સદ્ધર્મપુણ્ડરીકસૂત્ર · અધ્યાય 6

ઇત્યાર્યસદ્ધર્મપુણ્ડરીકે ધર્મપર્યાયે ઓષધીપરિવર્તો નામ પઞ્ચમઃ ॥
સદ્ધ્પ્_6: વ્યાકરણપરિવર્તઃ ।
અથ ખલુ ભગવાનિમા ગાથા ભાષિત્વા સર્વાવન્તં ભિક્ષુસંઘમામન્ત્રયતે સ્મ - આરોચયામિ વો ભિક્ષવઃ, પ્રતિવેદયામિ । અયં મમ શ્રાવકઃ કાશ્યપો ભિક્ષુસ્ત્રિંશતો બુદ્ધકોટીસહસ્રાણામન્તિકે સત્કારં કરિષ્યતિ, ગુરુકારં માનનાં પૂજનામર્ચનામપચાયનાં કરિષ્યતિ, તેષાં ચ બુદ્ધાનાં ભગવતાં સદ્ધર્મં ધારયિષ્યતિ । સ પશ્ચિમે સમુચ્છ્રયે અવભાસપ્રાપ્તાયાં લોકધાતૌ મહાવ્યૂહે કલ્પે રશ્મિપ્રભાસો નામ તથાગતો ઽર્હન્ સમ્યક્સંબુદ્ધો લોકે ભવિષ્યતિ વિદ્યાચરણસંપન્નઃ સુગતો લોકવિદનુત્તરઃ પુરુષદમ્યસારથિઃ શાસ્તા દેવાનાં ચ મનુષ્યાણાં ચ બુદ્ધો ભગવાન્ । દ્વાદશ ચાસ્યાન્તરકલ્પાનાયુષ્પ્રમાણં ભવિષ્યતિ । વિંશતિં ચાસ્યાન્તરકલ્પાન્ સદ્ધર્મઃ સ્થાસ્યતિ । વિંશતિમેવાન્તરકલ્પાન્ સદ્ધર્મપ્રતિરૂપકઃ સ્થાસ્યતિ । તચ્ચાસ્ય બુદ્ધક્ષેત્રં શુદ્ધં ભવિષ્યતિ શુચિ અપગતપાષાણશર્કરકઠલ્યમપગતશ્વભ્રપ્રપાતમપગતસ્યન્દનિકાગૂથોલિગલ્લં સમં રમણીયં પ્રાસાદિકં દર્શનીયં વૈડૂર્યમયં રત્નવૃક્ષપ્રતિમણ્ડિતં સુવર્ણસૂત્રાષ્ટાપદનિબદ્ધં પુષ્પાભિકીર્ણમ્ । બહૂનિ ચ તત્ર બોધિસત્ત્વશતસહસ્રાણ્યુત્પત્સ્યન્તે । અપ્રમેયાણિ ચ તત્ર શ્રાવકકોટીનયુતશતસહસ્રાણિ ભવિષ્યન્તિ । ન ચ તત્ર મારઃ પાપીયાનવતારં લપ્સ્યતે, ન ચ મારપર્ષત્ પ્રજ્ઞાસ્યતે । ભવિષ્યન્તિ તત્ર ખલુ પુનર્મારશ્ચ મારપર્ષદશ્ચ । અપિ તુ ખલુ પુનસ્તત્ર લોકધાતૌ તસ્યૈવ ભગવતો રશ્મિપ્રભાસસ્ય તથાગતસ્ય શાસને સદ્ધર્મપરિગ્રહાયાભિયુક્તા ભવિષ્યન્તિ ॥
અથ ખલુ ભગવાંસ્તસ્યાં વેલાયામિમા ગાથા અભાષત -
પશ્યામ્યહં ભિક્ષવ બુદ્ધચક્ષુષા સ્થવિરો હ્યયં કાશ્યપ બુદ્ધ ભેષ્યતિ ।
અનાગતે ઽધ્વાનિ અસંખ્યકલ્પે કૃત્વાન પૂજાં દ્વિપદોત્તમાનામ્

