સાધનદીપિકા · અધ્યાય 13

ઇતિ સનત્-કુમાર-સંહિતાયાં યુગલ-દીપ-દાન-વિધિઃ ।
પઞ્ચમ-પટલઃ ।
પઞ્ચ-બાણૈઃ પુટીકૃત્ય યો જપેદ્ રાધિકા-મનુમ્ ।
તસ્ય સર્વાર્થ-સિદ્ધિઃ સ્યાત્ કૃષ્ણં પશ્યતિ તત્-ક્ષણાત્ ॥
હ્રીં હ્રીં ક્લીં બ્રૂં સઃ કૃષ્ણ-પ્રિયે હ્રાં હ્રીં ક્લીં સ્વાહા । ઇતિ ષોડશાક્ષરો
મન્ત્રઃ । ચતુઃષષ્ઠિ-યન્ત્ર-દીપ-દાન-પ્રયોગમ્ આહ ।
અથ સ્તવઃ ।
[શ્રી રાધા-કૃપા-કટાક્ષ-સ્તવ-રાજઃ]
મુનીન્દ્ર-વૃન્દ-વન્દિતે ત્રિ-લોક-શોક-હારિણી
પ્રસન્ન-વક્ત્ર-પણ્કજે નિકુઞ્જ-ભૂ-વિલાસિનિ
વ્રજેન્દ્ર-ભાનુ-નન્દિનિ વ્રજેન્દ્ર-સૂનુ-સઙ્ગતે
કદા કરિષ્યસીહ માં કૃપા-કટાક્ષ-ભાજનમ્

અશોક-વૃક્ષ-વલ્લરી-વિતાન-મણ્ડપ-સ્થિતે
પ્રવાલ-વાલ-પલ્લવ પ્રભા રુણાઙ્ઘ્રિ-કોમલે
વરાભય-સ્ફુરત્-કરે પ્રભૂત-સમ્પદાલયે
કદા કરિષ્યસીહ માં કૃપા-કટાક્ષ-ભાજનમ્

અનઙ્ગ-રણ્ગ મઙ્ગલ-પ્રસઙ્ગ-ભઙ્ગુર-ભ્રુવાં
સવિભ્રમં-સસમ્ભ્રમં દૃગન્ત-બાણ-પાતનૈ
નિરન્તરં વશી-કૃત-પ્રતીતિ-નન્દ-નન્દને
કદા કરિષ્યસીહ માં કૃપા-કટાક્ષ-ભાજનમ્

તડિત્-સુવર્ણ-ચમ્પક-પ્રદીપ્ત-ગૌર-વિગ્રહે
મુખ-પ્રભા-પરાસ્ત-કોટિ-શારદેન્દુ-મણ્ડલે
વિચિત્ર-ચિત્ર-સઞ્ચરચ્-ચકોર-શાવ-લોચને
કદા કરિષ્યસીહ માં કૃપા-કટાક્ષ-ભાજનમ્

મદોન્મદાતિ-યૌવને પ્રમોદ-માન-મણ્ડિતે
પ્રિયાનુરાગ-રઞ્જિતે કલા-વિલાસ-પણ્ડિતે
અનન્ય-ધન્ય-કુઞ્જ-રાજ્ય-કામ કેલિ-કોવિદે
કદા કરિષ્યસીહ માં કૃપા-કટાક્ષ-ભાજનમ્

અશેષ-હાવ-ભાવ-ધીર-હીર-હાર-ભૂષિતે
પ્રભૂત-શાત-કુમ્ભ-કુમ્ભ-કુમ્ભિ કુમ્ભ-સુસ્તનિ
પ્રશસ્ત-મન્દ-હાસ્ય-ચૂર્ણ-પૂર્ણ-સૌખ્ય-સાગરે
કદા કરિષ્યસીહ માં કૃપા-કટાક્ષ-ભાજનમ્

મૃણાલ-વાલ-વલ્લરી તરઙ્ગ-રઙ્ગ-દોર્-લતે
લતાગ્ર-લાસ્ય-લોલ-નીલ-લોચનાવલોકને
લલલ્-લુલન્-મિલન્-મનોજ્ઞ મુગ્ધ-મોહનાશ્રિતે
કદા કરિષ્યસીહ માં કૃપા-કટાક્ષ-ભાજનમ્

