સભિકસૌગતશાસનપ્રવ્રજ્યાવ્રતચરણપરિવર્ત · શ્લોક 61-80

તાં પરિવ્રાજિકાં સાધ્વીં સમામન્ત્ર્યૈવમ્ અબ્રુવન્ ।
ભો ભદ્રે બ્રાહ્મણો વિદ્વાન્ ભવતીં દ્રષ્ટુમ્ ઇચ્છતિ

તદ્ ભવતી તમ્ આમન્ત્ર્ય સંદર્શયતુ સાદરં ।
ઇતિ તદુક્તમ્ આકર્ણ્ય સા પરિવ્રાજિકા મુદા

તં વિદ્વાંસં સમામન્ત્ર્ય પુરતઃ સમુપાશ્રયત્ ।
તાં પરિવ્રાજિકાં કાન્તાં મનોરમાતિસુન્દરીં

સમીક્ષ્ય સુચિરં તસ્થૌ રાગાગ્નિજ્વલિતાશયઃ ।
સા પરિવ્રાજિકા ચાપિ દૃષ્ટ્વા તં સુન્દરં દ્વિજં

સંરાગવ્યાકુલસ્વાન્તા પશ્યન્ત્ય્ એવ સમાશ્રયત્ ।
તયોર્ દ્વયોર્ દૈવયોગાદ્ રાગવહ્નિઃ સમુત્થિતઃ

તેનાભિદ્રવિતસ્વાન્તૌ સ્નેહરક્તૌ બભૂવતુઃ ।
તતઃ સ બ્રાહ્મણઃ કાન્તો યુવા રાગાકુલેન્દ્રિયઃ

તાં કાન્તાં યૌવનીં રામાં સંપશ્યન્ રહ અબ્રવીત્ ।
અયિ ભદ્રે સુભદ્રાંગિ ત્વાં દૃષ્ટ્વા મમ માનસં

રાગાગ્નિર્ દીપ્યતે દગ્ધું તચ્ છમીકર્તુમ્ અર્હતિ ।
યદિ તે ઽસ્તિ દયા ભદ્રે બ્રાહ્મણે ઽસ્મિન્ વિચક્ષણે

તત્ સુદૃષ્ટ્યા સમાલોક્ય મામ્ આશ્વાસ્યાભિનન્દય ।
ઇતિ તદુક્તમ્ આકર્ણ્ય સા પરિવ્રાજિકા અપિ

કામરાગાવિલસ્વાન્તા તસ્થૌ સંમોહિતા યથા ।
એવં સંમોહિતસ્વાન્તાં તાં વીક્ષ્ય બ્રાહ્મણો ઽપિ સઃ

આલિંગ્ય સુદૃશાપશ્યન્ સમાશ્વાસ્યૈવમ્ અબ્રવીત્ ।
અયિ ભદ્રે યદિ તે ઽસ્તિ સ્નેહમૈત્રમનો મયિ

શ્રુત્વા મે ઽભિહિતં વાક્યં ચિત્તં સમભિનન્દય ।
સુમતે યન્ મયા સાર્ધં વિવાદં કર્તુમ્ ઇચ્છસિ

અહમ્ અપિ ત્વયા સાર્ધં વિવાદં કર્તુમ્ ઉત્સહે ।
તદ્ યદિ તે મયિ સ્નેહસ્ તન્ મે હિતં વચઃ શૃણુ

તન્ મનસા સમાધાય સમભિકર્તુમ્ અર્હતિ ।
ઇતિ તદુક્તમ્ આકર્ણ્ય કામાતુરા મહાસુધીઃ

વિદ્યાકરં સમાલોક્ય વિહસંત્ય્ એવમ્ અબ્રવીત્ ।
ભો દ્વિજેન્દ્ર મહાપ્રાજ્ઞ સમાદિષ્ટં ત્વયા યથા

તથાહં કર્તુમ્ ઇચ્છામિ સત્યમ્ ઇતિ પ્રવક્ષ્યતાં ।
ઇતિ તયા સમાખ્યાતં શ્રુત્વાસૌ ચાતુરો મુદા

તાં સ્મિતાનનઃ પ્રાહ મનોજરસવિહ્વલઃ ।
યદ્ય્ એવં ક્રિયતે રામે તથાવયોઃ સમાગમં

યાવજ્ જીવં સુખં ભુક્ત્વા રમમાણૌ ચરેમહિ ।
તદ્ અભિસમયં કૃત્વા ગુપ્તમ્ આવાં વિધાય તત્

એવં તત્ર સભામધ્યે સંલપિષ્યાવહે કિલ ।
યો ઽત્ર વિવાદિતે જેતા તસ્ય સ હતમાનિકઃ

શરણે પ્રાપ્ય શિષ્યત્વં સંચરેત સદાનુગઃ ।
ઇત્ય્ અભિસમયં કૃત્વા સાક્ષીકૃત્વા મહાજનાન્