ત્રિંશત્સહસ્રાઃ પરિપૂર્ણકોટ્યો જિનાનયં દ્રક્ષ્યતિ કાશ્યપો હ્યયમ્ ।
ચરિષ્યતી તત્ર ચ બ્રહ્મચર્યં બૌદ્ધસ્ય જ્ઞાનસ્ય કૃતેન ભિક્ષવઃ

કૃત્વાન પૂજાં દ્વિપદોત્તમાનાં સમુદાનિય જ્ઞાનમિદં અનુત્તરમ્ ।
સ પશ્ચિમે ચોચ્છ્રયિ લોકનાથો ભવિષ્યતે અપ્રતિમો મહર્ષિઃ

ક્ષેત્રં ચ તસ્ય પ્રવરં ભવિષ્યતિ વિચિત્ર શુદ્ધં શુભ દર્શનીયમ્ ।
મનોજ્ઞરૂપં સદ પ્રેમણીયં સુવર્ણસૂત્રૈઃ સમલંકૃતં ચ

રત્નામયા વૃક્ષ તહિં વિચિત્રા અષ્ટાપદસ્મિં તહિ એકમેકે ।
મનોજ્ઞગન્ધં ચ વિમુઞ્ચમાના ભેષ્યન્તિ ક્ષેત્રસ્મિ ઇમસ્મિ ભિક્ષો

પુષ્પપ્રકારૈઃ સમલંકૃતં ચ વિચિત્રપુષ્પૈરુપશોભિતં ચ ।
શ્વભ્રપ્રપાતા ન ચ તત્ર સન્તિ સમં શિવં ભેષ્યતિ દર્શનીયમ્

તહિ બોધિસત્ત્વાન સહસ્રકોટ્યઃ સુદાન્તચિત્તાન મહર્દ્ધિકાનામ્ ।
વૈપુલ્યસૂત્રાન્તધરાણ તાયિનાં બહૂ ભવિષ્યન્તિ સહસ્ર નેકે

અનાસ્રવા અન્તિમદેહધારિણો ભેષ્યન્તિ યે શ્રાવક ધર્મરાજ્ઞઃ ।
પ્રમાણુ તેષાં ન કદાચિ વિદ્યતે દિવ્યેન જ્ઞાનેન ગણિત્વ કલ્પાન્

સો દ્વાદશ અન્તરકલ્પ સ્થાસ્યતિ સદ્ધર્મ વિંશાન્તરકલ્પ સ્થાસ્યતિ ।
પ્રતિરૂપકશ્ચાન્તરકલ્પ વિંશતિં રશ્મિપ્રભાસસ્ય વિયૂહ ભેષ્યતિ

અથ ખલ્વાયુષ્માન્ મહામૌદ્ગલ્યાયનઃ સ્થવિર આયુષ્માંશ્ચ સુભૂતિરાયુષ્માંશ્ચ મહાકાત્યાયનઃ પ્રવેપમાનૈઃ કાયૈર્ભગવન્તમનિમિષૈર્નેત્રૈર્વ્યવલોકયન્તિ સ્મ ।
તસ્યાં ચ વેલાયાં પૃથક્ પૃથઙમનઃસંગીત્યા ઇમા ગાથા અભાષન્ત -
અર્હન્ત હે મહાવીર શાક્યસિંહ નરોત્તમ ।
અસ્માકમનુકમ્પાય બુદ્ધશબ્દમુદીરય

અવશ્યમવસરં જ્ઞાત્વા અસ્માકં પિ નરોત્તમ ।
અમૃતેનેવ સિઞ્ચિત્વા વ્યાકુરુષ્વ વિભોજન

દુર્ભિક્ષાદાગતઃ કશ્ચિન્નરો લબ્ધ્વા સુભોજનમ્ ।
પ્રતીક્ષ ભૂય ઉચ્યેત હસ્તપ્રાપ્તસ્મિ ભોજને

