સમાધિરાજસૂત્ર · અધ્યાય 15

ઇતિ શ્રીસમાધિરાજે સ્મિતસંદર્શનપરિવર્તશ્ચતુર્દશઃ ॥ 14 ॥
(વૈદ્ય 95)
15 સ્મિતવ્યાકરણપરિવર્તઃ ।
અથ ખલુ ભગવાંસ્તસ્યાં વેલાયાં મૈત્રેયં બોધિસત્ત્વં મહાસત્ત્વમાભિઃ સારૂપ્યાભિર્ગાથાભિઃ પ્રત્યભાષત -
ચન્દ્રપ્રભો એષ કુમારભૂતઃ સંસ્તુત્ય બુદ્ધમતુલીય પ્રીતિયા ।
ભાષિત્વ બુદ્ધાન વિશિષ્ટ વર્ણં પ્રશંસનીયઃ સદ કાલિ ભેષ્યતિ

ઇહૈવ ચો રાજગૃહસ્મિ પૂર્વં દૃષ્ટ્વૈવ બુદ્ધાન સહસ્રકોટયઃ ।
સર્વેષ ચાનેન જિનાન અન્તિકે અયં વરઃ શાન્તસમાધિ પૃચ્છિતઃ

સર્વત્ર ચો એષ મમાસિ પુત્રો ઇમાં ચરન્તો વરબોધિચારિકામ્ ।
સર્વત્ર ચાસીત્ પ્રતિભાનવન્તઃ સર્વત્ર ચાસીત્ સદ બ્રહ્મચારી

સ પશ્ચિમે કાલિ મહાભયાનકે ત્વમેવ સાક્ષી અજિતા મમાત્ર ।
સ્થિહિત્વ શુદ્ધે સદ બ્રહ્મચર્યે વૈસ્તારિકં એષ સમાધિ કાહિતે

સમાધિમેષન્તુ ઇદં પ્રણીતં એતેન માર્ગેણ સ બોધિ લપ્સ્યતે ।
પરિગૃહીતો બહુબુદ્ધકોટિભિઃ પૂજાં વરાં કાહિતિ નાયકાનામ્

જ્ઞાને સ્થિહિત્વા અહુ વ્યાકરોમિ ચન્દ્રપ્રભસ્યાચરિતં વિશિષ્ટમ્ ।
ન પશ્ચકાલે ઽસ્ય ભવે ઽન્તરાયો ન બ્રહ્મચર્યસ્ય ન જીવિતસ્ય

હસ્તે યથા આમલકાનિ પઞ્ચ પ્રજાનાતિ બુદ્ધસહસ્રકોટયઃ ।
(વૈદ્ય 96)
તદુત્તરે યાત્તિક ગઙ્ગવાલિકા અનાગતા યેષ્વિય પૂજના હોતિ

દેવાન નાગાન અશીતિકોટયઃ યક્ષાણ ચો કોટિસહસ્ર સપ્તતિઃ ।
ઔત્સુક્યમેષન્તિ ય પશ્ચકાલે પૂજાં કરોન્તા દ્વિપદોત્તમાનામ્

સ પૂજ કૃત્વા દ્વિપદાન ઉત્તમાન્ સમુદાચરિ જ્ઞાનમિમં નિરુત્તરમ્ ।
સ પશ્ચિમે ચોચ્છ્રયિ લોકનાથો વિમલપ્રભો નામ જિનો ભવિષ્યતિ

ઇદં સ્વકં વ્યાકરણં શ્રુતિત્વા પ્રીતિસ્ફુટો આસિ કુમારભૂતઃ ।
ચન્દ્રપ્રભો ઉદ્ગત સપ્ત તાલ ઉદાનુદાનેતિ નભે સ્થિહિત્વા

અહો જિના ઉત્તમધર્મદેશકા વિમુક્તિજ્ઞાનાધિપતીબલે સ્થિતા ।
સુનિશ્ચિતે ઉત્તમજ્ઞાનિ તિષ્ઠસિ અનાભિભૂતો ઽસિ પરપ્રવાદિભિઃ

વિવર્જિતા સઙ્ગ વિમુક્તિ સ્પર્શિતા વિભાવિતં વસ્તુ ભવે ન સજ્જસિ ।
પ્રપઞ્ચ સર્વે સકલા ન ભોન્તિ તે અસઙ્ગજ્ઞાનં ત્રિભવે ઽભિવર્તતે

સર્વપ્રપઞ્ચેભિરનોપલિપ્તા દૃષ્ટિઃ પ્રપઞ્ચાઃ સકલાઃ પ્રહીણાઃ ।
સુભાવિઅતે માર્ગ નિકેતુ નાસ્તિ અનાભિભૂતા અવિરુદ્ધ કેનચિત

નિકેતુ ત્રૈધાતુકિ નાસ્તિ તુભ્યં ઓઘાશ્ચ ગ્રન્થાશ્ચ પ્રહીણ સર્વે ।
તૃષ્ણાલતાબન્ધન સર્વિ છિન્ના ભવ પ્રહીણો ભવસંઘિ નાસ્તિ

(વૈદ્ય 97)
સ્વભાવુ ધર્માણમભાવુ જાનસે અનાભિલપ્યા ગિર સંપ્રભાષસે ।
સિંહેન વા ક્રોષ્ટુક તીર્થ નાશિતા યે તે વિપર્યાસસ્થિતા અવિદ્વસુ

નિધાન શ્રેષ્ઠં મયિ લબ્ધમદ્ય ધર્મં નિધાનં સુગતેન દેશિતમ્ ।
પ્રહીણ સર્વા વિનિપાતુ દુર્ગતિ કાઙ્ક્ષા ન મેહાસ્તિ ભવિષ્ય નાયકઃ

મૂર્ધસ્મિ પાણિં પ્રતિસ્થાપયિત્વા સુવર્ણવર્ણં રુચિરં પ્રભાસ્વરમ્ ।
અભિષિઞ્ચ બોધાય નરર્ષભસ્તં સદેવકં લોક સ્થપેત્વ સાક્ષિણમ્