સાધનદીપિકા · અધ્યાય 9

નિજેષ્ટ-મન્ત્ર-જપ-પૂજયા અર્ધ-રાત્રિ-પર્યન્તં વિધાનમ્ ।
ઇતિ શ્રી-ઊર્ધ્વામ્નાયે મહા-તન્ત્રે શ્રીમદ્-ગોપેશ્વરી-વિધાનં સમાપ્તમ્ ।
અથ સમ્મોહન-તન્ત્રે પઞ્ચ-બાણેશ્વરી-વિધાનમ્ ।
વૃષભાનુ-સુતા સૈવ પઞ્ચ-બાણેશ્વરી સ્વયમ્ ।
સંક્ષોભણં દ્રાવણં ચ તથૈવાકર્ષણં પ્રિયે

વશીકરણમ્ એવાપિ ઉન્માદનમ્ અનુત્તમમ્ ।
એતે પઞ્ચ મહા-બાણા નન્દ-સૂનોર્ મનઃ સ્પૃશઃ

રાધિકાયાઃ કટાક્ષેપે મન્મથસ્ય વ્યવસ્થિતેઃ ।
અત્રીશ-વહ્નિ-પાશૈશ્ ચ સંક્ષોભણમ્ ઉદાહૃતમ્

તદ્ એવ વામ-નેત્રાઢ્યં દ્રાવણં નામ કીર્તનમ્ ।
આકર્ષણં કામ-બીજં વશીકરણમ્ ઉચ્યતે

પ-વર્ગ-તૃતીયં પૃથ્વી વામ-કર્ણે સુભૂષિતાઃ ।
ભૃગુઃ સર્ગી મહેશાનિ ઉન્માદનમ્ ઉદાહૃતમ્

ઓં નમો રાધિકાયૈ ચ ગોપેશ્વર્યૈ શુચિ-પ્રિયા ।
અષ્ટાદશાક્ષરો મન્ત્રઃ સર્વ-સિદ્ધિ-પ્રદાયકઃ

દુર્વાસા ઋષિર્ એતસ્ય છન્દોઽનુષ્ટુપ્ પ્રકીર્તિતમ્ ।
પ્રણવો બીજમ્ એતસ્ય સ્વાહા શક્તિર્ ઉદાહૃતા ।
ધ્યાન-પૂજાદિકં ચાસ્ય પૂર્વવત્ પરિકીર્તિતમ્

અતિસિત-વસનાં વિશાલ-નેત્રાં
વિવિધ-વિલાસ-પરાં પ્રિયેણ સાકમ્ ।
સુવિપુલ-મણિ-પીઠગાં કિશોરીં
હૃદિ વૃષભાનુ-સુતાં સ્મરેત નિત્યમ્

ખણ્ડ-ત્રયેણ મન્ત્રસ્ય દ્વિર્-આવૃત્ત્યા ષડ્-અઙ્ગકમ્ ।
ઇમાં વિદ્યાં સમાસાદ્ય વ્યાસાદ્યા ઋષિ-પુઙ્ગવાઃ

બ્રહ્માદ્યા દેવતાશ્ ચાપિ ઇન્દ્રાદ્યાશ્ ચ દિગ્-ઈશ્વરાઃ ।
નારાયણસ્ તથૈવાહં લક્ષ્મીઃ શેષસ્ તથા સ્મરઃ

અન્યે ચ સકલા દેવાઃ સકલૈશ્વર્યમ્ આપ્નુવન્ ।
તન્ત્રેષુ ગોપિતા પૂર્વં મયા તુભ્યં પ્રકાશિતા

ન દેયા યસ્ય કસ્યાપિ પુત્રેભ્યોઽભિપ્રગોપયેત્ ।
દેયા વિપ્રાય ભક્તાય સાધવે શુદ્ધ-ચેતસે

અલોલુપાય પુણ્યાય ભક્તિ-શ્રદ્ધાપરાય ચ ।
અન્યથા સિદ્ધિ-હાનિઃ સ્યાત્ તસ્માદ્ યત્નેન ગોપયેત્

પાણ્ડિત્યં સુકવિત્વં ચ રણે વાદે જયં તથા ।
વશીકારં વિભૂતિં ચ સ્વર્ગં ચૈવાપવર્ગકમ્ ।
અનાયાસેન દેવેશિ પ્રાપ્નુવન્તિ ન સંશયઃ

તથા હિ-
સંક્ષોભ-દ્રાવણાકર્ષ-વશ્યોન્માદન-રૂપિણઃ ।
આમ્બ્રં જમ્બુ ચ બકુલં ચમ્પકાશોક-પાદપાઃ