એવમેવોત્સુકા અસ્મો હીનયાનં વિચિન્તય ।
દુષ્કાલભુક્તસત્ત્વા વા બુદ્ધજ્ઞાનં લભામહે

ન તાવદસ્માન્ સંબુદ્ધો વ્યાકરોતિ મહામુનિઃ ।
યથા હસ્તસ્મિ પ્રક્ષિપ્તં ન તદ્ભુઞ્જીત ભોજનમ્

એવં ચ ઉત્સુકા વીર શ્રુત્વા ઘોષમનુત્તરમ્ ।
વ્યાકૃતા યદ ભેષ્યામસ્તદા ભેષ્યામ નિર્વૃતાઃ

વ્યાકરોહિ મહાવીર હિતૈષી અનુકમ્પકઃ ।
અપિ દારિદ્ર્યચિત્તાનાં ભવેદન્તો મહામુને

અથ ખલુ ભગવાંસ્તેષા મહાશ્રાવકાણાં સ્થવિરાણામિમમેવંરૂપં ચેતસૈવ ચેતઃપરિવિતર્કમાજ્ઞાય પુનરપિ સર્વાવન્તં ભિક્ષુસંઘમામન્ત્રયતે સ્મ - અયં મે ભિક્ષવો મહાશ્રાવકઃ સ્થવિરઃ સુભૂતિસ્ત્રિંશત એવ બુદ્ધકોટીનયુતશતસહસ્રાણાં સત્કારં કરિષ્યતિ, ગુરુકારં માનનાં પૂજનામર્ચનામપચાયનાં કરિષ્યતિ । તત્ર ચ બ્રહ્મચર્યં ચરિષ્યતિ, બોધિં ચ સમુદાનયિષ્યતિ । એવંરૂપાંશ્ચાધિકારાન્ કૃત્વા પશ્ચિમે સમુચ્છ્રયે શશિકેતુર્નામ તથાગતો ઽર્હન્ સમ્યક્સંબુદ્ધો લોકે ભવિષ્યતિ વિદ્યાચરણસંપન્નઃ સુગતો લોકવિદનુત્તરઃ પુરુષદમ્યસારથિઃ શાસ્તા દેવાનાં ચ મનુષ્યાણાં ચ બુદ્ધો ભગવાન્ । રત્નસંભવં ચ નામાસ્ય તદ્ બુદ્ધક્ષેત્રં ભવિષ્યતિ । રત્નાવભાસશ્ચ નામ સ કલ્પો ભવિષ્યતિ । સમં ચ તદ્ બુદ્ધક્ષેત્રં ભવિષ્યતિ, રમણીયં સ્ફટિકમયં રત્નવૃક્ષવિચિત્રિતમપગતશ્વભ્રપ્રપાતમપગતગૂથોલિગલ્લં મનોજ્ઞં પુષ્પાભિકીર્ણમ્ । કૂટાગારપરિભોગેષુ ચાત્ર પુરુષા વાસં કલ્પયિષ્યન્તિ । બહવશ્ચાસ્ય શ્રાવકા ભવિષ્યન્ત્યપરિમાણાઃ, યેષાં ન શક્યં ગણનયા પર્યન્તો ઽધિગન્તુમ્ । બહૂનિ ચાત્ર બોધિસત્ત્વકોટીનયુતશતસહસ્રાણિ ભવિઃયન્તિ । તસ્ય ચ ભગવતો દ્વાદશાન્તરકલ્પાનાયુઃપ્રમાણં ભવિઃયતિ । વિંશતિં ચાન્તરકલ્પાન્ સદ્ધર્મઃ સ્થાસ્યતિ । વિંશતિમેવાન્તરકલ્પાન્ સદ્ધર્મપ્રતિરૂપકઃ સ્થાસ્યતિ । સ ચ ભગવાન્ વૈહાયસમન્તરીક્ઃએ સ્થિત્વા અભીક્ઃણં ધર્મં દેશયિઃયતિ, બહૂનિ ચ બોધિસત્ત્વશતસહસ્રાણિ બહૂનિ ચ શ્રાવકશતસહસ્રાણિ વિનેઃયતિ ॥
અથ ખલુ ભગવાંસ્તસ્યાં વેલાયામિમા ગાથા અભાષત -
આરોચયામિ અહમદ્ય ભિક્ષવઃ પ્રતિવેદયામ્યદ્ય મમા શૃણોથ ।
સ્થવિરઃ સુભૂતિર્મમ શ્રાવકો ઽયં ભવિષ્યતે બુદ્ધ અનાગતે ઽધ્વનિ