સુવર્ણ-માલિકાઞ્ચિત-ત્રિ-રેખ-કમ્બુ-કણ્ઠગે
ત્રિ-સૂત્ર-મઙ્ગલી-ગુણ-ત્રિ-રત્ન-દીપ્તિ-દીધિતિ
સલોલ-નીલ-કુન્તલ પ્રસૂન-ગુચ્છ-ગુમ્ફિતે
કદા કરિષ્યસીહ માં કૃપા-કટાક્ષ-ભાજનમ્

નિતમ્બ-બિમ્બ-લમ્બમાન-પુષ્પ-મેખલા-ગુણે
પ્રશસ્ત-રત્ન-કિઙ્કિણી-કલાપ-મધ્ય મઞ્જુલે
કરીન્દ્ર-શુણ્ડ-દણ્ડિકા-વરોહ-સૌભગોરુકે
કદા કરિષ્યસીહ માં કૃપા-કટાક્ષ-ભાજનમ્

અનેક-મન્ત્ર-નાદ-મઞ્જુ-નૂપુરા-રવ-સ્ખલત્
સમાજ-રાજ-હંસ-વંશ-નિક્વણાતિ-ગૌરવે
વિલોલ-હેમ-વલ્લરી-વિડમ્બિ-ચારુ-ચઙ્ક્રમે
કદા કરિષ્યસીહ માં કૃપા-કટાક્ષ-ભાજનમ્

અનન્ત-કોટિ-વિષ્ણુ-લોક-નમ્ર-પદ્મજાર્ચિતે
હિમાદ્રિજા-પુલોમજા-વિરિઞ્ચજા-વર-પ્રદે
અપાર-સિદ્ધિ-ઋદ્ધિ-દિગ્ધ-સત્-પદાઙ્ગુલી-નખે
કદા કરિષ્યસીહ માં કૃપા-કટાક્ષ-ભાજનમ્

મખેશ્વરિ! ક્રિયેશ્વરિ સ્વધેશ્વરિ સુરેશ્વરિ
ત્રિવેદ-ભારતીશ્વરિ પ્રમાણ-શાસનેશ્વરિ
રમેશ્વરિ! ક્ષમેશ્વરિ પ્રમોદ કાનનેશ્વરિ
વ્રજેશ્વરિ વ્રજાધિપે શ્રી રાધિકે નમોઽસ્તુ તે

ઇતી મમ્ અદ્ભુતં-સ્તવં નિશમ્ય ભાનુ-નન્દિની
કરોતુ સન્તતં જનં કૃપા-કટાક્ષ-ભાજનમ્
ભવેત્ તદૈવ-સઞ્ચિત-ત્રિ-રૂપ-કર્મ-નાશનં
ભવેત્ તદા-વ્રજેન્દ્ર-સૂનુ-મણ્ડલ-પ્રવેશનમ્

રાકાયાં ચ સિતાષ્ટમ્યાં દશમ્યાં ચ વિશુદ્ધ-ધીઃ ।
એકાદશ્યાં ત્રયોદશ્યાં યઃ પઠેત્ સ સ્વયં શિવઃ

યં યં કામયતે કામં તં તમ્ આપ્નોતિ સાધકઃ ।
રાધા-કૃપા-કટાક્ષેણ ભુક્ત્વાન્તે મોક્ષમ્ આપ્નુયાત્

ઊરુ-દઘ્ને નાભિ-દઘ્ને હૃદ્-દઘ્ને કણ્ટ-દઘ્નકે ।
રાધા-કુણ્ડ-જલે સ્થિતા યઃ પઠેત્ સાધકઃ શતમ્

તસ્ય સર્વાર્થ-સિદ્ધિઃ સ્યાદ્ વાક્-સામર્થ્યં તથા લભેત્ ।
ઐશ્વર્યં ચ લભેત્ સાક્ષાદ્ દૃશા પશ્યતિ રાધિકામ્

તેન સ તત્-ક્ષણાદ્ એવ તુષ્ટા દત્તે મહાવરમ્ ।
યેન પશ્યતિ નેત્રાભ્યાં તત્-પ્રિયં શ્યામસુન્દરમ્

નિત્ય-લીલા-પ્રવેશં ચ દદાતિ શ્રી-વ્રજાધિપઃ ।
અતઃ પરતરં પ્રાર્થ્યં વૈષ્ણવસ્ય ન વિદ્યતે