૂ । વિશારદશ્ચાસંકુચિતઃ પર્ષદમવગાહતે । દિગ્વિદિક્ષુ ચાસ્યોદારો વર્ણકીર્તિશબ્દશ્લોકો લોકે ઽભ્યુદ્ગચ્છતિ । મૃદુતરુણહસ્તપાદશ્ચ ભવતિ સમચરણતલપ્રતિષ્ઠિતઃ । અવિરહિતશ્ચ ભવતિ કલ્યાણમિત્રૈર્યાવદ્બોધિમણ્ડનિષદનાત્ । ઇમે કુમાર દશાનુશંસા દાનાધિમુક્તસ્ય બોધિસત્ત્વસ્ય મહાસત્ત્વસ્ય ॥
તત્રેદમુચ્યતે -
નિગૃહીતં સિ માત્સર્યં ત્યાગચિત્તં ચ બૃંહિતમ્ ।
આદત્તસારો ભવતિ સમૃદ્ધે જાયતે કુલે

જાતમાત્રસ્ય ચિત્તં સિ ત્યાગ એવ પ્રવર્તતે ।
પ્રિયો ભવતિ સત્ત્વાનાં ગૃહપ્રવ્રજિતાન ચ

વિશારદશ્ચ પર્ષત્સુ અમ રૂપ સંક્રમેત્ ।
ભવત્યુદારશબ્દો ઽસ્ય ગ્રામેષુ નગરેષુ ચ

મૃદૂ હસ્તૌ ચ પાદૌ ચ ભવિષ્યન્તિ ન દુર્લભાઃ ।
કલ્યાણમિત્રાંલ્લભતે બુદ્ધાંશ્ચ શ્રાવકાનપિ

માત્સર્યચિત્તં સિ ન જાતુ ભોતિ ત્યાગેષુ ચિત્ત રમતે ઽસ્ય નિત્યમ્ ।
પ્રિયશ્ચ ભોતિ બહુસત્ત્વકોટિનાં અમત્સરિસ્યા ઇમિ આનુશંસાઃ

(વૈદ્ય 159)
મહાધને ચાપિ કુલે સ જાયતે જાતસ્ય ત્યાગે રમતે મનો ઽસ્ય ।
આદત્તસારશ્ચ કરોતિ કાલમમત્સરિસ્યા ઇમિ આનુશંસાઃ

વિશારદશ્ચો પરિષાં વિગાહતે ઉદારશબ્દો ઽસ્ય દિશાસુ યાતિ ।
મૃદુ હસ્તપાદો ઽસ્ય સદૈવ જાયતે અમત્સરિસ્યા ઇમિ આનુશંસાઃ

કલ્યાણમિત્રાસ્ય ન ભોન્તિ દુર્લભા બુદ્ધાંશ્ચ યો પશ્યતિ શ્રાવકાંશ્ચ ।
દૃષ્ટ્વા ચ તાન્ પૂજયતે પ્રસન્નો અમત્સરિસ્યા ઇમિ આનુશંસાઃ