બુદ્ધાંશ્ચ પશ્યિત્વ મહાનુભાવાન્ ત્રિંશચ્ચ પૂર્ણાનયુતાન કોટીઃ ।
ચરિષ્યતે ચર્ય તદાનુલોમિકીમિમસ્ય જ્ઞાનસ્ય કૃતેન ચૈષઃ

સ પશ્ચિમે વીર સમુચ્છ્રયસ્મિન્ દ્વાત્રિંશતીલક્ષણરૂપધારી ।
સુવર્ણયૂપપ્રતિમો મહર્ષિર્ભવિષ્યતે લોકહિતાનુકમ્પી

સુદર્શનીયં ચ સુક્ષેત્ર ભેષ્યતિ ઇષ્ટં મનોજ્ઞં ચ મહાજનસ્ય ।
વિહરિષ્યતે યત્ર સ લોકબન્ધુસ્તારિત્વ પ્રાણીનયુતાન કોટીઃ

બહુબોધિસત્ત્વાત્ર મહાનુભાવા અવિવર્ત્યચક્રસ્ય પ્રવર્તિતારઃ ।
તીક્ષ્ણેન્દ્રિયાસ્તસ્ય જિનસ્ય શાસને યે શોભયિષ્યન્તિ ત બુદ્ધક્ષેત્રમ્

બહુશ્રાવકાસ્તસ્ય ન સંખ્ય તેષાં પ્રમાણુ નૈવાસ્તિ કદાચિ તેષામ્ ।
ષડભિજ્ઞ ત્રૈવિદ્ય મહર્દ્ધિકાશ્ચ અષ્ટાવિમોક્ષેષુ પ્રતિષ્ઠિતાશ્ચ

અચિન્તિયં ઋદ્ધિબલં ચ ભેષ્યતિ પ્રકાશયન્તસ્યિમમગ્રબોધિમ્ ।
દેવા મનુષ્યા યથ ગઙ્ગવાલિકા ભેષ્યન્તિ તસ્યો સતતં કૃતાઞ્જલી

સો દ્વાદશો અન્તરકલ્પ સ્થાસ્યપિ સદ્ધર્મુ વિંશાન્તરકલ્પ સ્થાસ્યતિ ।
પ્રતિરૂપકો વિંશતિમેવ સ્થાસ્યતિ કલ્પાન્તરાણિ દ્વિપદોત્તમસ્ય

