સમાધિરાજસૂત્ર · અધ્યાય 25

ઇતિ શ્રીસમાધિરાજે પ્રતિસંવિદવતારપરિવર્તો નામ ચતુર્વિંશતિતમઃ ॥
(વૈદ્ય 155)
25 અનુમોદનાપરિવર્તઃ ।
તત્ર ભગવાન્ પુનરેવ ચન્દ્રપ્રભં કુમારભૂતમામન્ત્રયતે સ્મ - તસ્માત્તર્હિં કુમાર બોધિસત્ત્વેન મહાસત્ત્વેનોપાયકુશલેન ભવિતવ્યમ્ । કથં ચ કુમાર બોધિસત્ત્વો મહાસત્ત્વ ઉપાયકુશલો ભવતિ? ઇહ કુમાર બોધિસત્ત્વેન મહાસત્ત્વેન સર્વસત્ત્વાનામન્તિકે જ્ઞાતિસંજ્ઞા ઉત્પાદયિતવ્યા । સર્વસત્ત્વાનામન્તિકે જ્ઞાતિચિત્તમુપસ્થાપ્ય યઃ સર્વસત્ત્વાનાં કુશલમૂલપુણ્યસ્કન્ધસ્તત્ સર્વમનુમોદયિતવ્યમ્ । ત્રિરાત્ર્યાસ્ત્રિદિવસસ્ય સર્વસત્ત્વાનાં કુશલમૂલપુણ્યસ્કન્ધમનુમોદ્ય સર્વજ્ઞતારમ્બણેન ચિત્તોત્પાદેન તેષામેવ સર્વસત્ત્વાનાં નિર્યાતયિતવ્યમ્ । અનેન કુશલમૂલેન બોધિસત્ત્વો મહાસત્ત્વઃ ક્ષિપ્રમિમં સમાધિં પ્રતિલભતે,ક્ષિપ્રં ચાનુત્તરાં સમ્યક્સંબોધિમભિસંબુધ્યતે ॥
અથ ખલુ ભગવાંસ્તસ્યાં વેલાયામિમા ગાથા અભાષત -
સર્વે મમ જ્ઞાતય એતિ સત્ત્વાઃ યસ્તેષમસ્તી પૃથુ પુણ્યસ્કન્ધઃ ।
રાત્રેસ્ત્રિરેવં દિવસસ્ય ચ ત્રીરનુમોદમી એમુ જનિત્વ ચિત્તમ્

અનુમોદમી યે સુવિશુદ્ધશીલા યે જીવિતાર્થે ન કરોન્તિ પાપમ્ ।
અધિમુક્તિસંપન્ન ય બોધિસત્ત્વા અનુમોદમી તેષ ય કિંચિ પુણ્યમ્

અનુમોદમી યેષ પ્રસાદુ બુદ્ધે ધર્મે પ્રસાદો ઽસ્તિ તથૈવ સંઘે ।
અનુમોદમી યે સુગતસ્ય પૂજાં કુર્વન્તિ બોધિં પ્રતિકાઙ્ક્ષમાણાઃ

અનુમોદમી યેષ ન આત્મદૃષ્ટિર્ન ભાવદૃષ્ટિર્ન ચ જીવદૃષ્ટિઃ ।
(વૈદ્ય 156)
અનુમોદમી યેષ ન પાપદૃષ્ટિર્યે શૂન્યતાં દૃષ્ટ્વ જનેન્તિ તુષ્ટિમ્

અનુમોદમી યે સુગતસ્ય શાસને લભન્તિ પ્રવ્રજ્યોપસંપદં ચ ।
અલ્પેચ્છ સંતુષ્ટ વને વસન્તિ પ્રશાન્તચારિત્ર યે ધ્યાનગોચરાઃ

અનુમોદમી એકક યે ઽદ્વિતીયા વને વસન્તી સદ ખડ્ગભૂતાઃ ।
આજીવશુદ્ધાઃ સદ અલ્પકૃત્યા યે જ્ઞાત્રહેતોર્ન ન કરેન્તિ કૂહનામ્

અનુમોદમી યેષ ન સંસ્તવો ઽસ્તિ ન ચાપિ ઈર્ષ્યા ન કુલેષુ તૃષ્ણા ।
ઉત્ત્રસ્તિ ત્રૈધાતુકિ નિત્યકાલમ્ અનોપલિપ્તા વિચરન્તિ લોકે

અનુમોદમી યેષ પ્રપઞ્ચુ નાસ્તિ નિર્વિણ્ણ સર્વાસુ ભવોપપત્તિષુ ।
અવિગૃહીતા ઉપશાન્તચિત્તા ન દુર્લભસ્તેષ સમાધિરેષઃ

અનુમોદમી યે ગણદોષ દૃષ્ટ્વા સર્વાન્ વિવાદાન્ પરિવર્જયિત્વા ।
સેવન્ત્યરણ્યં વનમૂલમાશ્રિતા વિમુક્તિસારાઃ સુગતસ્ય પુત્રાઃ

અનુમોદમી યે વિહરન્ત્યરણ્યે નાત્માનમુત્કર્ષિ પરાન્ન પંસયે ।
અનુમોદમી યેષ પ્રમાદુ નાસ્તિ યે અપ્રમત્તા ઇમ બુદ્ધશાસને

યાવન્ત ધર્માઃ પૃથુ બોધિપાક્ષિકાઃ સર્વેષ મૂલં હ્યયમપ્રમાદઃ ।
યે બુદ્ધપુત્રાઃ સદ અપ્રમત્તા ન દુર્લભસ્તેષ અયં સમાધિઃ

નિધાનલાભઃ સુગતાન શાસનં પ્રવ્રજ્યલાભો દ્વિતીયં નિધાનમ્ ।
(વૈદ્ય 157)
શ્રદ્ધાય લાભસ્તૃતીયં નિધાનમયં સમાધિશ્ચતુર્થં નિધાનમ્

શ્રત્વા ઇમં શૂન્યત બુદ્ધગોચરં તસ્યાપ્રતિક્ષેપુ નિધાનલમ્ભઃ ।
અનન્તુ પ્રતિભાનુ નિધાનલમ્ભો યા ધારણી તત્ પરમં નિધાનમ્

યાવન્તિ ધર્માઃ કુશલાઃ પ્રકીર્તિતાઃ શીલં શ્રુતં ત્યાગુ તથૈવ ક્ષાન્તિઃ ।
સર્વેષ મૂલં હ્યયમપ્રમાદો નિધાનલમ્ભઃ સુગતેન દેશિતઃ

યે અપ્રમત્તા ઇહ બુદ્ધશાસને સમ્યક્ ચ યેષાં પ્રણિધાનમસ્તિ ।
ન દુર્લભસ્તેષ અયં સમાધિરાસન્નભૂતા ઇહ બુદ્ધશાસને