સભિકસૌગતશાસનપ્રવ્રજ્યાવ્રતચરણપરિવર્ત · શ્લોક 81-100

તત્ર સર્વસભામધ્યે સંવદિષ્યામહે મિથઃ ।
મયા ચેન્ નિર્જિતા ત્વં સ્ત્રી તદા લોકે ન નિન્દિતા

કિમ્ આશ્ચર્યં જિતા બાલા પુંસા સતેતિ વક્ષ્યતે ।
યદિ તત્ર સભામધ્યે નિર્જિતો ઽહં ત્વયા સ્ત્રિયા

તદા લોકે ભવિષ્યામિ નિન્દ્યમાનઃ સમન્તતઃ ।
પુમાન્ અપિ દ્વિજઃ પ્રાજ્ઞો બાલયાપિ સ્ત્રિયા જિતઃ

ઇતિ હાસ્યપથં યાસ્યે વિદ્યાકરો ઽતિવિશ્રુતઃ ।
ઇતિ ત્વયા તદા તત્ર સંવાદે નૌ પ્રવર્તિતે

અન્તે પ્રત્યુત્તરં નૈવ દાતવ્યમ્ અપિ કિંચન ।
તથા જિત્વા મયા ત્વં સ્ત્રી શિષ્યાપિ મે ભવેસ્ તદા

એવં સમાગમં નૌ સ્યાદ્ વાવજ્ જીવં સુખં મહત્ ।
ઇતિ તદુક્તમ્ આકર્ણ્ય સા કામરાગદાહિતા

તથેતિ પતિભાષિત્વા બ્રાહ્મણં તં વ્યનોદયત્ ।
એવં સ બ્રાહ્મણસ્ તત્ર કૃત્વાભિસમયં તયા ।
લોકાસમીક્ષ્યમાણશ્ ચ સ્વાલયે પ્રાચરન્ મુદા

તતો ઽન્યસ્મિન્ દિને પ્રાતઃ વિદ્વાન્ કામસમુત્સુકઃ ।
મહાજનસભામધ્યે ગત્વામન્ત્ર્યૈવમ્ અબ્રવીત્

ભવન્તો ઽદ્ય તયા સાર્ધં પરિવ્રાજિકયા સહ ।
સંવાદં કર્તુમ્ ઇચ્છામિ તદ્ આનયન્તુ તાં દ્રુતં

ઇતિ તેનોદિતં શ્રુત્વા સર્વે ઽપિ તે મહાજનાઃ ।
તથેતિ સમુપામન્ત્ર્ય તાં યતિમ્ એવમ્ અબ્રુવન્

ભવતિ યદ્ અયં વિપ્રઃ સર્વશાસ્ત્રવિચક્ષણઃ ।
ભવત્યા સહ સંવાદં કર્તુમ્ અદ્ય સમિચ્છતિ

તદ્ ભવન્તી સહાનેન વિવદિતું યદીચ્છતિ ।
તત્ર રંગે સભામધ્યે સમાગત્યાભિતિષ્ઠતુ

ઇતિ તદુક્તમ્ આકર્ણ્ય સા પરિવ્રાજિકા મુદા ।
તં ભર્તારમ્ અભીચ્છન્તી રંગભૂમ્યાં સમાશ્રયત્

વિદ્યાકરો ઽપિ આગત્ય તત્ર રંગે સભાશ્રયે ।
મહાધીમુખૈન્ આલોક્ય પ્રમનાઃ સમુપાશ્રયત્

તત્ર રંગે સભામધ્યે તાવ્ ઉભૌ સમુપાશ્રિતૌ ।
દૃષ્ટ્વા શ્રુત્વાપિ તે સર્વે મહાજના ઉપાશ્રયન્

તદ્ દ્રષ્ટું કૌતુકાક્રાન્તં વિપ્રાશ્ ચ બ્રહ્મચારિણઃ ।
નૃપતિપ્રમુખા લોકાઃ સર્વે તત્ર સમાગતાઃ

તથાન્યે ઽપિ જનાઃ સન્તઃ શિલ્પિવણિક્પ્રજાદયઃ ।
સર્વે ઽત્ર સમુપાયાતાસ્ તદ્ દ્રષ્ટું સમુપાશ્રયન્ ॥ સ્વ્પ્_*96* ॥
તાન્ દ્રષ્ટું સમુપાસીનાન્ સર્વાંલ્ લોકાન્ સમીક્ષ્ય સઃ ।
બ્રાહ્મણ ઉત્થિતઃ પશ્યન્ સાઞ્જલિર્ એવમ્ અબ્રવીત્

ભવન્તો ઽત્ર યદ્ અસ્માભિઃ સ્વમ્ અતિમદમાનિકં ।
કૃતં વટુકચાપલ્યં કર્તુમ્ અર્હન્તુ તત્ ક્ષમાં

યદિ મયા વિવાદે ઽત્ર નારીયં નિર્જિતા તદા ।
કિમ્ આશ્ચર્યં વદેલ્ લોકઃ પુંસા નારી જિતેતિ ચ

યદ્ય્ એતયા સ્ત્રિયાપ્ય્ અત્ર વિવાદે ઽહં વિનિર્જિતઃ ।
પુમાન્ અપિ જિતો નાર્યા હીતિ સ્યાં સર્વનિન્દિતઃ