અથ ખલુ ભગવાન્ પુનરેવ સર્વાવન્તં ભિક્ષુસંઘમામન્ત્રયતે સ્મ - આરોચયામિ વો ભિક્ષયઃ, પ્રતિવેદયામિ । અયં મમ શ્રાવકઃ સ્થવિરો મહાકાત્યાયનો ઽષ્ટાનાં બુદ્ધકોટીશતસહસ્રાણામન્તિકે સત્કારં કરિષ્યતિ, ગુરુકારં માનનાં પૂજનામર્ચનામપચાયનાં કરિષ્યતિ । પરિનિર્વૃતાનાં ચ તેષાં તથાગતાનાં સ્તૂપાન્ કરિષ્યતિ યોજનસહસ્રં સમુચ્છ્રયેણ પઞ્ચાશદ્ યોજનાનિ પરિણાહેન સપ્તાનાં રત્નાનામ્ । તદ્યથા સુવર્ણસ્ય રૂપ્યસ્ય વૈડૂર્યસ્ય સ્ફટિકસ્ય લોહિતમુક્તેરશ્મર્ગભસ્ય મુસારગલ્વસ્ય સપ્તમસ્ય રત્નસ્ય । તેષાં ચ સ્તૂપાનાં પૂજાં કરિષ્યતિ પુષ્પધૂપગન્ધમાલ્યવિલેપનચૂર્ણચીવરચ્છત્રધ્વજપતાકાવૈજયન્તીભિશ્ચ ( વૈદ્ય 101 ) । તતશ્ચ ભૂયઃ પરેણ પરતરેણ પુનર્વિશતીનાં બુદ્ધકોટીનામન્તિકે એવરૂપમેવ સત્કારં કરિષ્યતિ, ગુરુકારં માનનાં પૂજનામર્ચનામપચાયનાં કરિષ્યતિ । સ પશ્ચિમે સમુચ્છ્રયે પશ્ચિમે આત્મભાવપ્રતિલમ્ભે જામ્બૂનદપ્રભાસો નામ તથાગતો ઽર્હન્ સમ્યક્સંબુદ્ધો લોકે ભવિષ્યતિ વિદ્યાચરણસંપન્નઃ સુગતો લોકવિદનુત્તરઃ પુરુષદમ્યસારથિઃ શાસ્તા દેવાનાં ચ મનુષ્યાણાં ચ બુદ્ધો ભગવન્ । પરિશુદ્ધં ચાસ્ય બુદ્ધક્ષેત્રં ભવિષ્યતિ સમં રમણીયં પ્રાસાદિકં દર્શનીયં સ્ફટિકમયં રત્નવૃક્ષાભિવિચિત્રિતં સુવર્ણસૂત્રાચ્છોડિતં પુષ્પસંસ્તરસંસ્તૃતમપગતનિરયતિર્યગ્યોનિયમલોકાસુરકાયં બહુનરદેવપ્રતિપૂર્ણં બહુશ્રાવકઃઅતસહસ્રોપઃઓભિતં બહુબોધિસત્ત્વઃઅતસહસ્રાલંકૃતમ્ । દ્વાદઃઅ ચાસ્ય અન્તરકલ્પાનાયુષ્પ્રમાણં ભવિષ્યતિ । વિંઃઅતિં ચાસ્ય અન્તરકલ્પાન્ સદ્ધર્મઃ સ્થાસ્યતિ । વિંઃઅતિમેવાન્તરકલ્પાન્ સદ્ધર્મપ્રતિરૂપકઃ સ્થાસ્યતિ ॥
અથ ખલુ ભગવાંસ્તસ્યાં વેલાયામિમા ગાથા અભાષત -
શૃણોથ મે ભિક્ષવ અદ્ય સર્વે ઉદાહરન્તસ્ય ગિરામનન્યથામ્ ।
કાત્યાયનઃ સ્થવિરુ અયં મિ શ્રાવકઃ કરિષ્યતે પૂજ વિનાયકાનામ્

સત્કારુ તેષાં ચ બહુપ્રકારં બહૂવિધં લોકવિનાયકાનામ્ ।
સ્તૂપાંશ્ચ કારાપયિ નિર્વૃતાનાં પુષ્પેહિ ગન્ધેહિ ચ પૂજયિષ્યતિ

લભિત્વ સો પશ્ચિમકં સમુચ્છ્રયં પરિશુદ્ધક્ષેત્રસ્મિ જિનો ભવિષ્યતિ ।
પરિપૂરયિત્વા ઇમમેવ જ્ઞાનં દેશેષ્યતે પ્રાણિસહસ્રકોટિનામ્

