સાધનદીપિકા · અધ્યાય 7

[રાધિકાષ્ટોત્તર-શત-નામ-સ્તોત્રમ્]
અથૈવ સમ્પ્રવક્ષ્યામિ નામ્નામ્ અષ્ટોત્તરં શતમ્ ।
યસ્ય સંકીર્તનાદ્ એવ શ્રી-કૃષ્ણં વશયેદ્ ધ્રુવમ્

રાધિકા સુન્દરી ગોપી કૃષ્ણ-સઙ્ગમ-કારિણી ।
ચઞ્ચલાક્ષી કુરઙ્ગાક્ષી ગાન્ધર્વી વૃષભાનુજા

વીણા-પાણિઃ સ્મિતમુખી રક્તાશોક-લતાલયા ।
ગોવર્ધન-ચરી ગોપ્યા ગોપી-વેશ-મનોહરા

ચન્દ્રાવલી-સપત્ની ચ દર્પણાસ્યા કલાવતી ।
કૃપાવતી ઉપ્રતીકા તરુણી હૃદયઙ્ગમી

કૃષ્ણ-પ્રિયા કૃષ્ણ-સખી વિપરીત-રતિ-પ્રિયા ।
પ્રવીણા સુરત-પ્રીતા ચન્દ્રાસ્યા ચારુ-વિગ્રહા

કેકરાક્ષી હરેઃ કાન્તા મહા-લક્ષ્મીઃ સુકેલિની ।
સઙ્કેત-વટ-સંસ્થાના કમનીયા ચ કામિની

વૃષભાનુ-સુતા રાધા કિશોરી લલિતા-લતા ।
વિદ્યુદ્વલ્લી કાઞ્ચનાભા કુમારી મુગ્ધ-વેશિની

કેશિની કેશવ-સખી નવનીતૈક-વિક્રયા ।
ષોડશાબ્દા કલા-પૂર્ણા જારિણી જાર-સઙ્ઘિની

હર્ષિણી વર્ષિણી વીરા ધીરાધીરા ધરાધૃતિઃ ।
યૌવનસ્થા વનસ્થા ચ મધુરા મધુરાકૃતિઃ

વૃષભાનુ-પુરાવાસા માન-લીલા-વિશારદા ।
દાન-લીલા-દાન-દાત્રી દણ્ડ-હસ્તા ભ્રુવોન્નતા

સુસ્તની મધુરાસ્યા ચ બિમ્બોષ્ઠી પઞ્ચમ-સ્વરા ।
સઙ્ગીત-કુશલા સેવ્યા કૃષ્ણ-વશ્યત્વ-કારિણી

તારિણી હારિણી હીર્લા શીલા-લીલા-લલામિકા ।
ગોપાલી દધિ-વિક્રેત્રી પ્રૌઢા મુગ્ધા ચ મધ્યકા

સ્વાધીનપતિકા ચોક્તા ખણ્ડિતા ચાભિસારિકા ।
રસિકા રસિની રસ્યા રસ-શાસ્ત્રૈક-શેવધિઃ

પાલિકા લાલિકા લજ્જા લાલસા લલના-મણિઃ ।
બહુરૂપા સુરૂપા ચ સુપ્રસન્ના મહામતિઃ

મરાલ-ગમના મત્તા મન્ત્રિણી મન્ત્ર-નાયિકા ।
મન્ત્ર-રાજૈક-સંસેવ્યા મન્ત્ર-રાજૈક-સિદ્ધિદા

અષ્ટાદશાક્ષર-ફલા અષ્ટાક્ષર-નિષેવિતા ।
ઇત્ય્ એતદ્ રાધિકા દેવ્યા નામ્નામ્ અષ્ટોત્તરં શતમ્

કીર્તયેત્ પ્રાતર્ ઉત્થાય કૃષ્ણ-વશ્યત્વ-સિદ્ધયે ।
એકૈક-નામોચ્ચારેણ વશીભવતિ કેશવઃ