સ સત્કૃતો લોકિ સદેવકસ્મિન્ પ્રભાકરો બુદ્ધ વિભુર્ભવિષ્યતિ ।
જામ્બૂનદાભાસુ સ ચાપિ નામ્ના સંતારકો દેવમનુષ્યકોટિનામ્

બહુબોધિસત્ત્વાસ્તથ શ્રાવકાશ્ચ અમિતા અસંખ્યા પિ ચ તત્ર ક્ષેત્રે ।
ઉપશોભયિષ્યન્તિ તિ બુદ્ધશાસનં ભવપ્રહીણા વિભવાશ્ચ સર્વે

અથ ખલુ ભગવાન્ પુનરેવ સર્વાવન્તં ભિક્ષુસંઘમામન્ત્રયતે સ્મ - આરોચયામિ વો ભિક્ષવઃ, પ્રતિવેદયામિ । અયં મમ શ્રાવકઃ સ્થવિરો મહામૌદ્ગલ્યાયનો ઽષ્ટાવિંશતિબુદ્ધસહસ્રાણ્યારાગયિષ્યતિ, તેષાં ચ બુદ્ધાનાં ભગવતાં વિવિધં સત્કારં કરિષ્યતિ, ગુરુકારં માનનાં પૂજનામર્ચનામપચાયનાં કરિષ્યતિ । પરિનિર્વૃતાનાં ચ તેષાં બુદ્ધાનાં ભગવતાં સ્તૂપાન્ કારયિષ્યતિ સપ્તરત્નમયાન્ । તદ્યથા સુવર્ણસ્ય રૂપ્યસ્ય વૈદૂર્યસ્ય સ્ફટિકસ્ય લોહિતમુક્તેરશ્મગર્ભસ્ય મુસારગલ્વસ્ય । યોજનસહસ્રં સમુચ્છ્રયેણ પઞ્ચયોજનશતાનિ પરિણાહેન । તેષાં ચ સ્તૂપાનાં વિવિધાં પૂજાં કરિષ્યતિ પુષ્પધૂપગન્ધમાલ્યવિલેપનચૂર્ણચીવરચ્છત્રધ્વજપતાકાવૈજયન્તીભિઃ । તતશ્ચ ભૂયઃ પરેણ પરતરેણ વિંશતેર્બુદ્ધકોટીશતસહસ્રાણામેવંરૂપમેવ સત્કારં કરિષ્યતિ, ગુરુકારં માનનાં પૂજનામર્ચનામપચાયનાં કરિષ્યતિ । પશ્ચિમે ચ આત્મભાવપ્રતિલમ્ભે તમાલપત્રચન્દનગન્ધો નામ તથાગતો ઽર્હન્ સમ્યક્સંબુદ્ધો લોકે ભવિષ્યતિ વિદ્યાચરણસંપન્નઃ સુગતો લોકવિદનુત્તરઃ પુરુષદમ્યસારથિઃ શાસ્તા દેવાનાં ચ મનુષ્યાણાં ચ બુદ્ધો ભગવાન્ । મનોભિરામં ચ નામાસ્ય તદ્બુદ્ધક્ષેત્રં ભવિષ્યતિ । રતિપ્રપૂર્ણશ્ચ નામ સ કલ્પો ભવિષ્યતિ । પરિશુદ્ધં ચાસ્ય તદ્બુદ્ધક્ષેત્રં ભવિષ્યતિ, સમં રમણીયં પ્રાસાદિકં સુદર્શનીયં સ્ફટિકમયં રત્નવૃક્ષાભિવિચિત્રિતં મુક્તકુસુમાભિકીર્ણં બહુનરદેવપ્રતિપૂર્ણમૃષિશતસહસ્રનિષેવિતં યદુત શ્રાવકૈશ્ચ બોધિસત્ત્વૈશ્ચ । ચતુર્વિશતિં ચાસ્ય અન્તરકલ્પાનાયુષ્પ્રમાણં ભવિષ્યતિ । ચત્વારિંશચ્ચ અન્તરકલ્પાન્ સદ્ધર્મઃ સ્થાસ્યતિ । ચત્વારિંશદેવ અન્તરકલ્પાન્ સદ્ધર્મપ્રતિરૂપકઃ સ્થાસ્યતિ ॥
અથ ખલુ ભગવાંસ્તસ્યાં વેલાયામિમા ગાથા અભાષત -
મૌદ્ગલ્યગોત્રો મમ શ્રાવકો ઽયં જહિત્વ માનુષ્યકમાત્મભાવમ્ ।
વિંશત્સહસ્રાણિ જિનાન તાયિનામન્યાંશ્ચ અષ્ટૌ વિરજાન દ્રક્ષ્યતિ

ચરિષ્યતે તત્ર ચ બ્રહ્મચર્યં બૌદ્ધં ઇમં જ્ઞાન ગવેષમાણઃ ।
સત્કારુ તેષાં દ્વિપદોત્તમાનાં વિવિધં તદા કાહિ વિનાયકાનામ્

સદ્ધર્મુ તેષાં વિપુલં પ્રણીતં ધારેત્વ કલ્પાન સહસ્રકોટ્યઃ ।
પૂજાં ચ સ્તૂપેષુ કરિષ્યતે તદા પરિનિર્વૃતાનાં સુગતાન તેષામ્

રત્નામયાન્ સ્તૂપ સવૈજયન્તાન્ કરિષ્યતે તેષ જિનોત્તમાનામ્ ।
પુષ્પેહિ ગન્ધેહિ ચ પૂજયન્તો વાદ્યેહિ વા લોકહિતાનુકમ્પિનામ્

તત્પશ્ચિમે ચૈવ સમુચ્છ્રયસ્મિન્ પ્રિયદર્શને તત્ર મનોજ્ઞક્ષેત્રે ।
ભવિષ્યતે લોકહિતાનુકમ્પી તમાલપત્રચન્દનગન્ધ નામ્ના

ચતુર્વિશપૂર્ણાન્તરકલ્પ તસ્ય આયુષ્પ્રમાણં સુગતસ્ય ભેષ્યતિ ।
પ્રકાશયન્તસ્યિમ બુદ્ધનેત્રીં મનુજેષુ દેવેષુ ચ નિત્યકાલમ્

બહુશ્રાવકાતસ્ય જિનસ્ય તત્ર કોટી સહસ્રા યથ ગઙ્ગવાલિકાઃ ।
ષડભિજ્ઞ ત્રૈવિદ્ય મહર્દ્ધિકાશ્ચ અભિજ્ઞપ્રાપ્તાઃ સુગતસ્ય શાસને

અવૈવર્તિકાશ્ચો બહુબોધિસત્ત્વા આરબ્ધવીર્યાઃ સદ સંપ્રજાનાઃ ।
અભિયુક્તરૂપાઃ સુગતસ્ય શાસને તેષાં સહસ્રાણિ બહૂનિ તત્ર

પરિનિર્વૃતસ્યાપિ જિનસ્ય તસ્ય સદ્ધર્મુ સંસ્થાસ્યતિ તસ્મિ કાલે ।
વિંશચ્ચ વિંશાન્તરકલ્પ પૂર્ણા એતત્પ્રમાણં પ્રતિરૂપકસ્ય

મહર્દ્ધિકાઃ પઞ્ચ મિ શ્રાવકા યે નિર્દિષ્ટ યે તે મય અગ્રબોધયે ।
અનાગતે ઽધ્વાનિ જિનાઃ સ્વયંભુવસ્તેષાં ચ ચર્યાં શૃણુથા મમાન્તિકાત્